Siin Giala 24:3 - LAWA A BOO SONBORE

³ N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

LAWA A BOO SONBORE 2011

³ N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Siin Giala 24:3 ပူးပေါင်းရင်းမြစ်များ

Siin Giala 14:19

Á lɛn bǐɛ̃ bíi Abramu li, bɛ̀ á n pii kɛnɛn: «Lon a Lawa mɛn bɛ́ á lon laanka tán zɛnaa, bɛ die a barka wɔ n nɛ, Abramu.

Siin Giala 14:22

Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa.

Siin Giala 21:23

Bɛ lɛ taman yii, n liɛ masɛ nɛ ka Lawa nɛ kànaa sisia, mà n ba re masɛ bebele, n nə n bɔ ma li wa. N ba re maa nɛnyaanan dɔn laanka maa nɔ̀ɔnɔn bebele, n nə n bɔ ǹ li wa. Man kũ doɛ̃ lɔn, ń bɛ́ giã-n gána mɛn nɛ, n masɛ laanka bɛ lɛ dɔ kũ doɛ̃ miɛ̃.»

Siin Giala 24:7

Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

Siin Giala 27:46

Rebeka pɛ Izaaki ni: «N manaa Ɛti tɔrɔn kɛn tá kanaa tìĩ boe masɛ nyin ni. Bɛ̀ Zakɔba dɔ bɛ miã lɔn kɛn goon saa, gána kɛa nɛlɔn bii, masɛ a tá kanaa là n ka wàa-n doo?»

Siin Giala 28:1

Izaaki Zakɔba bíi, á lɛn bǐɛ̃ bíi li. Á pɛ á laa a ganaa: «N nyan toa n Kanaan nɛ wɔ lɔ lɛa wa dɛ!

Siin Giala 28:8

Ezawu dɔ̃ mà Kanaan nɛlɔn lɛn ba kɔɔ̃nɛ ǹ di Izaaki ganaa wa.

Siin Giala 34:9

Ka kaa kun ka wɔ nɛ. Ka kaa nɛlɔn kɔ wɔ la lɔn lɛa, ka dɔn nə wɔa wɔn wɔ lɔn lɛa.

Siin Giala 38:2

Á Kanaan giĩ Suwaa a nɛlɔ yɛ walan, á bɔ á saa a lɔ lɛa. A bɛ́ á giã kun ni,

Siin Giala 47:31

Zakɔba tɔ́n pɛ nɛ. «N liɛ ma nɛ.» Zozɛfu nə́ n liɛ nɛ. Bɛ kio, Zakɔba nə́ n toa a piì mìi li, á Lawa guguru kɔ.

Siin Giala 50:25

Bɛ̀ Lawa nə́ n dɔ ka lɛ, á bɛ zɛnaa ka nɛ ǹ mɛn waáraa, bɛ̀ ka tá woe, ka ma wen waa ka wo ǹ ne. Zozɛfu pɛ ǹ nɛ, mà yǎa ǹ nə n liɛ asɛ nɛ, ka bɛa zɛnaa nɛ.»

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Siin Giala 6:4

Bɛa waáraa, haalɛ bɛ dɔ din kio, min sasa gegeren nə́ goã kanaa lɛ nɛ. Lawa a nɛnyaanan nə minbuiinin nɛlɔn mɛnɛn bɔ, ǹ nə́ nɛnyaanan yɛ ǹ la, bɛn lɛn tɔrɔn manɛ. Ǹ dinin lɛn man nə́ goã min gegere pàãdɛnan lɛa lɛlɛ, ǹ tɔ bɔ parsiini.

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

KZS2 2:12

Kanna kəni man die giĩ goon diɛ n la, dí yɔrɔ doɛ̃ parasiini, Uramu-Abii, a yiri tan parasiini.

Ɛsidrasi 5:11

Ǹ bɛ́ re wɔ lɛ sii ka boo mɛn nɛ, bɛ á ke: «Lawa mɛn bɛ́ tán laanka lon a Lawa lɛa, wɔsɛn man bɛa dí-nyalin lɛa. Wɔsɛn man wusii kion kɛ doe, kion mɛn lɛ a doe bɛ́ á lɛ̀ damata yɛ. Izirayeli gána a kii gole goon na á goã á bɛa kion lɛ dɔ á nya.

Nehemii 13:25

Má ǹ zɛ̀rɛ baa, má n lɛ baraa da ǹ kio. Ma gɔn mɛ min didi ganaa ǹ bii, má ǹ mìi ka wɔwoɛ̃. Bɛ kio, má ǹ kaa liɛ ganaa ka Lawa tɔ nɛ, máa ǹ baran toa ǹ nə ǹ nɛlɔn kɔ bɛa minin kɛn lɛn nɛgiĩn la wa, ǹ baran ǹ dɔn nɛlɔn goa ǹ nɛgiĩn laanka ǹ dinin wɔn lɛa wa.

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Loen 115:15

Dɛnaa Lawa die a barka da ka ganaa, asɛ mɛn bɛ́ á lon laanka tán zɛnaa.

Loen 136:26

Ka barka da lon a Lawa nɛ, a kɔn-narɛɛ a nyɛɛ duduu wa.

Bɔ bɛ̀rɛbaa nɛ 20:7

- N baran n Dɛnaa Lawa tɔ bíi sii kooron ganaa wa. A giala, masɛ Dɛnaa ba bɛa min kɛ toɛ dɔlɔ baã wa.

Bɔ bɛ̀rɛbaa nɛ 22:11

Sɛnɛ, bɛ̀ maǹ nə́ tɔɔ lɛ koã a li, a na a dòo sarɛɛ ǹ dɛnaa la.

Bɔ bɛ̀rɛbaa nɛ 23:13

«Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Izayii 45:23

Ma nə n liɛ ka maa Lawa baa nɛ, boo mɛn bɛ́ soe ma lɛ-n sonbore ne, boo lɛa a ná a ba n bɔyɛɛ wa: Minbuiin nɛ tumaa n die kiɛ tán ǹ musin la ma yɔrɔ-a, ǹ nə n liɛ ǹ pɛ:

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Izayii 65:16

Gána lɛ gɔ́ɔ̃ nɛ, min woo min tá li a Lawa bǐɛ̃ bíi a din li, ǹ dɛnaa n bíi ka Lawa bɔlɔgoondɛnaa tɔ nɛ. Min woo min a n lɛ kɔ we tán la, a n die n liɛ ka Lawa bɔlɔgoondɛnaa tɔ nɛ. Dɛnaa Lawa pɛ: «Yiri á re boe ka lɛlɛ ǹ koen kɛn nɛ. Ǹ tá re papaɛ̃, ǹ nə n bɔ ma yɔrɔ-a.»

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Zeremii 29:6

Ka kɔn wɔ, ka nɛgiĩn laanka nɛlɔn yɛ. Ka lɔ kɔ kaa nɛgiĩn la ka kaa nɛlɔn kɔ zuũn ganaa màn mɛn bɛ́ toɛ ǹ dɔn nə nɛnyaanan yɛ. Ka mɔnaa parsiini, màn kɔn baran n bɔ ka lɛ wa.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Lawa a wúlu-bɔlen 19:12

Ka baran n liɛ soɛ la ka masɛ tɔ-n wa. Bɛ̀ ka bɛ zɛnaa, ka n die ka dinin Lawa tɔ kɛ biɛ màn kooro lɛa. Ma din Dɛnaa Lawa n má pɛ.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Minin nimi 5:21

Lawa a wúlu-bɔle lɛ die a lɔ lɛ da lɛn baraa bii ganaa a pɛ nɛ: Dɛnaa Lawa die a n kurəə nɛ yɛ ganaa, a n nɔ̀ da yii ganaa. Bɛ̀ n tɔrɔ minin tá lɛn baraa bii kɔn li, ǹ nə́ n liɛ, ǹ die ǹ pɛ: Lawa die a n baa ka min kɛ a lɔ kɛ bɛ́ lɔn.

Korɛnti1 7:39

Lɔ n doa-n kɔn ka ǹ zuũ ni, ta maǹ beleboe kanaa lɔn. Sɛnɛ, bɛ̀ ǹ zuũ gã, min mɛn bɛ́ kɔɔ̃n a ganaa, á boe la a kɔn wɔ ka bɛ nɛ. Sɛnɛ, giĩ lɛ goã Lawa-nyankɔle lɛa.

Timəə dí-pɛn 10:20

Ka nyɛ́ɛ baa kaa Lawa, Dɛnaa Lawa yii ni, ka dí nya nɛ, ka n naa a din lɛ ganaa, ka n liɛ ka a din lɛ tɔ nɛ.

Timəə dí-pɛn 6:13

Ka doamaa-n ka nyɛ́ɛ baa a dinsɔɔ̃ nɛ, ka a guguru kɔ, ka n liɛ ka a dinsɔɔ̃ tɔ nɛ.

Ebrəə 6:16

Màn mɛn bɛ́ gole á la minbuiin nɛ nɛ, a nə n liɛ ka bɛ nɛ, bɛa liɛ lɛ nə ǹ boo lɛ doa ǹ bǎã lɛa, a n liere nyɛɛ ǹ biin ni.

Zozoe 2:12

Kanna kəni man ka nyankoe, ka n liɛ masɛ nɛ ka Dɛnaa Lawa tɔ nɛ ka pɛ, mà ka tá re bǐɛ̃ zɛnɛɛ masɛ di kion minin manɛ ka ma bɛ́ má bǐɛ̃ zɛnaa ka dɔn man lɔn.

Sii yɔrɔ-bɔlen 14:3

Ǹ di laanka ǹ dan tɔ́n pɛ nɛ: «Lɔ na a ba wɔ dɔɔ̃nɔn nɛlɔn kɛn laanka ma tɔrɔn kɛn bii wa, yǎa n woe lɔ siɛ Filisiti min soroman kɛn li?» Sɛnɛ, Sansɔn pɛ ǹ di ni mà a bɛ lɛ saa a kɔ asɛ la, a giala, mà bɛ lɛ sii n kɔɔ̃n asɛ ganaa.

Samayeli1 20:17

A giaárabaa lɛ gɔ́ɔ̃ nɛ ka Davida nɛ, Zonaatan wusoo doo, á n lɛ kɔ Davida la, a giala, a na á goã Davida narɛ ka a din bɛ́ lɔn.

Samayeli1 30:15

Davida pɛ nɛ: «N tá re lɛ koe n wo ka masɛ nɛ bɛa sɔraasin lɛn bǎã nɛ?» Á Davida lɛ si: «N liɛ masɛ nɛ ka Lawa tɔ nɛ, mà n ba re ma dii wa, mà n ba re ma we maa dɛnaagiĩ lɛ gɔn wa. Bɛ̀ á re n zɛnɛɛ miɛ̃, ma á re woe n ne bɛa sɔraasin lɛn bǎã nɛ.»