Siin Giala 24:12 - LAWA A BOO SONBORE

¹² Á Lawa nyankɔ á pɛ: – Dɛnaa, maa dɛnaagiĩ Abrahamu a Lawa, toa maa tɔ-wɔ kɛ bǐɛ̃ kɔ pelo. N din a sonborebaa nyaa masɛ a dɛnaagiĩ Abrahamu ni.

LAWA A BOO SONBORE 2011

¹² Á Lawa nyankɔ á pɛ: – Dɛnaa, maa dɛnaagiĩ Abrahamu a Lawa, toa maa tɔ-wɔ kɛ bǐɛ̃ kɔ pelo. N din a sonborebaa nyaa masɛ a dɛnaagiĩ Abrahamu ni.

Siin Giala 24:12 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 24:21

Giĩ lɛ nə́ n lɛ tã, á goã giɛ a ganaa ka a yii ni, bɛ̀ Dɛnaa á die asɛ a tɔ-wɔ lɛ bǐɛ̃ koe, hinlaa bɛ̀ a die a bǐɛ̃ koe wa asɛ dɔ̃.

Siin Giala 24:27

«Maa barka tá Dɛnaa ganaa, maa dɛnaagiĩ Abrahamu a Lawa ganaa, bɛ mɛn bɛ́ á sonborebaa taãn nyaa maa dɛnaagiĩ ni, a ná a lɛkɔmala ǹ siin tumaa lɛ pã a wɔ paǹ li. N din ni n mɛ masɛ nyɛɛnɛ, n daa ma koa maa dɛnaagiĩ ǹ dɔɔ̃nɔn kion.»

Siin Giala 24:42

Ma bɛ́ má daa má dɔ tù kɛ lɛ-a pelo, má Lawa nyankɔ: «Maa dɛnaagiĩ Abrahamu a Dɛnaa Lawa, ma bɛ́ zii tɔ mɛn we, bǐɛ̃ kɔ ma ganaa, n ma gòã bǐɛ̃ na a nɛ.»

Siin Giala 24:48

Má kaa tán Dɛnaa yɔrɔ-a, má a guguru kɔ. Má barka da maa dɛnaagiĩ Abrahamu a Dɛnaa Lawa nɛ, bɛ mɛn bɛ́ á mɛ ma nyɛɛnɛ sɔnbɔraanɛ, maa zii tɔ-wɔ kɛ gɔ́ɔ̃ nɛ, màn mɛn bɛ́ toɛ, ma maa dɛnaagiĩ lɛ dɔɔ̃n a nɛ saa, ma da kɔ a nɛgiĩ la lɔ lɛa.

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 27:10

N din tá re woe koe n di lɛ la, màn mɛn bɛ́ toɛ, a lɛn bǐɛ̃ bíi n li, a tɔn gã.

Siin Giala 27:20

Izaaki tɔ́n pɛ a nɛgiĩ lɛ nɛ: «Maa nɛgiĩ, n yii fuu kɔ dɛ!» Zakɔba ná a lɛ si: «N din a Dɛnaa Lawa na á ma gɛrɛsiɛ bɔ.»

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 31:42

Bɛ̀ ma di gole Abrahamu a Lawa, ma di Izaaki bɛ́ nyɛ́ɛ biɛ Lawa mɛn lɛ nɛ, bɛ̀ bɛ bie á goã kun ka masɛ-n wa, bɛ̀ n nə ǹ die toɛ ma gɔn kooro woo. Sɛnɛ, Lawa ga masɛ á nɔmaa ganaa, ma dí kaka mɛn nya, á bɛ yɛ. Bɛ lɛ nɛ, a ná a yɔrɔ bɔ gunun tèlò-n.»

Siin Giala 32:10

Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

Siin Giala 32:9

A na á goã pii: «Bɛ̀ Ezawu boo la, á kuru goon si, kuru mɛn bɛ́ re goɛ̃, bɛ́ á re boe la a la.»

Siin Giala 43:14

Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin2 2:14

Dɔnkɛ gole mɛn lɛ bɔ Yilii ganaa á mɛnaa, Yiliizee bɛ bɔ á tà mu lɛ dɛ nɛ, á n toa: «Dɛnaa Lawa n maa, Yilii a Lawa lɛ?» Yiliizee dɔ bɛ́ á tà mu lɛ dɛ, tà mu lɛ nə́ n na kɔn wɔlɔ paa, Yiliizee kiɛ̃.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Nehemii 2:4

Kii lɛ nɔ̀n da ma la: «N nə n giɛ wàa mɛn li?» Má tɔ́n lon a Lawa nyankɔ.

Loen 118:25

N dɔ wɔ lɛ, Dɛnaa Lawa, n wɔ kirisibaa! N dɔ wɔ lɛ, Dɛnaa Lawa, n wɔa wɔ bǐɛ̃ kɔ!

Loen 122:6

Ka Lawa nyankɔ a là nyantoro kɔ Zeruzalɛmu la. Min mɛnɛn bɛ́ kiwi lɛ narɛ, bɛn die ǹ là nyantoro yɛ.

Loen 127:1

Wo Zeruzalɛmu loe. Salomɔn a loe n ke. Bɛ̀ Dɛnaa Lawa kion mɛn dɔ wa, a dɔlen man dí nyɛɛ kooro. Bɛ̀ Dɛnaa Lawa ba kiwi mɛn lɛduĩ wa, a lɛduə̃lin man lɛ wɛɛ ǹ yii n koo kooro.

Loen 37:5

N sii tumaa toa Dɛnaa Lawa gɔn, n foo doa a ganaa, á re n doe n lɛ.

Bɔ bɛ̀rɛbaa nɛ 3:15

Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Suusun 3:6

N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Filipi minin 4:6

Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.