Siin Giala 24:1 - LAWA A BOO SONBORE

¹ Abrahamu zizi kɔ parsiini. Dɛnaa barka wɔ a-n sii tumaa gɔ́ɔ̃ nɛ.

LAWA A BOO SONBORE 2011

¹ Abrahamu zizi kɔ parsiini. Dɛnaa barka wɔ a-n sii tumaa gɔ́ɔ̃ nɛ.

Siin Giala 24:1 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 13:2

Abramu na á goã pàãma gole lɛa: tɔɔn nə́ goã a lon, ka wɔrɔ laanka sana nɛ.

Siin Giala 18:11

A bɛ́ á boo lɛ ma, á yaa wɔ a din gɔ́ɔ̃ nɛ. A giala Abrahamu laanka Saaraa zizi kɔ parsiini, lɔn lɛawaa din ba Saaraa kuĩ doo wa. Á tɔ́n pɛ kɛnɛn: «Masɛ din zinziin ke, giĩ sii n siɛ lɔn, a masɛ kũ doo? Masɛ a dɛnaa dɔ á ke á zizi kɔ ka wàa baa!»

Siin Giala 21:5

Izaaki bɛ́ yii, bɛ̀ Abrahamu lɛ̀ paabiɛ nɛ.

Siin Giala 24:35

Dɛnaa barka wɔ maa dɛnaagiĩ lɛ nɛ, á paãma gole baa. Á sèren kɔ la, ka bòen laanka diin ni, wɔrɔ laanka sana nɛ, bɛ̀rɛlɔn laanka bɛ̀rɛgiĩn ni, ka nyɔɔmaan laanka dundunun ni.

Siin Giala 25:20

Izaaki a yɛ lɛ̀ pusi, á Rebeka saa lɔ lɛa. Rebeka n Laban ǹ miãnɛn lɛa, Betoeli mɛn bɛ́ Aramu min lɛa boe Mezopotamii gána nɛ, bɛa nɛlɔ nɛ.

Siin Giala 26:12

Izaaki wuru bɔ bɛa gána lɛ-n bɛa lɛ̀ lɛ ganaa. A màn tɔrɔ mɛn da a nɛ, á bɛa laman paabiɛ bɔ a nɛ. Dɛnaa barka wɔ a nɛ,

Siin Giala 49:25

N di a Lawa á re n doe n lɛ, Pàãyiidɛnaa Lawa á re barka diɛ n ganaa. Á die a la mu gisĩ n la, a die a tán giulun mu kɔ n la, a die a nɛnyaanan laanka tɔɔn kɔ n la.

Kiin1 1:1

Kii Davida zizi kɔ, á lɛ̀ gigiã yɛ. Maǹ nə́ goã mɔnaan koe lɛ, mà ǹ nyɛn nya a ganaa, sɛnɛ bɛ goã nyɛn lɛ nyɛɛ a ganaa wa.

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Matiə 6:33

Ka ga *Lawa a kiibaa laanka a peperebaa li bɔrɔ, bɛ kio, Lawa á die bɛa mànan kɛn tumaa koe ka la.

Luku 1:7

Sɛnɛ, nɛ goã ǹ lon wa, a giala Elizabɛti na á goã lɔ nɛ-yɛle baãnaa lɛa, ǹ dinin min paa dɔ́ zizi kɔ á nya.

Galaasi minin 3:9

Abrahamu golee li, Lawa tɔ́n barka da a ganaa. Bɛa yɔrɔ lɛ la, min mɛnɛn tumaa bɛ́ goleemali we, Lawa á re barka diɛ bɛn ganaa ka Abrahamu wɔ bɛ́ lɔn.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.