Siin Giala 23:2 - LAWA A BOO SONBORE

² Saaraa na á gã Kiriyati-Arabaa kiwi, ǹ bɛ́ ǹ mɛn bíi Ebrɔn, Kanaan gána nɛ. Abrahamu daa Saaraa a gɛ̀ koa, a ná a gɛ̀ wuu pɛ.

LAWA A BOO SONBORE 2011

² Saaraa na á gã Kiriyati-Arabaa kiwi, ǹ bɛ́ ǹ mɛn bíi Ebrɔn, Kanaan gána nɛ. Abrahamu daa Saaraa a gɛ̀ koa, a ná a gɛ̀ wuu pɛ.

Siin Giala 23:2 ပူးပေါင်းရင်းမြစ်များ

Siin Giala 13:18

Abramu yoo ka a zìãn nɛ, á daa giã Manbre a dan gòã li, kunu Ebrɔn ganaa. Á wúlu bɔ ǹ bǎã dɔ walan Dɛnaa wɔ lɛa.

Siin Giala 23:1

Saaraa na á lɛ̀ paabiɛ ka fuəwensɔbaa (127) zɛnaa kanaa.

Siin Giala 23:19

Bɛ kio, Abrahamu ná a lɔ Saaraa gere bĩ kele kolo ganaa ǹ yala lɛ nɛ, wuru lɛ-n Makpelaa, kunu Manbre ganaa. Bɛa bǎã lɛ nɛ ǹ tá bíi Ebrɔn, Kanaan gána nɛ.

Siin Giala 24:67

Izaaki Rebeka kũ á woo-n zìã nɛ, ǹ dan Saaraa bɛ́ á giã ǹ mɛn nɛ. Rebeka Izaaki a lɔ baa. Izaaki narɛ, a foo basã bɛ gɔ́ɔ̃ nɛ ǹ dan a gɛ̀ lɛ kio.

Siin Giala 27:41

Ezawu Zakɔba baa zɔ́ɔ, ǹ di a lɛn bǐɛ̃ bíi li lɛ taman yii. Á pɛ a din gɔ́ɔ̃-n kɛnɛn: «Maa díi lɛ a gɛ̀ dɔ á nya. Bɛa pinaa, man die ma diɛ̃ Zakɔba dii.»

Siin Giala 35:27

Zakɔba woo ǹ di Izaaki li Manbre kunu Kiriyati-Arabaa kiwi ganaa, ǹ nə́ bíi Ebrɔn sisia. Abrahamu laanka Izaaki giã walan lɛlɛ.

Siin Giala 37:14

Woo n nə ǹ yɛ, bɛ̀ ǹ giã ǹ gɔn tá siĩni, bɛ̀ tɔɔn lɛn dɔn tá yɔrɔ mɛn la, n da pɛ ma nɛ.» Ǹ di lɛ na á n toa Ebrɔn a nyankɔrɔ basa kɛ nɛ, á dia. Zozɛfu bɛ́ á dɔ Sisɛmu,

Siin Giala 50:1

Zozɛfu na, á waa ǹ di lɛ la tán, á n sɔɔ a nɛ, á wuu pɛ la.

Siin Giala 50:10

Ǹ bɛ́ ǹ nə́ dɔ nyan bǎã kɔ́n nɛ, Ataadi kiwi Zurdɛ̃ tà kio, ǹ nə́ gɛ̀ wuu pɛ walan, ǹ nə́ n lɛ dɛ kɔsɛkɔsɛ. Zozɛfu nə́ n di a gɛ̀ koa, yǎa lɛawaa sɔbaa.

Samayeli2 1:12

Ǹ nə́ gɛ̀ lɛ koa. Ǹ nə́ wuu pɛ, ǹ nə́ n lɛ sɔɔ yǎa wasa mɛ, Sayulu laanka a nɛgiĩ Zonaatan taman yii, Dɛnaa Lawa a zaman kɛ taman yii, ǹ mɛnɛn tumaa bɛ́ Izirayeli minin lɛa, ǹ nə́ gã zia la.

Samayeli2 1:17

Davida tɔ́n loe kɛ lɔ Sayulu laanka a nɛgiĩ Zonaatan li.

Samayeli2 2:11

Davida biikoo mɛn zɛnaa Ebrɔn, Zudaa tɔrɔn lɛn kii lɛa, lɛ̀ sɔbaa ka mui sɔrɔ nɛ.

Samayeli2 5:3

Izirayeli minin lɛn min golen nə́ daa dɔ kii lɛ li Ebrɔn. Kii Davida lɛ kɔn la wɔ ǹ nɛ Ebrɔn, Dɛnaa Lawa yɔrɔ-a. Ǹ nə́ nyɔɔ kaa Davida mìi-n walan, ǹ nə́ bɔ ǹ nə́ koa Izirayeli minin lɛn kii lɛa.

Samayeli2 5:5

A bɛ́ Ebrɔn, a na á giã Zudaa minin mìi la lɛ̀ sɔbaa ka mui sɔrɔ. A bɛ́ Zeruzalɛmu, a na á giã Izirayeli minin tumaa laanka Zudaa minin mìi la yǎa lɛ̀ pɔsɔɔwensɔɔ.

KZS1 6:57

Maǹ nə́ kiwin kɛn kɔ ǹ la Isakaara tɔrɔn bǎã nɛ: Kedɛsi laanka a tɔɔn buu sɔ̃ ǹ bǎãn manɛ, Daberati laanka a tɔɔn buu sɔ̃ ǹ bǎã manɛ,

KZS2 35:25

Lawa a boo gii-dali Zeremii gɛ̀ loe kiɛ̃ Zoziasi wɔ lɛa. A kũ bɛa waáraa kɛ ganaa a da kaa pelo lɛ, giĩ loe-lɔli laanka lɔ loe-lɔli tumaa n Zoziasi boo diɛ, bɛ̀ ǹ tá gɛ̀ loe loe. Bɛ na á landa baa Izirayeli gána nɛ. Ǹ boon tá gɛ̀ loen sɛ́wɔ nɛ.

Nehemii 11:25

Kiwi bisinin mɛnɛn bɛ́ sawaa nɛ donən ne, Zudaa tɔrɔn lɛn sumun tɛnɛn minin nə́ giã walan: Kiriyati-Arabaa a kiwi laanka a lɛ-a ǹ kiwi bisinin manɛ, Dibɔn laanka a lɛ-a ǹ kiwi bisinin ni, Yekabuseli laanka a lɛkoro lɛ-a bǎãn nɛ,

Zeremii 22:10

Zudaa minin lɛn, min mɛn bɛ́ á gã, ka nyan wuu pɛ bɛ la wa. Ka nyan wuu pɛ kii Zoziasi la wa. Sɛnɛ, min mɛn bɛ́ woe a ná a die doo wa, ka wuu pɛ bɛa dɛnaa la. A giala, a yɛ gána mɛn nɛ, a yii á re miɛ̃ bɛ ganaa doo wa.

Zeremii 22:18

Bɛ lɛ nɛ, Dɛnaa Lawa boo mɛn da Zudaan kii Zoziasi a nɛgiĩ Zozakimu á paǹ li, á ke: Bɛ̀ á gã, gɛ̀ loe ba re n loe wa. Min kɔn ba re pii: «Wàa koe n ka kɛ nɛ, dɔɔ̃ngiĩ! Wàa koe n ka kɛ nɛ, dɔɔ̃nlɔ!» Min kɔn ba re wuu pii a pɛ: «Wàa koe n ka kɛ nɛ, dɛnaagiĩ! Wàa koe n ka kɛ nɛ, kii!»

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Minin nimi 20:29

Zaman lɛ tumaa bɛ́ á yɛ mà Aarɔn na á gã, ǹ ná a gɛ̀ koa lɛawaa pɔsɔɔ.

Zaã a sɛ́wɔ 11:31

Zuifun mɛnɛn bɛ́ kion Mariya li a nyín tii a ganaa, bɛn bɛ́ ǹ nə́ yɛ á yoo ka son mà a n soe, ǹ nə́ yoo ǹ nə́ kɔ lɛ. A nə ǹ gɔ́ɔ̃ nɛ mà a n woe wuu pii yala la.

Zaã a sɛ́wɔ 11:35

Bɛa biikoo li, Yezu yii mu bɔ.

Nya ǹ dín 8:2

Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.

Timəə dí-pɛn 34:8

Izirayeli minin lɛn nə́ Muizu a gɛ̀ wuu pɛ Moabu gána a diə bǎã kɛ nɛ lɛawaa pɔsɔɔ, a gɛ̀-koa tɔ́n nya.

Zozoe 10:39

Zozoe kiwi lɛ kũ, á ná a kii kũ, ka a lɛkoro-a ǹ kiwin tumaa nɛ. Min mɛn tumaa goã bɛa kiwin lɛn nɛ, ǹ nə́ bɛn dɛ, ǹ nə́ ǹ tumaa ziziɛ̃ lenlen. Zozoe min goon yii toa koo wa. A goã á sii mɛn zɛnaa Ebrɔn kiwi ni, a ǹ mɛn dɔ zɛnaa Libnaa kiwi laanka a kii ni, a na á bɛ lɛ miã zɛnaa Debiiri kiwi dɔ laanka a kii ni.

Zozoe 15:13

Zozoe bǎã kɔ Zefunee a nɛgiĩ Kalɛbu la Zudaa tɔrɔn lɛn bii ka Dɛnaa Lawa goã á pɛ Zozoe-n lɔn. Ebrɔn kiwi ke ǹ nə́ bíi Arabaa kiwi, a na á bɛ lɛ kɔ la. Arabaa lɛ n Anaaki tɔrɔn kɛn digolo lɛa.

Zozoe 15:54

Humetaa nɛ, Kiriyati-Arabaa kɛ nɛ ǹ tá bíi Ebrɔn ka Siɔɔrɔ nɛ. Bɛn man kiwi dadara manangɔrɔ ka ǹ kiwi bisinin ni.

Zozoe 20:7

Izirayeli minin lɛn nə́ Kedɛsi kiwi bɔ ǹ nə́ koa Galilee gána nɛ, Nɛfutalii a kele yii bǎã kɛ nɛ. Ǹ nə́ Sisɛmu bɔ ǹ nə́ koa Efrayimu a kele yii bǎã kɛ nɛ. Kiriyati-Arabaa mɛn bɛ́ ǹ tá bíi Ebrɔn, ǹ nə́ bɛ bɔ ǹ nə́ koa Zudaa tɔrɔn kele yii bǎã kɛ nɛ.

Zozoe 21:11

Arabaa kiwi ke, Anaaki ǹ di Arabaa tɔ ná a ganaa, ǹ nə́ bíi Ebrɔn, Zudaa tɔrɔn kele yii kɛ nɛ, maǹ nə́ bɛ lɛ laanka a lɛkoro lɛ-a bǎãn kɔ ǹ la.

Sii yɔrɔ-bɔlen 1:10

Bɛ kio doo, Kanaan minin mɛnɛn bɛ́ Ebrɔn, Zudaa minin lɛn nə́ woo bɛn gialaa. Lɛlɛ, maǹ nə́ goã Ebrɔn lɛ bíi mà Arabaa a kiwi. Ǹ nə́ Sesayii tanlɛ minin dɛ, ka Ayiman laanka Talmayii wɔn nɛ.

Samayeli1 20:31

N ba doɛ̃, mà bɛ̀ Davida yii á koo, mà n ba boe la n gána kɛa kii baa duduu wa? Sisia, wo kũ, n da-n kànaa a giala Davida doamaa-n ka gɛ̀ nɛ.»

Samayeli1 25:1

Samayeli gã. Izirayeli minin tumaa nə́ n sɔkɔn ǹ ná a gɛ̀ koa. Maǹ nə́ bĩ a din a piɛ, Ramaa kiwi. Davida zii saa á woo Paaran diə gole nɛ.

Samayeli1 28:3

A da yaa, Samayeli bɛ́ á gã, Izirayeli kuturu ná a gɛ̀ koa, ǹ ná a gere bĩ a kiwi, Ramaa. Sayulu dinmaa dɔ́ goã á wɔ-kũ laanka boobaa dí nyɛɛ papaã á bɔ gána lɛ nɛ.