Siin Giala 23:16 - LAWA A BOO SONBORE

¹⁶ Abrahamu kɔn ma ka Efrɔn nɛ. A wɔrɔ lɛ mɛn pɛ, Ɛti tɔrɔn lɛn nə́ ma a lɛ-n, á bɛ lɛ nimi á kɔ Efrɔn la: ǹ dinin bɛ́ wɔrɔ tɔrɔ mɛn bii, bɛa biɛsii.

LAWA A BOO SONBORE 2011

¹⁶ Abrahamu kɔn ma ka Efrɔn nɛ. A wɔrɔ lɛ mɛn pɛ, Ɛti tɔrɔn lɛn nə́ ma a lɛ-n, á bɛ lɛ nimi á kɔ Efrɔn la: ǹ dinin bɛ́ wɔrɔ tɔrɔ mɛn bii, bɛa biɛsii.

Siin Giala 23:16 ပူးပေါင်းရင်းမြစ်များ

Zakarii 11:12

Má tɔ́n nə n toa ǹ ganaa kɛnɛn: «Bɛ̀ á kɔɔ̃n ka ganaa, ka maa saraa kɔ ma la, hinlaa, ka toa walan!» Ǹ nə́ tɔn maa saraa nimi, wɔrɔ we pɔsɔɔ, ǹ nə́ kɔ ma la.

Zeremii 32:9

Má ma dɔɔ̃ngiĩ Hanaaneyeli a wuru lɛ pii Anaatɔti, má a wɔrɔ saraa, wɔrɔ we fulusɔbaa.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Rɔmu minin 13:8

Ka baran toa min kɔ́n a giɔ̀mɔ goã ka ganaa wa, bɛ̀ á n bɔ giɔ̀mɔ goon toto ne, bɛ n ka kɔn-narɛɛ nɛ. Min mɛn bɛ́ ǹ miã narɛ, bɛa dɛnaa n Lawa a dí-pɛn lɛ piɛ̃.

Matiə 7:12

Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Ezekieli 45:12

Wɔrɔ we lɛ n kɔnpii wɔrɔ bisin fuə ne. Wɔrɔ we pɔsɔrɔ n kɔnpii "mini" goon.

Zɔbu 28:15

A ba n lonkoe ka sana kuturu-n wa, a ba n pii ka wɔrɔ-n wa.

Bɔ bɛ̀rɛbaa nɛ 30:13

Min gogoonmaa mɛn doamaa bɛ́ ka nimii ni, didie die a wɔrɔgiala garamu sooro kɔ, a kɔnpɛ ka kion sonbore kɛ a màn-boboe a talɛɛ nɛ. Bɛa wɔrɔgiala kɛ n die n boe masɛ wɔ lɛa.

Siin Giala 43:21

Wɔa bɔyaa biikoo li, wɔlɔ bɛ́ á tii wɔ ganaa bǎã mɛn nɛ, wɔ́ golee. Wɔ́ wɔa belee boroon lɛ bũ, didie ná a wɔrɔ yɛ a belee lalan. A din wɔrɔ lɛ nɛ, wɔ́ wusoo wɔ daa nɛ.

Siin Giala 23:15

«Giĩ lɛ, n too kɔ ma lon. Wɔrɔ we biɛsii (400) tán giɔ̀mɔ lɛa, bɛ dɔ n wàa lɛa wɔsɛn bii ni? N gere lɛ bĩ a-n doo!»

Nya ǹ dín 7:16

Ǹ nə́ ǹ wen waa ǹ nə́ woo ǹ ne Sisɛmu kiwi, ǹ nə́ ǹ kaa yala-n walan, Abrahamu bɛ́ á yala bǎã mɛn pii ka wɔrɔ nɛ Sisɛmun Amɔɔrɔ a nɛnyaanan lon.

Siin Giala 49:29

Bɛ kio, Zakɔba nə́ n gɔn waa a nɛnyaanan lɛn nɛ, á pɛ ǹ nɛ: «Bɛ̀ ma gã, ka ma gere bĩ ma digolon gere bĩ ǹ bǎã nɛ, kele kolo yala-n, Ɛti tɔrɔ Efrɔn a wuru-n.

Siin Giala 50:13

Ǹ ná a gere saa, ǹ nə́ woo-n Kanaan gána nɛ. Abrahamu wuru mɛn pii Ɛti tɔrɔ Efrɔn lon, a geren bĩ ǹ bǎã lɛa, ǹ nə́ bĩ kele kolo yala-n walan Makpelaa. Bɛa bǎã lɛ laanka Manbre n dia-n kɔn la.

Samayeli2 14:26

Bɛ̀ ń yaa n mìi koɛ̃, lɛ̀ na á bɔ. Bɛa biikoo li, a mìi ka lɛn guguru a ganaa á la yii ni. Bɛ lɛ n ke bɛ̀ a kɔɔ̃. A mìi ka lɛ a gugurubaa na á goã kii a màn zɔɔ̃ ǹ màn kɛa kilo paa.

Zeremii 32:10

Má wuru lɛ a pii ǹ sɛ́wɔ zɛnaa màn paa, siéren yɔrɔ-a, má goon lɛ tã má ma gòon ganaa ǹ kaaran bǎã da la má a wɔrɔ zɔɔ̃ kilo la.

Samayeli2 24:24

Sɛnɛ, kii nə́ n piã á pɛ Arabunaa nɛ: «A giɔ̀mɔ bɛ́ ka màn mɛn nɛ, man giɛ li ma pii bɛ ganaa. Dɛnaa Lawa mɛn bɛ́ maa Lawa lɛa, wúlu màn mɛn a bɔ bɛ́ a ba kaka ma ganaa wa, maa bɛ koe la wa.» Davida belee duwəə ǹ bǎã lɛ laanka diin lɛn pii a lon ǹ dinin wɔrɔ posooro.