Siin Giala 22:2 - LAWA A BOO SONBORE

² Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

LAWA A BOO SONBORE 2011

² Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

Siin Giala 22:2 ပူးပေါင်းရင်းမြစ်များ

Siin Giala 17:19

Lawa tɔ́n pɛ kɛnɛn: «Haayii dɛ! N lɔ Saaraa kɛ lɛ á re nɛgiĩ yii n wɔ lɛa, n tá re a tɔ koe Izaaki. Ma lɛ kɔ kɔn la mɛn wɔ, man die bɛ lɛ doɛ kɔn nɛ, a laanka a tɔrɔn mɛnɛn bɛ́ re yii a kio. Ma ba n lɛ boe wa. A n lɛ kɔ kɔn la lɛa yǎa duduu.

Siin Giala 21:12

Sɛnɛ, Lawa pɛ nɛ: «N foo baran busu nɛginin kɛ laanka bɛ̀rɛlɔ kɛa sii gɔ́ɔ̃-n wa. Bɛ̀ Saaraa boo mɛn pɛ n nɛ, a tumaa si. A giala, n tɔrɔ giala basa n die boe Izaaki ni.

Siin Giala 21:3

Saaraa nɛ mɛn lɛ yɛ nɛ, Abrahamu ná a tɔ kɔ mà Izaaki.

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Siin Giala 22:16

á pɛ: – N nə n piã ka n nɛgiĩ goon toto lɛ a kɔ masɛ la-n wa. N bɛ mɛn zɛnaa, masɛ nə n liɛ ka ma din a Lawabaa nɛ,

Siin Giala 22:3

A lɛawaa, Abrahamu yoo baayɛlɛ yiisoone. Á gɔn kɔ́n yu, á kaa a dundun dɔ̀ɔ̃ nɛ, *wúlu màn lɛ a tã ǹ wɔ lɛa. Lawa bǎã mɛn lɛ boo da nɛ, á yoo á bɛ lɛ a zii saa. Á woo ka a dí-nyali min paa-n kun ni, ka a nɛgiĩ Izaaki ni.

Siin Giala 22:9

Lawa bǎã mɛn lɛ nyaa nɛ, ǹ bɛ́ ǹ nə́ dɔ walan, Abrahamu *wúlu bɔ ǹ bǎã dɔ, á gɔn lɛ kaa la. A ná a nɛgiĩ Izaaki lɛ yii, á da gɔn lɛ lalan wúlu bɔ ǹ bǎã lɛ nɛ.

Siin Giala 8:20

Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

Kiin2 3:27

Moabu gána a kii lɛ gɔn binaa mɛn bɛ́ nɛginin lɛa, a kiibaa lɛ doamaa nɛ a n doe a ganaa, á bɛ kũ á wúlu bɔ nɛ kiwi lɛ a kungɔn la. Moabu minin lɛn foo yoo Izirayeli minin lɛn li parsiini, Izirayeli minin lɛn nə́ n wɔlɔ lui Moabu gána a kii lɛ ganaa, ǹ nə́ n bɔyaa ǹ nə́ woo ǹ gána nɛ.

KZS2 3:1

Kii Salomɔn Lawa a kion lɛ a doe giala kɔ Zeruzalɛmu, Moriya kele la. Dɛnaa Lawa na á n din nyaa ǹ dí Davida nɛ walan, Ornan a *belee duwəə ǹ bǎã nɛ, ke Zebuzu tɔrɔ lɛa.

Misee 6:7

Dɛnaa Lawa n giɛ sère gɔ̀lɔ̀ duu damata li wúlu màn lɛa? Hinlaa a n giɛ nyɔɔ gigiã li? Ma doamaa-n ma maa nɛgiĩ bibinaa kɔ, maa bɔlɔ-tii kɛa lɛa? Ma doamaa-n ma maa yɛ ǹ nɛ kɔ, maa sii baraan kɛn lɛa?

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Rɔmu minin 5:8

Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Ebrəə 11:17

Golee Lawa li na á toa, Lawa bɛ́ á n da Abrahamu gɔ́ɔ̃ li ke, Abrahamu lɛ kɔ á Izaaki kɔ wúlu màn lɛa. A na á n din zɛnaa á die a nɛgiĩ goon toto lɛ koe, a da yaa Lawa na á n lɛ kɔ a din lɛ wɔ gɔn la,

Sii yɔrɔ-bɔlen 11:31

bɛ̀ masɛ nə n bɔyaa ka là nyantoro ne Amɔn tɔrɔn kɛn li má daa, màn bibinaa mɛn bɛ́ re soe maa kion, a da n da masɛ lɛ, bɛ á re Dɛnaa Lawa wɔ biɛ. Ma á re bɛ koe la a wɔ lɛa duduu.

Sii yɔrɔ-bɔlen 11:39

Mui paa lɛ lɛ bɛ́ á pã, á n bɔyaa á daa a díi li. A díi lɛ-kɔ mɛn wɔ, á kũ á bɛ lɛ pã nɛ. Bɛ á zɛnɛɛ, bɛ̀ a tɔn giĩ dɔ̃ wa. Bɛ lɛ na á nɔmaa á landa baa Izirayeli gána nɛ.