Siin Giala 22:12 - LAWA A BOO SONBORE

¹² Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

LAWA A BOO SONBORE 2011

¹² Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Siin Giala 22:12 ပူးပေါင်းရင်းမြစ်များ

Siin Giala 20:11

Abrahamu ná a lɛ si á pɛ: – Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii.

Siin Giala 22:13

Abrahamu nə́ n yii saa á ga, bɛ̀ sère gɔ̀lɔ̀ goon bɛ́ daã gòã li, gagasa kũ a bɛnɛn ganaa, a n golee ne. Abrahamu kiɛ̃ á woo bɛ lɛ bɔ, á wúlu bɔ nɛ a nɛgiĩ Izaaki bǎã nɛ, a ná a siĩ tã ka lenlen.

Siin Giala 22:16

á pɛ: – N nə n piã ka n nɛgiĩ goon toto lɛ a kɔ masɛ la-n wa. N bɛ mɛn zɛnaa, masɛ nə n liɛ ka ma din a Lawabaa nɛ,

Siin Giala 22:2

Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

Siin Giala 26:5

A giala, Abrahamu masɛ bɔlɔ si, á kɔ maa boo lɛ, á maa dí-pɛn tamaa, a kiɛ̃ maa boo la wa.

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 28:28

Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»

Zɔbu 5:19

Ta nɔmaa sɔrɔ nɛ, á die n kirisibiɛ ǹ ganaa. Ta a din na á dɔ sɔbaa, baraa ba re doe n ganaa wa.

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 2:11

Ka dí nya Dɛnaa Lawa nɛ, bɛ̀ ka n nyɛ́ɛ biɛ nɛ. Ka a pàãdɛnaabaa dɔ̃ ka n nyɛnyɛɛ.

Loen 25:12

Bɛ̀ min mɛn tá nyɛ́ɛ biɛ Dɛnaa Lawa nɛ, Dɛnaa Lawa n zii nyɛɛ bɛ nɛ, a kɔ lɛ.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Boo-laakalaali 12:13

Màn mɛn tumaa nə n pɛ, wɔ n too kɔ bɛ gɔn nyɔmiɛ̃ ganaa: nyɛ́ɛ baa Lawa nɛ, n na a gɔn waa ǹ boon tamaa. A giala minbuiin nɛ doamaa-n ka bɛ nɛ.

Zeremii 19:5

Ǹ nə́ *wúlu bɔ ǹ bǎã dɔ dì *Baali wɔ lɛa. Maǹ nə ǹ nɛnyaanan tiɛ̃ wúlu màn lɛa walan. A da yaa, ma bɛa zii kɔ ǹ la wa, a taasiɛ dɔ bin da ma yiri-n wa.»

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Matiə 16:24

Bɛ kio, Yezu pɛ a kialandɛnan manɛ: «Bɛ̀ min mɛn tá li a kɔ masɛ kio lɛ, yǎa bɛa dɛnaa nə n yiri boe a din ganaa, a nɔmaa sii a ganaa, a kɔ masɛ lɛ.

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 5:8

Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Ebrəə 11:19

Abrahamu na á pɛ a din gɔ́ɔ̃ nɛ, mà pàã tá Lawa lon, a boo la a gere dɔ din yii kaa. Bɛ lɛ na á toa, a nɛ lɛ wusoo a ná a wɔ baa, ka n pɛ mà a yii na á kaa á n bɔ geren bii.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Zaaki 2:18

Sɛnɛ, min tá boe la a pɛ: «Goleemali tá min kɛ nɛ, a zɛnaa ǹ siin man masɛ dɔ lon.» Masɛ n pii bɛa dɛnaa nɛ: «N goleemali lɛ nyaa ma nɛ, zɛnaa ǹ siin gòɛ̃ ná a ba n wa. Bɛ kio, ma dɔ tɔ́n maa goleemali nyaa n nɛ ka zɛnaa ǹ siin ni.»

Sii-nyaan 19:5

Lɛn goon bɔ kii dankan paǹ li a n pii: «Min mɛn tumaa bɛ́ Lawa a dí-nyalin lɛa, ǹ nə nyɛ́ɛ biɛ Lawa nɛ, a bɔnboɛɛnɛn nɛ ka a dadaran nɛ, ǹ tumaa Lawa tɔ bɔ!»

Samayeli1 15:22

Samayeli pɛ: «Dɛnaa Lawa bɔlɔ si bɛ́ kɔɔ̃nɛ Dɛnaa Lawa ganaa lɔn, *wúlu màn tiɛ̃n laanka wúlu mànan tá kɔɔ̃nɛ a ganaa miɛ̃ ya? Haayii dɛ! Á ke, bɔlɔ si á soɛ wúlu màn nɛ, doree si á soɛ sère pian nyɔɔ nɛ.