Siin Giala 21:6 - LAWA A BOO SONBORE

⁶ (Izaaki tɔ lɛ giala mà "Yaa-wɔ"). Saaraa tɔ́n pɛ: «Lawa na á toa masɛ á foo kɔɔ̃nbaa ǹ yaa we! Min woo min bɛ́ re kɛ miɛ̃ masɛ wɔ paǹ li, á re yaa diɛ bɛn tumaa ganaa.»

LAWA A BOO SONBORE 2011

⁶ (Izaaki tɔ lɛ giala mà "Yaa-wɔ"). Saaraa tɔ́n pɛ: «Lawa na á toa masɛ á foo kɔɔ̃nbaa ǹ yaa we! Min woo min bɛ́ re kɛ miɛ̃ masɛ wɔ paǹ li, á re yaa diɛ bɛn tumaa ganaa.»

Siin Giala 21:6 ပူးပေါင်းရင်းမြစ်များ

Siin Giala 17:17

Abrahamu na á kaa tán, á n mìi kuməə tán. Á yaa wɔ a din gɔ́ɔ̃ nɛ bɛ̀ á n pii: «Giĩ lɛ̀ paabiɛ, bɛ á tɔn nɛ yii sonbore? Saaraa dɔ lɛ̀ pɔmanangɔrɔ n ke, bɛ á boe la a nɛ yɛ doo?»

Loen 113:9

A din nə kion koe lɔ nɛ-yɛlebaãnaa la. A baa náa foo kɔɔ̃n-a lɛa nɛnyaanan bii. Aleluya, ka Dɛnaa Lawa tɔ bɔ!

Loen 126:2

Bɛa biikoo li, wɔ lɛ pã ka yaa nɛ, wɔ lɛwɔn nə foo kɔɔ̃nbaa boo diɛ. Maǹ pii gánan nɛ bɛa biikoo li: Dɛnaa Lawa sii gole zɛnaa ǹ nɛ dɛ!

Izayii 49:15

Sɛnɛ, Dɛnaa Lawa n pii: Nɛ ǹ dan yiri á boe a nɛnyaan tiɛɛ̃n ganaa? A nɛ mɛn yɛ, a kɔn-narɛɛ á nyɛɛ ka bɛ nɛ? Ta bɛ din yiri á boe, masɛ yiri á boe n ne duduu wa.

Izayii 49:21

N tá re pii n din gɔ́ɔ̃-n kəni: Die na á nɛnyaanan kɛn tumaa kɔ ma la? Man má goã gɛlaa lɛa, maa nɛ banban. Man má goã bɛ̀rɛbaa ǹ bǎã nɛ, gɔn dɔ̀ɔ̃ nɛ. Kɛn bíi-a, die na á ǹ too? Ma bɛ́ má goã bíi-a ma dinsɔɔ̃, bɛa nɛnyaanan kɛn man nə́ goã maa kəni?

Izayii 54:1

Zeruzalɛmu, n nyɛnyɛɛ, nsɛ mɛn bɛ́ nɛ goã n lon wa! Nsɛ mɛn bɛ́ n ba nɛ yɛ lɛ doɛ̃ wa, gɔ̀lɔ̀baa ǹ lɛ-dɛ wɔ, n foo kɔɔ̃nbaa ǹ lɛ-dɛ wɔ! Dɛnaa Lawa n pii n ni: Nsɛ mɛn bɛ́ ǹ nə́ n la bɔ n ganaa, n tá re nɛ gigiã yii a la lɔ mɛn din bɛ́ ǹ zuũ ná a tan.

Zeremii 20:15

Min mɛn boo kɛ pɛ maa díi ni: «n lɔ nɛginin yɛ,» á a foo kɔɔ̃n kɔ, lɛn baraa bíi bɛa dɛnaa kũ!

Luku 1:14

N foo á die kɔɔ̃n koe bɛ gɔ́ɔ̃ nɛ parsiini, ka bɛ dɔ nɛ, minbuiin gigiã á die n nyɛnyɛɛ nɛ lɛ a yɛ gɔ́ɔ̃ nɛ.

Luku 1:58

Elizabɛti miãkɛnɛn laanka ǹ tɔrɔn bɛ́ ǹ nə́ ma, mà Dɛnaa Lawa din na á bǐɛ̃baa ǹ sii zɛnaa nɛ, ǹ nə́ goã n nyɛnyɛɛ kun ni.

Rɔmu minin 12:15

Ka n nyɛnyɛɛ kun ka nyɛnyɛɛ wolen ne, ka wuu pɛ kun ka wuu-pɛlen ne.

Ebrəə 11:11

Golee Lawa li na á toa, Abrahamu boo la á nɛ yɛ, a laanɛ á zizi kɔ, a lɔ Saaraa dɔ ná a ba boe la, a nɛ yɛ doo wa. A na á waa la, mà Lawa nə n lɛ kɔ la ka sii mɛn nɛ, mà á re bɛ zɛnɛɛ.

Samayeli1 1:26

Bɛ kio, Anɛɛ pɛ: «Maa dɛnaagiĩ ganaa. Nɔ̀n-diɛ din ba a-n wa, lɔ mɛn nə́ goã giɛ̃ n genli kànaa bɛ̀ a Dɛnaa Lawa nyankɔ masɛ din ni.