Siin Giala 20:7 - LAWA A BOO SONBORE

⁷ Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

LAWA A BOO SONBORE 2011

⁷ Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

Siin Giala 20:7 ပူးပေါင်းရင်းမြစ်များ

Siin Giala 12:15

Ǹ kii lɛ, ǹ nə́ bíi *Faarahɔn, bɛa pàãdɛnan bɛ́ ǹ nə́ lɔ lɛ yɛ, ǹ nə́ ga a ganaa, ǹ nə́ woo a laakalaa nɛ. Ǹ nə́ daa lɔ lɛ kũ, ǹ nə́ woo ne kii lɛa kion.

Siin Giala 12:17

Sɛnɛ, Dɛnaa là paparɛɛ gole da kii lɛ laanka a kion minin mìi ni, Abramu a lɔ Sarayii taman yii.

Siin Giala 2:17

Sɛnɛ, sii bǐɛ̃ laanka sii baraa dɔ̃ ǹ da ke, n nyan toa bɛa nɛ wɔ n lɛ-n wa dɛ! A giala, bɛ̀ n ná a nɛ bii ǹ mɛn pinaa, n tá re giɛ̃, sàabaa ba bɛ la wa.»

Siin Giala 20:3

Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»

Siin Giala 20:8

Abimelɛki yoo baayɛlɛ yiisoone, a ná a dí-nyalin tumaa bíi, á bɛa siin lɛn tumaa laakalaa ǹ nɛ. Nyɛ́ɛ bɛn kũ parsiini.

Siin Giala 23:6

«Giĩ lɛ, n too kɔ wɔ lon! Lawa na á n baa kii lɛa wɔsɛn bii. Wɔsɛn bǎã lɛ mɛn a gere yala bɛ́ siĩni, n lɔ lɛ gere bĩ walan. Wɔa min kɔ́n ba re boe la a n piã, mà a ba a yala koe n la, n nə n lɔ gere bĩ a-n wa.»

Samayeli2 24:17

Davida bɛ́ á lon a dia dí-a wole lɛ yɛ minin dii zaman lɛ bii, á boo da ka Dɛnaa Lawa nɛ, á pɛ: «Á ke, masɛ din ni má sii baraa zɛnaa, ma din zɛ̀rɛ nɛ. Yii ti-an kɛn dɔn man nə́ wàa zɛnaa kəni? Ma nə n nyankoe, dɔlɔ lɛ bɔ ma din laanka ma di kion minin ganaa.»

Kiin1 13:6

Kii Zeroboamu lɛ tɔ́n pɛ Lawa a boo gii-dali lɛ nɛ mà a bǐɛ̃ kɔ a na a Lawa, Dɛnaa Lawa lɛ gòã kũ asɛ a lɛa, màn mɛn bɛ́ toɛ a foo basã, asɛ gɔn lɛ boo la a n mɔrɔ asɛ ganaa doɛ̃. Lawa a boo gii-dali lɛ Dɛnaa Lawa gòã kũ, a foo basã, kii lɛ gɔn lɛ tɔ́n boo la, á n mɔrɔ a ganaa doɛ̃, a ná a lɛlɛ ǹ bǎã saa.

Kiin2 5:11

Naaman foo yoo, á kiɛ̃ ka a din ni, bɛ̀ á n pii: «Man má goã taasɛ, nɔ̀n diɛ ba a-n wa, máa Yiliizee lɛ n die soe a n bɔ a kion, a da golee bii-a a na a Lawa, Dɛnaa Lawa lɛ nyankɔ, a n gɔn dɔ talaa busu bǎã lɛ ganaa, a sii saa a bɔ gɔ̀nɔn ki busu babaraadɛnaa la.

KZS1 16:22

«Ka baran n gɔn da maa yii-gɔgɔɔ̃ wolen kɛn-a wa. Ka baran sii baraa zɛnaa maa boo gii-dalin kɛn man wa.»

KZS2 30:18

Min gigiã, sanparɛ Efrayimu minin kɛn, Manaasee wɔn nɛ, Isakaara ka Zabulɔn wɔn nɛ, bɛn nə n dinin yoreen kɔ wa, sɛnɛ, ǹ nə́ kiɛ̃mala ǹ zɔ́n màn bii dɔn, a ná a bie kiɛ̃-n miɛ̃ dɔn landa sɛ́wɔ-n wa. Bɛ lɛ nɛ, Ezekiasi Lawa nyankɔ ǹ lɛa á pɛ: «Dɛnaa Lawa, nsɛ mɛn bɛ́ makara doɛ̃,

Zɔbu 34:19

Lawa dinsɔɔ̃ na a bɔnbii-a we wa. A pàãma soɛ koe doobaa-n wa, a giala, a din gɔn na á ǹ tumaa zɛnaa.

Zɔbu 42:8

A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Bɔ bɛ̀rɛbaa nɛ 18:17

Ǹ daãgiĩ lɛ pɛ nɛ: «N dí nya ǹ gɔn lɛa siĩn wa.

Bɔ bɛ̀rɛbaa nɛ 4:16

Aarɔn sɛ á re boo diɛ zaman lɛ nɛ n bǎã nɛ, á n die goɛ̃ n boo gii-dali lɛa, nsɛ goã ka a Lawa bɛ́ lɔn.

Bɔ bɛ̀rɛbaa nɛ 7:1

Dɛnaa pɛ Muizu-n kɛnɛn: «Á ke, ma nə n boe n koɛ, ka Lawa bɛ́ lɔn *Faarahɔn gɔn, n gologiĩ Aarɔn nə die goɛ̃ n boo gii-dali lɛa.

Zeremii 14:11

Dɛnaa Lawa pɛ ma nɛ: «N nyan màn kɔn nyankɔ ma la zaman kɛa yii-nyɛɛ taman yii wa!

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 27:18

Bɛ̀ bɛa minin lɛn man Lawa a boo gii-dalin lɛa, bɛ̀ maǹ Lawa a boo gii diɛ sonbore, ǹ doamaa bɛ́ nɛ ǹ màn mɛn nyankɔ Dɛnaa Lawa Pàãyiidɛnaa lon, bɛ n ka kɛ nɛ: Màn giɔ̀mɔ kakan mɛnɛn bɛ́ tɔn Lawa a kion, Zudaan kii a kion ka Zeruzalɛmu kiwi ni, ǹ nyan toa bɛn nə wo Baabilonii wa.

Ezekieli 3:18

Bɛ̀ ma pɛ min baraa nɛ má á re giɛ̃, bɛ̀ n nə n gɔn waa-n wa, bɛ̀ n boo da min baraa lɛ nɛ, màn mɛn bɛ́ toɛ, a na a tɔ wɔ ǹ gɔn baraa kɛ kaa ń giɛ a yii á goɛ̃ koo wa, min baraa lɛ á re giɛ̃ sɛn. Sɛnɛ, man die a gɛ̀ lɛ a sii diɛ n din mìi ni.

Ezekieli 33:8

Bɛ̀ má pɛ min baraa nɛ, máa sàabaa ba la wa máa á re giɛ̃, bɛ̀ n boo da min baraa lɛ nɛ, n nə n gɔn waa-n wa, bɛ̀ a wusoo a zɛnaa ǹ sii kio wa, min baraa lɛ á re giɛ̃ a sii baraa a lɛa sɛn. Sɛnɛ, man die a gɛ̀ lɛ a sii diɛ n din mìi ni.

Lawa a wúlu-bɔlen 6:4

Bɛ kio, a na a mɔnaan lɛn waa, a mɔnaa kɔsɔn wɔ, a ton lɛ goa, a soo a n bɔ giã ǹ bǎã kɛ nɛ, a wo kaa tán wúlu bɔ ǹ bǎã kɛa ton kaa ǹ bǎã nɛ.

Lawa a wúlu-bɔlen 6:7

Lawa gɔ ǹ màn lɛ a bɔ ǹ gɔn nə́ ke: Aarɔn a nɛgiĩ wúlu-bɔlen kɛn doamaa nɛ, ǹ golee wúlu bɔ ǹ bǎã lɛ yɔrɔ-a, ǹ wúlu màn lɛ kɔ Dɛnaa Lawa la.

Nya ǹ dín 8:24

Simɔn pɛ: «Ka dininmaan nə Dɛnaa lɛ nyankɔ masɛ a lɛa, màn mɛn bɛ́ toɛ, ka sii mɛn boo da masɛ wɔ gɔn la, bɛ kɔ́n baran n zɛnaa masɛ-n wa.»

Korɛnti1 14:4

Min mɛn bɛ́ boo diɛ ka bɔlɔ soree ne, bɛ nə n doe a dinsɔɔ̃ lɛ. Min mɛn bɛ́ Lawa a boo gii diɛ, bɛ nə n doe Lawa a sɔmɔ tumumaa lɛ.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Samayeli1 12:19

Zaman lɛ tumaa pɛ Samayeli ni: «Dɛnaa Lawa lɛ, n Lawa lɛa, a nyankɔ n di-nyanlin lɛn lɛa, màn mɛn bɛ́ toɛ, wɔ baran gã wa. A giala, wɔa sii baraan lɛn tumaa a là kaa, ka wɔa ga kii li kɛ nɛ.»

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.

Samayeli1 7:5

Samayeli pɛ: «Ka Izirayeli kuturu lɛ sɔkɔn Misipaa, masɛ n die Dɛnaa Lawa nyankoe kaa lɛa.»

Samayeli1 7:8

Izirayeli minin lɛn nə́ pɛ Samayeli ni: «N baran n lɛ tã wa! N doa n nə lɛ dɛ Dɛnaa Lawa, wɔa Lawa lɛ ganaa wɔsɛn lɛa, màn mɛn bɛ́ toɛ, a wɔ si Filisiti minin la.»