Siin Giala 20:3 - LAWA A BOO SONBORE

³ Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»

LAWA A BOO SONBORE 2011

³ Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»

Siin Giala 20:3 ပူးပေါင်းရင်းမြစ်များ

Siin Giala 12:17

Sɛnɛ, Dɛnaa là paparɛɛ gole da kii lɛ laanka a kion minin mìi ni, Abramu a lɔ Sarayii taman yii.

Siin Giala 12:18

Bɛ lɛ nɛ, kii lɛ Abramu bíi, á pɛ nɛ: «Wàa-n sii n ka kɛ nɛ ń zɛnaa ma nɛ? Wàa na á baa, n ba pii ma-n, mà n din a lɔ-n wa?

Siin Giala 20:7

Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

Siin Giala 28:12

A bɛ́ nyuù ni, narɛɛ daa la. A yii n kalan gɔn goon ganaa, á n toa tán a mìi la dɔ Lawa ganaa. Á Lawa a lon a dia dí-a wolen yɛ, koe lɛ dii bɛ̀ ǹ gisĩ.

Siin Giala 31:24

Ǹ kɔn pinaa tèlò-n, Lawa nə́ n din nyaa Siiriin giĩ Laban nɛ ka narɛɛ nɛ, á pɛ nɛ: «N din kũ, n nyan toa n sii kɔ́n zɛnaa Zakɔba-n wa.»

Siin Giala 37:5

Ǹ kɔn pinaa, Zozɛfu nə́ n narɛ, á bɛa narɛɛ lɛ laakalaa ǹ golon lɛn manɛ. Bɛ́ wusoo a ná a tìĩ bɔ ǹ nyin ni doo, á la lɛlɛ wɔ kɛ nɛ.

Siin Giala 37:9

Bɛ kio, Zozɛfu wusoo á narɛɛ kɔsɔ wɔ doo, á bɛ dɔ laakalaa ǹ golon lɛn manɛ. Á pɛ ǹ nɛ: «Á ke. Man má n narɛ doo, ka wasa nɛ, ka mui laanka leere fulugoon ne, ǹ nə́ daa kaa tán ma giulun.»

Siin Giala 40:5

Ǹ kɔn pinaa tèlò-n, kii a yɔ kɔmala wolen goledɛnaa laanka a buuru-dalin goledɛnaa nə́ n narɛ, kòso kion lɛ nɛ. Didie ná a narɛɛ wɔ, didie wɔ laanka a giala nɛ.

Siin Giala 40:8

Ǹ nə́ tɔ́n pɛ-n kɛnɛn: «Wɔ ǹ wɔ́ n narɛ, min kɔ́n dɔ banban, a n boe la, a tá wɔa narɛɛn lɛn giala pii wɔ-n wa.» Zozɛfu tɔ́n pɛ ǹ nɛ: «Lawa á boe la, a na a giala pɛ ka nɛ. Ka n narɛ ka sii mɛn nɛ, ka pɛ ma nɛ.»

Siin Giala 46:2

Lawa daa Zakɔba la ka narɛɛ-n tèlò-n, á pɛ nɛ: «Zakɔba! Zakɔba!» Zakɔba nə́ n nyəə mà asɛ á ke.

KZS1 16:21

A laanka bɛ tumaa nɛ, Dɛnaa Lawa toa min kɔn nə mɛnaa ǹ la wa. Á dɔlɔ bɔ kiin ganaa ǹ taman yii, á n gɔn waa ǹ nɛ kɛnɛn:

Zɔbu 33:15

Lawa á boo diɛ min ni ka narɛɛ nɛ, á sii nyɛɛ min ni tèlò-n, bɛ̀ nyuù la-n biikoo mɛn li, bɛ̀ a tá waa-n tán biikoo mɛn li.

Zɔbu 33:17

Lawa n bɛ zɛnɛɛ, màn mɛn bɛ́ toɛ, a ǹ kanbaa ǹ nya ǹ dín lɛn ganaa, a ǹ kanbaa din gole kɔ ganaa.

Loen 105:14

A laanka bɛ tumaa nɛ, Dɛnaa Lawa toa min kɔn nə mɛnaa ǹ la wa. Á dɔlɔ bɔ kiin ganaa ǹ taman yii, á n gɔn waa ǹ nɛ kɛnɛn:

Zonaasi 3:4

Zonaasi pinin goon tɔ wɔ kiwi lɛ nɛ bɛ̀ á n parɛɛ á n pii: «Kànaa ka lɛawaa pusi, Lawa á die Ninivu bɔ̀n biɛ.»

Minin nimi 22:9

Lawa daa Balaamu li, á nɔ̀n da la: «Minin kɛn man dien lɛa n piɛ?»

Matiə 1:20

A bɛ́ bɛ lɛ a taasiɛ we, Dɛnaa a dia dí-a wole goon nə́ bɔ lon á n din nyaa nɛ ka narɛɛ nɛ, á pɛ nɛ: «Davida tɔrɔ Zozɛfu ganaa, n baran nyɛ́ɛ baa, n nə n piã ka Mariya a lɔbaa-n wa, a giala, Lawa a Yiri Fu pàã na á toa nɛ kɛ lɛ tá a gɔ́ɔ̃ nɛ.

Matiə 27:19

Pilati bɛ́ kiri wɔ ǹ bǎã nɛ, a lɔ min dia mà a wo pɛ nɛ: «N nyan toa n nə n sii wɔ giĩ zɛ̀rɛ baãnaa kɛ a sii-n wa. A giala masɛ narɛɛ mɛn wɔ a wɔ gɔn la gunun tèlò-n, á masɛ nɔmaa parsiini.»