Siin Giala 20:2 - LAWA A BOO SONBORE

² Abrahamu na á goã pii a lɔ Saaraa wɔ paǹ li, mà asɛ miãnɛn nɛ. Bɛ lɛ nɛ, Geraaran kii Abimelɛki minin dia, ǹ nə́ woo Saaraa kũ ǹ nə́ daa nɛ.

LAWA A BOO SONBORE 2011

² Abrahamu na á goã pii a lɔ Saaraa wɔ paǹ li, mà asɛ miãnɛn nɛ. Bɛ lɛ nɛ, Geraaran kii Abimelɛki minin dia, ǹ nə́ woo Saaraa kũ ǹ nə́ daa nɛ.

Siin Giala 20:2 ပူးပေါင်းရင်းမြစ်များ

Siin Giala 12:15

Ǹ kii lɛ, ǹ nə́ bíi *Faarahɔn, bɛa pàãdɛnan bɛ́ ǹ nə́ lɔ lɛ yɛ, ǹ nə́ ga a ganaa, ǹ nə́ woo a laakalaa nɛ. Ǹ nə́ daa lɔ lɛ kũ, ǹ nə́ woo ne kii lɛa kion.

Siin Giala 20:12

Bɛ yii nə n tiləə, masɛ miãnɛn nɛ sonbore. Wɔ n di goon, dan na á wɔsɛn sawaa kɔn, a na á masɛ a lɔ baa.

Siin Giala 21:22

Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.

Siin Giala 26:1

Bòo daa á wɔ gána lɛ nɛ, bɛ ná a goon ka Abrahamu a biikoo wɔ kɛ-n wa. Izaaki soo á woo Filisitin kii Abimelɛki li Geraara kiwi.

Siin Giala 26:16

Abimelɛki tɔ́n pɛ Izaaki ni: «Wo sɔsɔɔ n nə n bɔ wɔsɛn li, a giala, n pàã gole kɔ, á la wɔsɛn manɛ.»

Siin Giala 26:7

Bǎã lɛ a minin nə́ nɔ̀n da la, a lɔ wɔ paǹ li. Izaaki pɛ ǹ nɛ, mà asɛ miãnɛn nɛ. A n pii mà bǎã lɛ a minin tá re asɛ dii Rebeka a lɛa, a giala, Rebeka goã siĩn parsiini. Bɛ lɛ a nyɛ́ɛ na á kũ, a lɛ kɔ á pɛ, mà Rebeka na asɛ a lɔ lɛa wa.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

KZS2 20:37

Sɛnɛ, Dodava a nɛgiĩ Eliezɛrɛ ke boe Maresaa, bɛ́ Lawa a boo gii da Zozafati ni á pɛ: «Man nə́ n din kaa kun ka Ahaazia nɛ, bɛ lɛ taman yii, n màn mɛn yii zɛnaa Dɛnaa Lawa n die bɛ tumaa ziziɛ̃.» Bɛ lɛ nɛ, mu la ǹ goon lɛn nə́ gisĩ Yìsi mu gole giala-n, ǹ boo la ǹ nə́ woo bǎã sɔsɔɔ-n wa.

KZS2 32:31

Sɛnɛ, ka bɛ yii ni, Baabiloniin kiãn bɛ́ ǹ nə́ minin dia mà ǹ da nɔ̀n da ka kaãbaa ǹ sii gole kɛ nɛ, á n zɛnaa gána lɛ nɛ ǹ boo la ǹ na a woo n bǎã yɛ, bɛa nɔ̀n-diɛ lɛ gɔ́ɔ̃ nɛ Lawa Ezekiasi toa walan. A na á n da a gɔ́ɔ̃ li, sii mɛn tumaa bɛ́ a foo ne, a boo la a bɛ dɔ̃.

Suusun 24:16

a giala min mɛn bɛ́ sii sonbore zɛnɛɛ, ta a na á mɛnaa gunyin sɔbaa, a n wusii a yoo. Sɛnɛ, min mɛn bɛ́ sii baraa zɛnɛɛ, koe n die boe bɛ ganaa.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Suusun 6:29

Min mɛn bɛ́ baa sii ǹ miã kɔsɔ a lɔ kio, a din yii goon ne. Bɛ̀ n mɛn nə n gɔn da a ganaa, ń tá re a mìi gɔ́ɔ̃ ǹ sii yii.

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Efɛɛzi minin 4:25

Bɛ lɛ a lɛa, ka soɛ-bɔ toa walan. Didie sonbore pɛ ǹ miã nɛ, a giala mà wɔ tumaa n gɔ̀nɔn goon a gùn lɛa.

Kolɔɔsi minin 3:9

Ka baran soɛ bɔ kɔn nɛ doo wa, a giala, ká n sɔlɔ ká n bɔ kaa dùũ sii zizin kɛn laanka ǹ sii-zɛnaan tumaa nɛ,