Siin Giala 2:9 - LAWA A BOO SONBORE

⁹ Dɛnaa Lawa da tɔrɔ din tumaa bɔ tán la, siĩn yɔrɔ-a, ǹ nɛ dɔ n kɔɔ̃n lɛ-n. Á yiikoonaabaa ǹ da da dù gɔrɔ lɛ bii, ka sii bǐɛ̃ laanka sii baraa dɔ̃ ǹ da nɛ.

LAWA A BOO SONBORE 2011

⁹ Dɛnaa Lawa da tɔrɔ din tumaa bɔ tán la, siĩn yɔrɔ-a, ǹ nɛ dɔ n kɔɔ̃n lɛ-n. Á yiikoonaabaa ǹ da da dù gɔrɔ lɛ bii, ka sii bǐɛ̃ laanka sii baraa dɔ̃ ǹ da nɛ.

Siin Giala 2:9 ပူးပေါင်းရင်းမြစ်များ

Siin Giala 2:17

Sɛnɛ, sii bǐɛ̃ laanka sii baraa dɔ̃ ǹ da ke, n nyan toa bɛa nɛ wɔ n lɛ-n wa dɛ! A giala, bɛ̀ n ná a nɛ bii ǹ mɛn pinaa, n tá re giɛ̃, sàabaa ba bɛ la wa.»

Siin Giala 3:22

Bɛ kio, Dɛnaa Lawa tɔ́n pɛ kɛnɛn: «Minbuiin nɛ á ke, á n baa ka wɔsɛn bɛ́ lɔn, sii bǐɛ̃ laanka sii baraa doɛ̃ wɔ paǹ li. Sisia, yǎa wɔsɛn nə kurii yiikoonaabaa ǹ da kɛa nɛ bii ganaa. Bɛ̀ bɛ bie wa, bɛ̀ á bɛa nɛ na, á bii, a n goɛ̃ a yii n koo miɛ̃, yǎa duduu.»

Siin Giala 3:24

A bɛ́ á ǹ loo á ǹ bɔ a nɛ ǹ mɛn waáraa, a na á lon màn yiikoonaan doa Edɛn dù gɔrɔ lɛ a lɛ̀giala gɔn la. Gɔya sà tɛ-pɛle n bɛn gɔn, ǹ nə́ pepere bǎã yii ni, yiikoonaabaa ǹ da lɛ a zii lɛduĩ ni.

Siin Giala 3:3

Sɛnɛ, da mɛn bɛ́ dù gɔrɔ lɛ bii, Lawa na á pɛ wɔ nɛ bɛ wɔ paǹ li, mà wɔ baran a nɛ bii wa, wɔ baran n gɔn da a ganaa wa, màn mɛn bɛ́ toɛ wɔ baran gã wa.»

Siin Giala 3:5

Sɛnɛ, Lawa á doɛ̃, mà bɛ̀ ka bii ǹ mɛn pinaa, ka yii á re toɛ̃, ka á re n biɛ ka Lawa din bɛ́ lɔn, ka sii bǐɛ̃ laanka a baraa dɔ̃.»

Suusun 11:30

Min pepere a nya ǹ dín man ka yiikoonaabaa ǹ da bɛ́ lɔn, Sii-dɔ̃li n yiikoonaabaa koe.

Suusun 3:18

Sii-doɛ̃ lɛ n ka yiikoonaabaa ǹ da bɛ́ lɔn. A bɛ́ min mɛnɛn gɔn, ǹ yii n nyɛɛ nɛ.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Izayii 47:10

Ma nə n goã n foo doɛ n sii bɔbɔnɛɛn kɛn ganaa. Ma nə n goã taasɛ: «Min kɔn yii ba ma ganaa wa.» N yiridɛnaabaa laanka n sii-doɛ̃n lɛn man nə́ n sã. Ma nə́ n goã taasɛ: «Ma miã banban, min kɔn ba ka ma bɛ́ lɔn wa.»

Ezekieli 31:16

Man má toa da lɛ mɛnaa, màn mɛn bɛ́ toɛ, a wo kun ka ǹ miãn nɛ geren piɛ. Tɔrɔ kɔsɔn ná a mɛnaa wuu ma, ǹ gɔ̀nɔn bìn da nyɛ́ɛ gɔn. Edɛn dù gɔrɔ a dan kɛn, Liban dan kɛn mɛnɛn siĩnbaa bɛ́ á goã á la ǹ miãn wɔ nɛ, ǹ nə́ mu yii sɔnbɔraanɛ, bɛn tumaa foo á re basɛ̃ da lɛ a mɛnaa gɔ́ɔ̃ nɛ.

Ezekieli 31:18

Edɛn dù gɔrɔ a dan kɛn mɛn nə n zoɛ̃ n ganaa ka siĩnbaa laanka golebaa nɛ? Sɛnɛ, ǹ nə́ ke ǹ nə́ n dɔ gisĩ, ǹ nə́ n da tii li kunun ǹ ni. N tá re wɛɛ tán soroman kɛn bii, n min mɛnɛn lɛn kakã ka gɔya nɛ. Sii mɛn bɛ́ re Faarahɔn laanka a zaman tumaa yii, a din lɛ n ka kɛ nɛ. Ma din Dɛnaa Lawa a da ǹ boo ne.»

Ezekieli 47:12

Mu gole lɛ lɛkoro-a, a wàãn paanan li, da nɛ-kɔle tɔrɔ tumaa bɔ. Ǹ luu á re bɛbɛnɛ wa, ǹ nɛ dɔ a re nyɛɛ a n bɔ ǹ la wa. Mui woo mui, maǹ die nɛ mərə niɛ̃ ǹ la. A giala, mu gole lɛ n soe Lawa a kion. Dan lɛn nɛ á re màn-bii biɛ, ǹ luu tá re dagòã biɛ.»

Zaã a sɛ́wɔ 6:48

Man yiikoonaabaa kɔ ǹ buuru lɛa.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Timəə dí-pɛn 6:25

A gɔn waa ǹ boon mɛnɛn kɔ wɔsɛn la, bɛ̀ wɔ tá n yiri koɛ li, wɔ á bɛn tumaa tamaɛ, wɔa Lawa, Dɛnaa Lawa yɔrɔ-a, bɛ lɛ n nyɛɛ, mà wɔ tá a bɔlɔ sii.»

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.

Sii-nyaan 22:2

A n baa sii kiwi lɛ a zii gole kɛ la. Yiikoonaabaa ǹ da n zumii ni tà mu lɛ paǹan paanan li, da lɛ n nɛ koe gunyin fulupaa lɛ̀ goon gɔ́ɔ̃ nɛ, gunyin goon mui tumaa gɔ́ɔ̃ nɛ. A luu n dagòã lɛa, a n gánan tumaa a busu nyɛɛ.