Siin Giala 2:8 - LAWA A BOO SONBORE

⁸ Bɛ kio, Dɛnaa Lawa tɔ́n bǎã sonbore kɔ́n zɛnaa lɛ̀giala-n, ǹ nə́ bíi Edɛn dù gɔrɔ, a ná a min zɛnaa lɛ da walan.

LAWA A BOO SONBORE 2011

⁸ Bɛ kio, Dɛnaa Lawa tɔ́n bǎã sonbore kɔ́n zɛnaa lɛ̀giala-n, ǹ nə́ bíi Edɛn dù gɔrɔ, a ná a min zɛnaa lɛ da walan.

Siin Giala 2:8 ပူးပေါင်းရင်းမြစ်များ

Siin Giala 13:10

Lɔti nə́ n yii saa á ga Zurdɛ̃ bǎã tumaa ganaa. Á yɛ mà mu á bɛa bǎã lɛ boe parsiini, á goã ka Dɛnaa a lɛlɛ a dù gɔrɔ kɛ bɛ́ lɔn, ka Ezipti gána bɛ́ lɔn, bɛ̀ Dɛnaa bɛ́ a tɔn Sodɔmu laanka Gomɔɔrɔ kiwi bɔ̀n baa ǹ mɛn waáraa wa.

Siin Giala 3:23

Dɛnaa Lawa nə́ ǹ loo, á ǹ bɔ Edɛn dù gɔrɔ lɛ nɛ, màn mɛn bɛ́ toɛ ǹ bɔ tán mɛn nɛ, ǹ wo bɛ lɛ kɔsɔ.

Siin Giala 3:24

A bɛ́ á ǹ loo á ǹ bɔ a nɛ ǹ mɛn waáraa, a na á lon màn yiikoonaan doa Edɛn dù gɔrɔ lɛ a lɛ̀giala gɔn la. Gɔya sà tɛ-pɛle n bɛn gɔn, ǹ nə́ pepere bǎã yii ni, yiikoonaabaa ǹ da lɛ a zii lɛduĩ ni.

Siin Giala 4:16

Kanyɛ ná a din wɔlɔ lui Dɛnaa ganaa, á woo gána kɔ́n nɛ Edɛn a lɛ̀giala gɔn la, ǹ nə́ bíi Nɔdi (bɛ giala mà "Gùli kɔ ǹ bǎã").

Kiin2 19:12

Gánan lawan kɛn, ma digolon nə́ ǹ ziziɛ̃, bɛn nə́ boo ǹ gánan lɛn la ǹ nə́ ǹ si ǹ nə́ ǹ kaa? Goozan kiwi ni, Karan kiwi ni, Resɛfu kiwi ni ka Edɛn tɔrɔn kɛn nɛ giã-n Telasaara.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Ezekieli 27:23

Karan minin kɛn nə́ goã pii koe kunun n ni, Kanee wɔn nɛ, Edɛn wɔn nɛ, Sabaa a pii-kɔlen ne, ka Asuuru kiwi laanka Kilimaadi kiwi wɔn nɛ.

Ezekieli 28:13

Ma nə ń goã Edɛn, Lawa a dù gɔrɔ kɛ nɛ. Ǹ ná a kungɔn dɔ ka kɔlɔ sonboren ne, ǹ ná a lɛnpɛnɛ nɛ: Kɔlɔ tã bonbon ne, a lɔɔdɛnaa nɛ, a fu ni, a buu buruu ni, a tɛ-pɛle ne, a buu buruu tì ni, a bɔlɔn nɛ, a tã nɛ, a bɔlɔn buu buruu dɛnaa nɛ. N maàn kɛn laanka n pìin ni, n nə ń bɛn zɛnaa ka sana nɛ. Maǹ nə́ ǹ zɛnaa ka sana nɛ n din a zɛnaa pinaa.

Ezekieli 31:16

Man má toa da lɛ mɛnaa, màn mɛn bɛ́ toɛ, a wo kun ka ǹ miãn nɛ geren piɛ. Tɔrɔ kɔsɔn ná a mɛnaa wuu ma, ǹ gɔ̀nɔn bìn da nyɛ́ɛ gɔn. Edɛn dù gɔrɔ a dan kɛn, Liban dan kɛn mɛnɛn siĩnbaa bɛ́ á goã á la ǹ miãn wɔ nɛ, ǹ nə́ mu yii sɔnbɔraanɛ, bɛn tumaa foo á re basɛ̃ da lɛ a mɛnaa gɔ́ɔ̃ nɛ.

Ezekieli 31:18

Edɛn dù gɔrɔ a dan kɛn mɛn nə n zoɛ̃ n ganaa ka siĩnbaa laanka golebaa nɛ? Sɛnɛ, ǹ nə́ ke ǹ nə́ n dɔ gisĩ, ǹ nə́ n da tii li kunun ǹ ni. N tá re wɛɛ tán soroman kɛn bii, n min mɛnɛn lɛn kakã ka gɔya nɛ. Sii mɛn bɛ́ re Faarahɔn laanka a zaman tumaa yii, a din lɛ n ka kɛ nɛ. Ma din Dɛnaa Lawa a da ǹ boo ne.»

Zowɛli 2:3

Bɛ̀ ǹ nə́ n yɔrɔ dia bǎã mɛn nɛ, ka tɛ n kuĩ die. Bɛ̀ ǹ nə́ bɔ bǎã mɛn nɛ, ka tɛ na á bɔ walan. Ǹ bɛ́ ǹ tɔn daa wa, gána lɛ na á goã ka Edɛn dù gɔrɔ kɛ bɛ́ lɔn. Sɛnɛ ǹ kiɛ̃ kio, á n baa ka maǹ nə́ don dɛ. Màn kɔn ba liɛ ǹ la wa.