Siin Giala 2:7 - LAWA A BOO SONBORE

⁷ Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

LAWA A BOO SONBORE 2011

⁷ Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Siin Giala 2:7 ပူးပေါင်းရင်းမြစ်များ

Siin Giala 1:27

Lawa na á minbuiin nɛ zɛnaa a din a kɔnboe lɛa, á zɛnaa ka Lawa din bɛ́ lɔn. Á ǹ zɛnaa, giĩ laanka lɔ nɛ.

Siin Giala 2:6

Sɛnɛ, mu na á goã soe tán giulun, a n tán tumaa basɛ̃.

Siin Giala 3:19

N tá re sɛ̀fuu koɛ̃ n pɛsɛ̃ n tɔn nə n lɛ-a ǹ bii yɛ, yǎa n wusii n woe tán, n bɛ́ ń bɔ tán mɛn lɛ nɛ. N nə ǹ tii lɛa, n nə ǹ die wusii n wo tii li.»

Siin Giala 3:23

Dɛnaa Lawa nə́ ǹ loo, á ǹ bɔ Edɛn dù gɔrɔ lɛ nɛ, màn mɛn bɛ́ toɛ ǹ bɔ tán mɛn nɛ, ǹ wo bɛ lɛ kɔsɔ.

Siin Giala 7:22

Màn woo màn tá tán la á n fɔfoã sii, bɛn tumaa gã.

Zɔbu 27:3

bɛ̀ ma á tɔn boe la ma á piɛ̃ sii, bɛ̀ Lawa a piɛ̃ kɛ á tɔn ma nyin ni,

Zɔbu 33:4

Lawa din na á masɛ zɛnaa ka a yiri ni. Pàãyiidɛnaa din lɛ gɔ́ɔ̃ ǹ piɛ̃ n toɛ ma yii á koo.

Zɔbu 33:6

Lawa yɔrɔ-a, masɛ laanka nsɛ nɛ, wɔ tumaa n goon. Lawa na á ma dɔ zɛnaa ka gì ni.

Zɔbu 4:19

sanparɛ ka min mɛnɛn bɛ́ giã-n tii kionən kɛn nɛ, ǹsɛn mɛnɛn bɛ́ boe tii li, bɛ̀ ǹ nə ǹ puru ka nyuun bɛ́ lɔn.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 103:14

A din tá wɔ zɛnaa ǹ màn doɛ̃, á doɛ̃ mà wɔ n tán tii lɛa.

Suusun 20:27

Minbuiin nɛ yiri kɛ n ká bolon bɛ́ lɔn Dɛnaa Lawa kɔ la, a n wɔlɔ fúli yǎa a gɔ́ɔ̃ nɛ.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Boo-laakalaali 3:7

Màn-toɛ̃ biikoo tan, màn-nimii biikoo tan. Lɛ-tiɛ̃ biikoo tan, boo-diɛ biikoo tan.

Izayii 2:22

Ka nyan nə n foo doa minbuiin nɛ ganaa wa! Ǹ yiikoonaabaa n piɛ̃ lɛa. Là ba a ganaa wa.

Izayii 64:8

Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Ezekieli 37:5

Wen lɛn, Dɛnaa Lawa n kɛ pii ka nɛ: Á ke, ma á re wusii ma fɔfoã da ka nɛ, màn mɛn bɛ́ toɛ ka yii wusoo a kaa.

Ezekieli 37:6

Ma á re biɛn kiɛ ka nɛ, ma siĩ da ka ganaa, ma gɔ̀nɔn ki kɔ lɛ, ma fɔfoã da ka nɛ, màn mɛn bɛ́ toɛ, ka yii wusoo a kaa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Minin nimi 27:16

«N din Dɛnaa Lawa mɛn bɛ́, da ǹ màn tumaa a fɔfoã nə́ n gɔn, ga min li, n da zaman lɛ mìi la,

Zaã a sɛ́wɔ 20:22

Bɛa boon lɛn diɛ kio, á piɛ̃ pɛ ǹ ganaa á pɛ ǹ nɛ: «Ka Lawa a Yiri Fu si.

Nya ǹ dín 17:25

Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ.

Rɔmu minin 9:20

Nsɛ n die lɛa kəni minbuiin nɛ! N nə́ giɛ li mà n Lawa liere kɔ? Dɔn tá pii dɔnɔn-bɔle ne: «Wàa na á baa ń ma zɛnaa kɛnɛn?» Haayii!

Korɛnti1 15:45

Bɛ lɛ nɛ, Lawa a sɛ́wɔ pɛ: «Maǹ nə́ min bibinaa Aadã zɛnaa màn yiikoonaa lɛa.» Sɛnɛ, nyɔnyɔɔ Aadã ke, bɛ giala mà Krita, Yiri Fu n bɛ nɛ, á n yiikoonaabaa koe.

Korɛnti1 15:47

Min bibinaa Aadã ke, bɛ n kanaa wɔ lɛa, a giala, a na á bɔ tán. Aadã paabaa ǹ wɔ kɛ na á bɔ Lawa li lon á daa.

Korɛnti2 4:7

Masɛ n goon ka gì tàan nɛ, gɔn màn sonbore kɛ n ma nɛ, màn mɛn bɛ́ toɛ ǹ dɔ̃, mà pàã gole mɛn tɔrɔ bɛ́ ma nɛ, mà Lawa din pàã nɛ, mà masɛ wɔ bie wa.

Korɛnti2 5:1

Sonbore, wɔ á doɛ̃ wáa kion ke wɔ tá a nɛ, wɔ gɔ̀nɔn kɛ nɛ. A n ka mɔnaa kion kooro bɛ́ lɔn, a n die ziziɛ̃. Sɛnɛ, kion kɔsɔ tan wɔa wɔ lɛa Lawa dɔ. A n giã ǹ bǎã lɛa lon yǎa duduu. Min gɔn bie á bɛ zɛnaa wa.

Timote1 2:13

A giala, Aadã na á n zɛnaa bɔrɔ, bɛ kio Ɛvu.

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?