Siin Giala 2:25 - LAWA A BOO SONBORE

²⁵ Giĩ laanka lɔ nɛ, ǹ dinin min paa tumaa gɔ̀nɔn tontoro na á goã, min kɔ́n a sìi ba ǹ miã ganaa wa.

LAWA A BOO SONBORE 2011

²⁵ Giĩ laanka lɔ nɛ, ǹ dinin min paa tumaa gɔ̀nɔn tontoro na á goã, min kɔ́n a sìi ba ǹ miã ganaa wa.

Siin Giala 2:25 ပူးပေါင်းရင်းမြစ်များ

Siin Giala 3:7

Bɛ kio, ǹ dinin paanan yii toɛ̃ kəni, ǹ nə́ dɔ̃ mà ǹsɛn tontoro ne. Ǹ nə́ tɔ́n gɔ́rɔ luu na, ǹ nə́ wɔrɔ kɔn, ǹ nə́ yii ǹ bɔsɔ̃-n mɔnaa lɛa.

Loen 25:3

Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 31:17

N din a bɛ̀rɛgiĩ n masɛ nɛ, n yɔrɔ bǐɛ̃ da ma la. N din a kɔn-narɛɛ gole kɛ taman yii, ma kirisibaa.

Bɔ bɛ̀rɛbaa nɛ 32:25

Muizu yɛ, mà Aarɔn na á toa, zaman lɛ ná a din dùũ sii zɛnaa, a n die ǹ zɔ́ɔn yaa wɔ ǹ ganaa gòã biɛ.

Izayii 44:9

Min mɛnɛn bɛ́ dì nyínin zɛnɛɛ, ǹ ba màn kɔn lɛa wa. Ǹ màn nyín siĩnin kɛn dɔn là banban. Bɛa nyínin kɛn lɛn manɛ ǹ dinin siéren lɛa. Siéren manɛ, ǹ yii na a màn kɔn yii wa, ǹ nə́ ǹ ba sii kɔn doɛ̃ wa. Maǹ sìi diɛ ǹ ganaa.

Izayii 47:3

Minin tá re n tontoro yii. Màn mɛn bɛ́ sìi diɛ n ganaa, ǹ tá re bɛ yii. Man die gɛ̀ dòo boe. Min kɔn dɔ a boe la a ma kurəə a ganaa wa.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 6:15

Ǹ sii bɔbɔnɛɛn mɛnɛn zɛnaa, bɛa sìi tá ǹ ganaa? Kɛnɛn dinin wa! A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Ezekieli 16:61

Bɛ̀ n kɔn yɛ ka n gololɔn laanka n diɛ̃lɔn kɛn nɛ, n yiri á die gisĩ ka n din a zɛnaa ǹ sii kɛ nɛ, bɛ á re sìi biɛ n ganaa. Ma á re ǹ kiɛ n pàã giulun, a laanɛ wɔ bɛ pɛ kɔn nɛ lɛ kɔ kɔn la lɛ gɔ́ɔ̃-n wa.

Zowɛli 2:26

Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Marki 8:38

Pelo minin mɛnɛn bɛ́ ǹ nə́ n piã ka Lawa nɛ, ǹ nə́ sii baraa zɛnɛɛ, bɛ̀ min mɛn sìi kɔ bɛn yɔrɔ-a a ná a masɛ boo da wa, a masɛ a boo kɛ lɛ dɔ pɛ wa, Min a Nɛgiĩ bɛ́ re boe lon ǹ mɛn pinaa a daa, kun ka lon a dia dí-a wole sonboren ne, ǹ Di a gugurubaa a siĩnbaa kɛ nɛ, a dɔ á die sìi koe a bɛa dɛnaa bíi mà asɛ a kialandɛnaa.»

Luku 9:26

Bɛ lɛ nɛ, min mɛn bɛ́ sìi koe masɛ tɔ pɛ ganaa kanaa, a n sìi koe masɛ a boo kɛ lɛ dɔ a pɛ ganaa, Min a Nɛgiĩ bɛ́ re die ǹ mɛn pinaa, ma din laanka maa Díi a gugurubaa kɛ nɛ, kun ka lon a dia dí-a wole sonboren kɛn nɛ, ma dɔ á re sìi koe bɛa dɛnaa ganaa.

Rɔmu minin 10:11

A giala, Lawa a boo n pii: «Min woo min, á n foo doa Lawa ganaa, sìi á re bɛa dɛnaa kuĩ wa.»