Siin Giala 18:32 - LAWA A BOO SONBORE

³² Bɛ tumaa kio, Abrahamu mà Dɛnaa ganaa: «N foo baran yoo ma li wa. Toa ma maa boo giala-nyɔmɔɔ da n nɛ. Kɔntan, a fù á boe la a yɛ a nɛ!» Dɛnaa pɛ doo: «Bɛ̀ fù yɛ a nɛ, ma á kiwi lɛ toɛ walan.»

LAWA A BOO SONBORE 2011

³² Bɛ tumaa kio, Abrahamu mà Dɛnaa ganaa: «N foo baran yoo ma li wa. Toa ma maa boo giala-nyɔmɔɔ da n nɛ. Kɔntan, a fù á boe la a yɛ a nɛ!» Dɛnaa pɛ doo: «Bɛ̀ fù yɛ a nɛ, ma á kiwi lɛ toɛ walan.»

Siin Giala 18:32 ပူးပေါင်းရင်းမြစ်များ

Siin Giala 18:30

Abrahamu wusoo á pɛ: «Dɛnaa, n foo baran yoo ma li wa. Toa ma boo da doo. Kɔntan, pɔsɔɔ á yii kiwi lɛ nɛ.» Dɛnaa pɛ doo: «Bɛ̀ ma bɛa min pɔsɔɔ lɛ yɛ a nɛ, ma á kiwi lɛ toɛ walan.»

Siin Giala 18:31

Abrahamu wusoo á pɛ bɛ kio: «Man die n yii we maa Dɛnaa la, ma boo da-n doo: Kɔntan, a fuə á boe la a yɛ a nɛ!» Dɛnaa pɛ doo: «Bɛ̀ min fuə yɛ, ma á toɛ walan bɛn lɛn taman yii.»

Siin Giala 44:18

Zudaa nə́ n zɔ̃ á dɔ Zozɛfu li, á pɛ nɛ: – Ń golebaa lɛ laanka *Faarahɔn wɔ n goon. Dɛnaagiĩ, sabara baa, n toa ma boo goon pɛ n nɛ, n foo baran yoo ma li wa.

Zɔbu 33:23

Sɛnɛ, bɛ̀ lon a dia dí-a wole goon yɛ la, zɛlɛ goon toto, lon a dia dí-a wole duu damata bii, á minbuiin nɛ da zii pepere la,

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Bɔ bɛ̀rɛbaa nɛ 32:14

Dɛnaa bɛ́ á goã mà a n die baraa mɛn zɛnɛɛ a din a zaman kɛ nɛ, á wusoo bɛ kio.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Izayii 65:8

Dɛnaa Lawa n kɛ pii: Bɛ̀ minin nə́ rezɛ̃ nɛ mərə sonbore yɛ, maǹ pii: «Ka nyan ziziɛ̃ wa» a giala, sàabaa ba la wa, a n die duvɛ̃ kɔɔ̃n biɛ. A din goon ne. Ma dɔ n die zɛnɛɛ miɛ̃, maa dí-nyalin kɛn lɛa. Ma a re ǹ yii tumaa ziziɛ̃ wa.

Zeremii 5:1

Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Matiə 7:7

Ka màn nyankɔ, Lawa á re màn koe ka la. Ka ga màn li, ka á re màn yii. Ka kiɛnlɛ dɛ, ǹ tá re kiɛnlɛ buĩ ka nɛ.

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Sii yɔrɔ-bɔlen 6:39

Zediɔ̃ wusoo á pɛ Lawa nɛ: – Masɛ n die boo goon dinsɔɔ̃ diɛ sisia kəni, n foo baran yoo masɛ li wa. Ma nə n nyankoe n toa ma wusoo ma ga sii giala li ka sère ka lɛ-n doo: «Sisia, ma nə n nyankoe, máa n toa sère ka lɛ dinsɔɔ̃ goã gere, tán kɛ tumaa pele baa.»