Siin Giala 18:2 - LAWA A BOO SONBORE

² Abrahamu nə́ n mìi saa lon, á giĩ min sɔɔ yɛ golee-n lon kunu a din ganaa. A bɛ́ á ǹ yɛ, á n toa a zìã kiɛnlɛ-a, á baa si á woo n da ǹ lɛ, á kaa tán ǹ giulun,

LAWA A BOO SONBORE 2011

² Abrahamu nə́ n mìi saa lon, á giĩ min sɔɔ yɛ golee-n lon kunu a din ganaa. A bɛ́ á ǹ yɛ, á n toa a zìã kiɛnlɛ-a, á baa si á woo n da ǹ lɛ, á kaa tán ǹ giulun,

Siin Giala 18:2 ပူးပေါင်းရင်းမြစ်များ

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Siin Giala 18:16

Giĩn lɛn nə́ yoo walan, ǹ nə́ n yɔrɔ dia Sodɔmu kiwi la. Abrahamu dɔ́ soo kunun ǹ ni, mà asɛ n woe ǹ gòã boe zii, a tɔn nə n bɔyaa.

Siin Giala 18:22

Tiin lɛn min paa yoo walan, ǹ nə́ n yɔrɔ dia Sodɔmu la. Bɛa biikoo li, bɛ̀ Abrahamu á tɔn golee-n Dɛnaa yɔrɔ-a.

Siin Giala 18:3

á pɛ ǹ goon ne: «Dɛnaa, bɛ̀ masɛ sii á kɔɔ̃nɛ n ganaa, masɛ nə n nyankoe ka bɔ maa kion, ka tɔn kiɛ̃.

Siin Giala 19:1

Lon a dia dí-a wole paa lɛ dɔ Sodɔmu kiwi wasamiɛ̃nɛ, bɛ̀ Lɔti á giã-n tán Sodɔmu *kiwi a kiɛnlɛ-a. A bɛ́ á ǹ yɛ lɔn, á yoo á woo n da ǹ lɛ, á kaa tán ǹ giulun, á n mìi kuməə tán.

Siin Giala 23:12

Abrahamu wusoo á kaa tán gána lɛ a minin giulun,

Siin Giala 23:7

Ɛti tɔrɔn mɛnɛn bɛ́ bɛa bǎã lɛ nɛ, gána lɛ a minin lɛa, Abrahamu yoo, á kaa tán ǹ giulun, á barka da ǹ nɛ.

Siin Giala 24:63

Ǹ kɔn pinaa wasamiɛ̃nɛ, á soo a tá n bibiĩ lalaa lɛ-a. Á n yii saa lon, á nyɔɔmaan lɛn yɛ die.

Siin Giala 32:24

á Yabɔki tà gòã kuru ǹ ni, ka a gɔn màn tumaa nɛ.

Siin Giala 42:6

Zozɛfu giã gána lɛ mìi la, a din na á goã belee siɛ̃ a minin tumaa la. Ǹ golon lɛn nə́ dɔ, ǹ nə́ kaa tán a giulun, ǹ nə́ n mìi kuməə tán.

Siin Giala 43:26

Zozɛfu bɛ́ á daa piɛ, ǹ da ka màn mɛn nɛ, mà maǹ die goe ne, ǹ nə́ bɛ saa kion ǹ nə́ kɔ la, ǹ nə́ kaa tán a giulun, yǎa ǹ nə́ dɔ tán ka kɔ̃.

Siin Giala 43:28

Ǹ ná a lɛ si kɛnɛn: «N Bɛ̀rɛgiĩ, wɔ di lɛ á kaka. Á tɔn a tan.» Ǹ nə́ n kuməə, ǹ nə́ kaa tán a giulun.

Siin Giala 44:14

Zudaa laanka ǹ dɔɔ̃nɔn lɛn nə́ dɔ Zozɛfu a piɛ, ǹ nə́ woo yaa bɛ̀ á tɔn kion, ǹ nə́ kaa tán a giulun.

Siin Giala 48:12

Zozɛfu nə́ ǹ kũ, á ǹ bɔ ǹ di lɛ gòã la, a din kaa tán a giulun.

Kiin2 2:15

Lawa a boo gii-dalin mɛnɛn bɛ́ giã-n Zerikoo kiwi, bɛn nə́ goã ǹ nə́ Yiliizee yɛ ǹ yɔrɔ-a, ǹ nə́ tɔ́n pɛ: «Yiri mɛn goã Yilii la bɛ lɛ n Yiliizee la.» Ǹ nə́ daa n da lɛ, ǹ nə́ kaa tán a giulun,

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Ebrəə 13:2

Ka yiri baran bɔ tiin kũ doɛ̃-n wa. Bɛ a zɛnaa barka nɛ, min tɛnɛn nə́ lon a dia dí-a wolen tiibaa kũ, ǹ nə́ ǹ dɔ̃ wa.

Zozoe 5:13

Zozoe bɛ́ Zerikoo kiwi lɛkoro-a, á n yii saa á ga, bɛ̀ giĩ goon nə́ ke golee ne a nyɛɛnɛ ka a gɔya sa nɛ a gɔn. Zozoe nə́ n zɔ̃ á dɔ a li, á nɔ̀n da la kɛnɛn: «Ma n kun ka wɔsɛn nɛ hinlaa, ma n kun ka wɔsɛn zɔ́ɔn nɛ?»

Piɛrɛ1 4:9

Ka kɔn a tiibaa kũ bɛ̀ ka n ka a zùũzùũ sii wa.

Sii yɔrɔ-bɔlen 13:3

Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Uruti 2:10

Bɛ kio, á na á kaa tán a giulun á pɛ nɛ: «A na á saa lɔn ń tá giɛ masɛ walan, n tá bǐɛ̃ zɛnɛɛ ma nɛ, masɛ din tɔrɔ kɔsɔ min ke?»