Siin Giala 18:14 - LAWA A BOO SONBORE

¹⁴ Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

LAWA A BOO SONBORE 2011

¹⁴ Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Siin Giala 18:14 ပူးပေါင်းရင်းမြစ်များ

Siin Giala 17:16

Ma á re barka we a nɛ, ma á re toɛ n nɛgiĩ yɛ la dinin. Ma á re barka we a nɛ, a tɔrɔn tá re gána tumun biɛ. Tɔrɔ gigiã a kiin tá re boe a tɔrɔn bii.»

Siin Giala 17:21

Sɛnɛ, masɛ n die lɛ kɔ kɔn la we ka Izaaki ni, Saaraa bɛ́ re nɛ mɛn yii n ni lɛ̀-boe kɛnɛn yoroo.»

Siin Giala 18:10

Dɛnaa tɔ́n pɛ: «Masɛ doamaa nɛ man bɔyaa ma da lɛ̀-boe kɛnɛn yoroo doo. N lɔ Saaraa lɛ á die nɛgiĩ yii.» A bɛ́ boo lɛ diɛ, bɛ̀ Saaraa á golee-n zìã kiɛnlɛ-a Abrahamu kio, n too koe.

Siin Giala 18:13

Dɛnaa tɔ́n pɛ Abrahamu ni: «Wàa na á baa Saaraa á yaa we? A n pii dɔn mà asɛ din zinziin kɛ á boe la, a nɛ yɛ doo sonbore?

Siin Giala 18:15

Nyɛ́ɛ bɛ́ á Saaraa kũ, a ná a liere kɔ á pɛ mà asɛ yaa wɔ wa. Dɛnaa tɔ́n pɛ: «Haayii, ń yaa wɔ dɛ!»

Siin Giala 21:1

Lawa daa á n dɔ Saaraa lɛ, ka a bɛ́ á pɛ-n lɛlɛ lɔn. A n lɛ kɔ la ka sii mɛn nɛ, á bɛ lɛ zɛnaa.

Siin Giala 21:2

Saaraa nɔ̀ si. Lawa pɛ mà á re nɛ yii biikoo mɛn li, á nɛgiĩ yɛ Abrahamu ni bɛa biikoo lɛ li, bɛ á zɛnɛɛ bɛ̀ Abrahamu a zizimaa nɛ.

Kiin2 4:16

Yiliizee pɛ lɔ lɛ nɛ: «Lɛ̀ boe kɛnɛn ke, n tá re nɛ guĩ n gɔn.» Lɔ lɛ pɛ: «Haayii! Maa dɛnaagiĩ, Lawa a boo gii-dali, n baran soɛ bɔ ma-n wa.»

Zɔbu 36:5

Lawa n Pàãyiidɛnaa lɛa, a ba n la boe min kɔn ganaa wa! Pàã na a lon, bɛ̀ á golee sii mɛn li bɛ a sàabiɛ wa.

Zɔbu 42:2

– Má dɔ̃ máa n tá boe sii din tumaa la, sii kɔn ba piɛ̃ n ganaa wa.

Loen 90:13

Dɛnaa Lawa, sabara baa n si n ganaa! N foo n die basɛ̃ biĩ? N din a dí-nyalin man wɔsɛn nɛ, bǐɛ̃ kɔ, n nə n yɔrɔ bǐɛ̃ da wɔ la.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 32:27

– Masɛ Dɛnaa Lawa n màn yiikoonaa tumaa a Dɛnaa lɛa. Sii á boe la a kaka kɔ masɛ ganaa?

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Zakarii 8:6

Dɛnaa Lawa Pàãyiidɛnaa a da ǹ boo á ke: «Bɛ̀ bɛ á kaãbaa ǹ sii lɛa Izirayeli minin gialakunun kɛn yii li, a kaãbaa ǹ sii lɛa masɛ Dɛnaa Lawa Pàãyiidɛnaa yii li wa. Dɛnaa Lawa Pàãyiidɛnaa a da ǹ boo ne.

Minin nimi 11:23

Dɛnaa Lawa tɔ́n pɛ Muizu ni: «Masɛ pàã lɛ na á woo maa? Ma boo mɛn da, n tá re yii sisia, bɛ̀ bɛ á re n zɛnɛɛ n nɛ, hinlaa bɛ̀ a re n zɛnɛɛ n nɛ wa?»

Matiə 14:31

A din bǎã-n gɔrɔ Yezu nə́ n gɔn dia á kũ. Á tɔ́n pɛ nɛ: «N golee Lawa li á kiɛɛrɛ dɛ! Wàa na á baa n foo biɛ na?»

Matiə 19:26

Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Marki 10:27

Yezu ga ǹ ganaa ka gongon, á pɛ ǹ nɛ: «Minbuiin nɛ a boe la a n din kirisibaa wa, yǎa Lawa na a kirisibiɛ, a giala, Lawa n boe sii din tumaa la.»

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Luku 1:18

Bɛ kio, Zakarii pɛ lon a dia dí-a wole lɛ-n kɛnɛn: «Masɛ n die doɛ̃ wàa mɛn li, máa bɛa boo kɛ lɛ n sonbore lɛa? A giala, ma laanka maa lɔ nɛ, wɔ́ zizi kɔ á nya.»

Luku 1:37

A dɔ̃ sonbore, mà sii kɔ́n ba piɛ̃ Lawa ganaa wa.»

Luku 8:50

Sɛnɛ, Yezu bɛ́ á boo lɛ ma, á pɛ Zayirusu ni: «N baran nyɛ́ɛ baa wa, yǎa n goleemali wɔ, n nɛlɔ lɛ a re kirisibiɛ.»

Rɔmu minin 4:21

A na á n gòãn koa Lawa a lɛ kɔ ǹ boo kɛ lɛ la, á golee li taãn-taãnɛ, mà pàã tá Lawa lon a bɛ zɛnaa.

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Timəə dí-pɛn 30:3

Bɛ̀ á n baa miɛ̃, kaa Lawa, Dɛnaa Lawa lɛ á re makara boe ka ganaa. A ka pɛsɛ̃ tɔrɔn mɛnɛn tumaa bii ka nə́ ǹ bɛ̀rɛn lɛa, á re wusii a ka waa walan doo a ka sɔkɔn.

Timəə dí-pɛn 7:21

Ka nyan nyɛ́ɛ baa ǹ nɛ wa. A giala, kaa Lawa, Dɛnaa Lawa tá ka bii. Lawa gole ne, a sii á nyɛ́ɛ diɛ.

Filipi minin 3:21

Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Ebrəə 11:19

Abrahamu na á pɛ a din gɔ́ɔ̃ nɛ, mà pàã tá Lawa lon, a boo la a gere dɔ din yii kaa. Bɛ lɛ na á toa, a nɛ lɛ wusoo a ná a wɔ baa, ka n pɛ mà a yii na á kaa á n bɔ geren bii.

Sii yɔrɔ-bɔlen 13:3

Dɛnaa Lawa a lon a dia dí-a wole nə́ n din nyaa bɛa lɔ lɛ nɛ, á pɛ nɛ: «Ma á doɛ̃ máa n tá kùnu lɛa, nɛ ná a ba n lon wa. Sɛnɛ, n tá re nɔ̀ sii, n nɛgiĩ yɛ.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»