Siin Giala 17:8 - LAWA A BOO SONBORE

⁸ N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

LAWA A BOO SONBORE 2011

⁸ N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 17:8 ပူးပေါင်းရင်းမြစ်များ

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 13:17

Yoo n nə n bibiə̃ gána lɛ nɛ, n wo a sasabaa li, n ga a gɔ́ɔ̃ dɔ a golebaa ganaa. A giala, man koe n la.»

Siin Giala 23:4

«Man ka li ka gùli bɛ́ lɔn, tii lɛa kun ka nɛ. Ka gere bĩ ǹ bǎã kɔ masɛ la, bɛ maa wɔ baa, màn mɛn bɛ́ toɛ, ma maa lɔ lɛ gere bĩ a nɛ.»

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

Siin Giala 35:27

Zakɔba woo ǹ di Izaaki li Manbre kunu Kiriyati-Arabaa kiwi ganaa, ǹ nə́ bíi Ebrɔn sisia. Abrahamu laanka Izaaki giã walan lɛlɛ.

Siin Giala 36:7

A giala, mà ǹ gɔn màn lɛ mɔnaa á la yii ni, ǹ ba boe la ǹ giã kɔn li wa. Ǹ goã giã-n bǎã mɛn nɛ, bɛa tɛ á n boe la, á ǹ tumaa a tɔɔn màn bii ǹ bǎã boe wa.

Siin Giala 37:1

Zakɔba giã Kanaan gána nɛ, ǹ di goã á woo giã gána mɛn lɛ nɛ.

Siin Giala 48:4

Á pɛ ma-n kɛnɛn: «Ma á re n buluboe, ma n nɛnyaanan mɔnaa, ma n baa tɔrɔ gigiã lɛa. Ma á re gána kɛ lɛ koe n tɔrɔn la, a ǹ wɔ baa duuduu.

Samayeli2 23:5

Lawa n bɛ lɛ miã zɛnɛɛ maa kion wɔ paǹ li. A giala, á lɛ kɔ kɔn la wɔ ka masɛ nɛ yǎa duduu. A lɛ kɔ sii mɛn ganaa, bɛa sàabiɛ wa. A n lɛ kɔ ka sii mɛn nɛ, a ba bɛ bɔyɛɛ wa. Á die sii tumaa yɔrɔ boe maa kirisibaa a lɛa, màn mɛn bɛ́ toɛ, sii mɛn bɛ́ kɔɔ̃n ma ganaa bɛ nə n zɛnaa.

KZS1 16:18

A na á pɛ a gɔ́ɔ̃-n kɛnɛn: «Man die Kanaan gána kɛ koe n la, a kaa wɔ baa.

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 105:11

A na á pɛ a gɔ́ɔ̃-n kɛnɛn: Man die Kanaan gána kɛ koe n la, a kaa wɔ baa.

Loen 105:9

A lɛ kɔ kɔn la mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

Bɔ bɛ̀rɛbaa nɛ 13:11

Bɛ̀ Dɛnaa daa Kanaan gána kɛ kɔ ka la, ka a bɛ́ á n lɛ kɔ ka la lɔn, á kɔ ka digolon dɔn la,

Bɔ bɛ̀rɛbaa nɛ 21:6

a mìinaa lɛ Lawa baa siére lɛa, a bɛ̀rɛ lɛ mɔrɔ a kiɛnlɛ ganaa, hinlaa a kiɛnlɛ gɔn ganaa, a na a too fɔ̃ ka kiɛ nɛ. Bɛ̀rɛ lɛ n dí nyɛɛ nɛ kəni yǎa duduu.

Bɔ bɛ̀rɛbaa nɛ 29:45

Masɛ n die goɛ̃ Izirayeli nɛnyaanan bii, ma goã Lawa lɛa ǹ yii li.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Bɔ bɛ̀rɛbaa nɛ 40:15

n nyɔɔ kaa ǹ ganaa ka ǹ díi wɔ bɛ́ lɔn, ǹ boo la ǹ masɛ a wúlu bɔ. N nyɔɔ kaa ǹ ganaa kɛnɛn kɛ lɛ n die wúlu-bɔlebaa kɛ biɛ ǹ wɔ lɛa biikoo tumaa li yǎa duduu.»

Bɔ bɛ̀rɛbaa nɛ 6:4

Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Zeremii 25:5

Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Ezekieli 11:20

Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.

Ezekieli 33:24

– Minbuiin a nɛ, ǹ kiwin mɛnɛn lɛn yu, bɛn minin mɛnɛn bɛ́ Izirayeli gána nɛ, bɛn man pii: «A laanɛ wɔ digolo Abrahamu goã a dinsɔɔ̃, á gána lɛ si á baa a wɔ lɛa. Sanparɛ ka wɔsɛn damata kɛ nɛ. Gána lɛ a dɛnaabaa na á n kɔ wɔsɛn dɔn la.»

Lawa a wúlu-bɔlen 14:34

Bɛ̀ ka wɔ Kanaan gána lɛ nɛ, masɛ bɛ́ gána mɛn lɛ koe ka la kaa wɔ lɛa, bɛa gána kɛ lɛ die kaa wɔ biɛ, bɛ̀ masɛ sulii bǎã da kion mɛn nɛ,

Lawa a wúlu-bɔlen 16:34

Kɛ n landa lɛa, sii baraa sawaa ǹ wúlu bɔ wɔ paǹ li. Bɛa landa kɛ lɛ nə ǹ mìi ni miɛ̃ duduu, a ná a ba n bɔyɛɛ wa. A nə n zɛnɛɛ gunyin goon lɛ̀ woo lɛ̀, Izirayeli minin lɛn sii baraa tumaa taman yii. Dɛnaa Lawa boo mɛn pɛ Muizu ni, ǹ nə́ bɛ lɛ zɛnaa.

Lawa a wúlu-bɔlen 26:12

Ma din tá re goɛ̃ kun ka nɛ. Man die goɛ̃ kaa Lawa lɛa, ka dɔn man die goɛ̃ maa zaman lɛa.

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Minin nimi 10:29

Rewuyeli a nɛgiĩ Obaabu ke Madiã gána min lɛa, Muizu daãgiĩ lɛa, Muizu pɛ bɛ nɛ: «Dɛnaa Lawa bǎã mɛn lɛ boo da, á kɔ wɔ la, wɔsɛn man woe walan. Kiɛ̃ n nə n ta kun ka wɔsɛn nɛ. Dɛnaa Lawa nə n lɛ kɔ Izirayeli minin la ka yii-nyɛɛ mɛn nɛ, wɔsɛn tá re toɛ n dɔ wɔ yɛ bɛ nɛ.»

Minin nimi 25:13

Bɛa lɛ kɔ kɔn la kɛ lɛ n die goɛ̃ a din wɔ lɛa, ka a tɔrɔn nɛ. A din lɛ kɔ kɔn la kɛ lɛ n die toɛ, wúlu bɔ ǹ dí goã ǹ wɔ lɛa miɛ̃ duduu. A giala, á nyaa mà a Lawa lɛ sii á kaka a gɔn, ka bɛ dɔ nɛ, á Izirayeli minin lɛn sii baraa sawaa ǹ sii zɛnaa.»

Minin nimi 27:12

Dɛnaa Lawa pɛ Muizu ni: «Dii Abarimu kele kɛ la, ma bɛ́ re gána mɛn lɛ koe Izirayeli minin lɛn la, n ga bɛ ganaa.

Nya ǹ dín 7:5

Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.

Timəə dí-pɛn 14:2

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Timəə dí-pɛn 26:18

Dɛnaa Lawa dɔ pɛ pelo mà ka na a asɛ a zaman lɛa, mà ka na a dinsɔɔ̃ wɔ lɛa, ka a bɛ́ á pɛ ka-n lɔn, ka a gɔn waa ǹ boon kɛn tumaa tamaa.

Timəə dí-pɛn 29:13

Bɛa lɛ kɔ kɔn la ke ma wɔ ka nɛ, má a boo da ka nɛ, má n liɛ má da la, ma bie má wɔ ka kasɛn dininsɔɔ̃nɔn nɛ wa.

Timəə dí-pɛn 32:49

«Dii Neboo kele la Abarimu a kele yii kɛ nɛ, Moabu gána nɛ, Zerikoo kiwi yɔrɔ-a. N toa walan n ga Kanaan gána lɛ ganaa, ma bɛ́ ǹ mɛn lɛ koe Izirayeli minin lɛn la ǹ wɔ lɛa.

Timəə dí-pɛn 32:8

Lon a Lawa bɛ́ minbuiinin niniɛ kɔn, a bɛ́ bǎã tatalɛ koe tɔrɔn la, a n gèlè koɛ tɔrɔn bii, á n yiri koa Izirayeli minin dɔn li.

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Timəə dí-pɛn 4:37

A giala, á goã ka digolon lɛn narɛ. Bɛ lɛ nɛ, á tɔ́n kasɛn bɔ ǹ tɔrɔn lɛa ǹ kio, a din ka waa, á ka bɔ Ezipti gána nɛ, ka a pàã nɛ.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Zozoe 1:2

«Maa dí-nyali Muizu gã. Kanna kəni, n din yoo, n Zurdɛ̃ tà kɛ kuru, n din laanka zaman kɛ lɛ tumaa nɛ. Ma bɛ́ gána mɛn koe ka dinin Izirayeli minin lɛn la, ka wo walan.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.