Siin Giala 17:23 - LAWA A BOO SONBORE

²³ Lawa boo lɛ pɛ nɛ ǹ mɛn pinaa, Abrahamu yoo a din pinaa, á ná a nɛgiĩ Isimayeli kũ á kuru. Bɛ̀rɛn mɛnɛn tumaa yɛ a kion, a ǹ mɛnɛn pii ka wɔrɔ nɛ, giĩ mɛn tumaa bɛ́ a kion, á ǹ tumaa kũ, á ǹ kuru.

LAWA A BOO SONBORE 2011

²³ Lawa boo lɛ pɛ nɛ ǹ mɛn pinaa, Abrahamu yoo a din pinaa, á ná a nɛgiĩ Isimayeli kũ á kuru. Bɛ̀rɛn mɛnɛn tumaa yɛ a kion, a ǹ mɛnɛn pii ka wɔrɔ nɛ, giĩ mɛn tumaa bɛ́ a kion, á ǹ tumaa kũ, á ǹ kuru.

Siin Giala 17:23 ပူးပေါင်းရင်းမြစ်များ

Siin Giala 14:14

Abramu bɛ́ á ǹ dɔɔ̃n lɛa kuĩ boo ma ǹ mɛn waáraa, a dí-nyalin mɛnɛn nə yɛ a kion, ǹ nə́ boe ziabaa la, á bɛn min biɛsɔɔ ka fulukiwisi (318) goa, á kiin lɛn loo yǎa Dan kiwi.

Siin Giala 17:9

Lawa wusoo á pɛ Abrahamu ni: «Ma lɛ kɔ kɔn la mɛn wɔ kɔn ka n nɛ, ń die n tamaa. N tɔrɔn mɛnɛn dɔn bɛ́ re yii n kio, bɛn dɔn die ǹ tamaa.

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Siin Giala 34:24

Min mɛn tumaa bɛ́ soe, bɛ̀ ǹ da kiwi lɛ a lɛsɔkɔn bǎã nɛ, bɛn tumaa lɛ kɔ, Amɔɔrɔ laanka a nɛgiĩ Sisɛmu a boo lɛ ganaa. Kiwi lɛ a giĩn tumaa nə́ n kuru.

Loen 119:60

Ma nə n nanaɛ ma tá n dí-pɛn kɛn tamaɛ. Ma ba n lɔloɛ ǹ li wa.

Suusun 27:1

N nyan nə n din kalaa biɛ̃ ǹ taman yii wa. A giala, sii mɛn bɛ́ re n zɛnɛɛ pelo n ba bɛ doɛ̃ wa.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Nya ǹ dín 16:3

A na á goã Pooli gɔ́ɔ̃ nɛ a wo-n kun ka a din ni. Pooli kũ á kuru, Zuifun mɛnɛn bɛ́ bɛa bǎãn lɛn nɛ, a na á zɛnaa bɛn lɛa, a giala, ǹ tumaa goã doɛ̃ sonbore, mà Timote lɛ di na á goã Grɛki lɛa.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Galaasi minin 6:15

Kurii ni ka kuriibaã nɛ, bɛ kɔ́n ba màn lɛa wa. Lawa a wusoo a wɔ baa min dii lɛa ke, bɛ dinsɔɔ̃ n màn lɛa.