Siin Giala 17:19 - LAWA A BOO SONBORE

¹⁹ Lawa tɔ́n pɛ kɛnɛn: «Haayii dɛ! N lɔ Saaraa kɛ lɛ á re nɛgiĩ yii n wɔ lɛa, n tá re a tɔ koe Izaaki. Ma lɛ kɔ kɔn la mɛn wɔ, man die bɛ lɛ doɛ kɔn nɛ, a laanka a tɔrɔn mɛnɛn bɛ́ re yii a kio. Ma ba n lɛ boe wa. A n lɛ kɔ kɔn la lɛa yǎa duduu.

LAWA A BOO SONBORE 2011

¹⁹ Lawa tɔ́n pɛ kɛnɛn: «Haayii dɛ! N lɔ Saaraa kɛ lɛ á re nɛgiĩ yii n wɔ lɛa, n tá re a tɔ koe Izaaki. Ma lɛ kɔ kɔn la mɛn wɔ, man die bɛ lɛ doɛ kɔn nɛ, a laanka a tɔrɔn mɛnɛn bɛ́ re yii a kio. Ma ba n lɛ boe wa. A n lɛ kɔ kɔn la lɛa yǎa duduu.

Siin Giala 17:19 ပူးပေါင်းရင်းမြစ်များ

Siin Giala 16:11

Ń bɛ́ nɔ̀ mɛn nɛ, ma n die yii nɛgiĩ lɛa. Ń die n na a tɔ kɔ Isimayeli (bɛ giala mà "Lawa ma"), a giala, n nɔmaa gɔ́ɔ̃ nɛ, Dɛnaa nə n lɛ-dɛ ma.

Siin Giala 17:16

Ma á re barka we a nɛ, ma á re toɛ n nɛgiĩ yɛ la dinin. Ma á re barka we a nɛ, a tɔrɔn tá re gána tumun biɛ. Tɔrɔ gigiã a kiin tá re boe a tɔrɔn bii.»

Siin Giala 17:18

Abrahamu mà Lawa ganaa: «Yǎa n Isimayeli lɛ toɛ ma kio.»

Siin Giala 17:21

Sɛnɛ, masɛ n die lɛ kɔ kɔn la we ka Izaaki ni, Saaraa bɛ́ re nɛ mɛn yii n ni lɛ̀-boe kɛnɛn yoroo.»

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 21:6

(Izaaki tɔ lɛ giala mà "Yaa-wɔ"). Saaraa tɔ́n pɛ: «Lawa na á toa masɛ á foo kɔɔ̃nbaa ǹ yaa we! Min woo min bɛ́ re kɛ miɛ̃ masɛ wɔ paǹ li, á re yaa diɛ bɛn tumaa ganaa.»

Siin Giala 26:2

Dɛnaa nə́ n din nyaa-n walan, á pɛ nɛ: – N nyan wo Ezipti wa, sɛnɛ, ma din bɛ́ re gána mɛn nyɛɛ n nɛ, wo giã walan.

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 9:16

Lamɛn lɛ bɛ́ re boe lon, bɛ̀ masɛ Lawa ga a ganaa, ma lɛ kɔ kɔn la mɛn wɔ ka màn yiikoonaa tumaa nɛ duduu wɔ lɛa, lɛ bɔ ná a ba a-n wa, ma á re n yiri koɛ bɛ nɛ.»

Luku 1:55

A bɛ́ á n lɛ kɔ wɔ digolo Abrahamu la ka siin mɛnɛn nɛ, a n die bɛn zɛnɛɛ wɔsɛn kɛn lɛn manɛ a nɛnyaanan lɛa, a na a lɛ pã yǎa duduu.»

Ebrəə 11:11

Golee Lawa li na á toa, Abrahamu boo la á nɛ yɛ, a laanɛ á zizi kɔ, a lɔ Saaraa dɔ ná a ba boe la, a nɛ yɛ doo wa. A na á waa la, mà Lawa nə n lɛ kɔ la ka sii mɛn nɛ, mà á re bɛ zɛnɛɛ.