Siin Giala 17:17 - LAWA A BOO SONBORE

¹⁷ Abrahamu na á kaa tán, á n mìi kuməə tán. Á yaa wɔ a din gɔ́ɔ̃ nɛ bɛ̀ á n pii: «Giĩ lɛ̀ paabiɛ, bɛ á tɔn nɛ yii sonbore? Saaraa dɔ lɛ̀ pɔmanangɔrɔ n ke, bɛ á boe la a nɛ yɛ doo?»

LAWA A BOO SONBORE 2011

¹⁷ Abrahamu na á kaa tán, á n mìi kuməə tán. Á yaa wɔ a din gɔ́ɔ̃ nɛ bɛ̀ á n pii: «Giĩ lɛ̀ paabiɛ, bɛ á tɔn nɛ yii sonbore? Saaraa dɔ lɛ̀ pɔmanangɔrɔ n ke, bɛ á boe la a nɛ yɛ doo?»

Siin Giala 17:17 ပူးပေါင်းရင်းမြစ်များ

Siin Giala 17:18

Abrahamu mà Lawa ganaa: «Yǎa n Isimayeli lɛ toɛ ma kio.»

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Siin Giala 18:11

A bɛ́ á boo lɛ ma, á yaa wɔ a din gɔ́ɔ̃ nɛ. A giala Abrahamu laanka Saaraa zizi kɔ parsiini, lɔn lɛawaa din ba Saaraa kuĩ doo wa. Á tɔ́n pɛ kɛnɛn: «Masɛ din zinziin ke, giĩ sii n siɛ lɔn, a masɛ kũ doo? Masɛ a dɛnaa dɔ á ke á zizi kɔ ka wàa baa!»

Siin Giala 21:5

Izaaki bɛ́ yii, bɛ̀ Abrahamu lɛ̀ paabiɛ nɛ.

Siin Giala 21:6

(Izaaki tɔ lɛ giala mà "Yaa-wɔ"). Saaraa tɔ́n pɛ: «Lawa na á toa masɛ á foo kɔɔ̃nbaa ǹ yaa we! Min woo min bɛ́ re kɛ miɛ̃ masɛ wɔ paǹ li, á re yaa diɛ bɛn tumaa ganaa.»

Siin Giala 21:7

Á pɛ dɔn: «Die n boe la a pɛ Abrahamu ni, mà masɛ Saaraa á die nɛ diɛ ma gòã la doo? Masɛ á ke má nɛgiĩ yɛ nɛ, a zizi kɔ lɛ gɔ́ɔ̃ nɛ.»

KZS1 21:16

Davida nə́ n yii saa lon, á Dɛnaa Lawa a lon a dia dí-a wole lɛ yɛ golee ne lon laanka tán bii ni, a gɔya sa kooromaa nɛ a gɔn, á bɔyaa á dia Zeruzalɛmu la. Davida laanka min golen nə́ tɔ́n kaa tán ǹ lɛ la, boro n koe ne ǹ lɛ.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Ezekieli 1:28

Wɔlɔ fúlu mɛn lɛ goã a lɛnpɛnɛ, bɛ na á goã ka lamɛn bɛ́ lɔn, la a kaa pinaa. Bɛa wɔlɔ fúlu lɛ na á goã Dɛnaa Lawa a siĩnbaa kɛa kɔnboe lɛa. Ma bɛ yɛ lɔn, má bɔ má mɛnaa tán ma lɛ la. Má tɔ́n min goon lɛ ma boo diɛ.

Lawa a wúlu-bɔlen 9:24

Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

Minin nimi 14:5

Muizu laanka Aarɔn tɔ́n na, ǹ nə́ kaa tán ǹ lɛ la, Izirayeli zaman sɔkɔn lɛ tumaa yɔrɔ-a.

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.

Luku 1:18

Bɛ kio, Zakarii pɛ lon a dia dí-a wole lɛ-n kɛnɛn: «Masɛ n die doɛ̃ wàa mɛn li, máa bɛa boo kɛ lɛ n sonbore lɛa? A giala, ma laanka maa lɔ nɛ, wɔ́ zizi kɔ á nya.»

Zaã a sɛ́wɔ 8:56

Ka digolo Abrahamu kɛ lɛ, ka lɛ n paraa-n a tɔ ganaa, á goã n nyɛnyɛɛ, a ná a yiri ni mà a tá re masɛ a biikoo yii. Á yɛ, a foo kɔɔ̃n kɔ parsiini.»

Timəə dí-pɛn 9:18

Má tɔ́n na má kaa tán Dɛnaa Lawa yɔrɔ-a, ma lɛawaa pusi ka tèlò pusi, ka bibinaa wɔ lɛ bɛ́ lɔn. Ma màn-bii wɔ ma lɛ-n wa, ma mu wɔ ma lɛ-n wa, kaa sii baraa kɛ lɛ tumaa a lɛa ká zɛnaa. Sii mɛn bɛ́ baraa Dɛnaa Lawa yii li, ka n ká bɛ lɛ zɛnaa, ká a foo yoo ne.

Timəə dí-pɛn 9:25

Dɛnaa Lawa bɛ́ mà a n die ka dii a ka nya, má tɔ́n kaa tán a yɔrɔ-a. Ma lɛawaa pusi ka tèlò pusi n tán a yɔrɔ-a.

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»

Zozoe 7:6

Bɛ gɔ́ɔ̃ nɛ, Zozoe ná a mɔnaan kũ á ǹ tɔtoɛ̃. Foo-ziziɛ̃ gɔn, a din laanka Izirayeli a min golen lɛn nə́ tii goa bɛ̀ ǹ kaa ǹ mìi ni. Ǹ nə́ na ǹ nə́ kaa tán ǹ yɔrɔ la Dɛnaa Lawa a goo lɛ yɔrɔ-a yǎa wasa woo mɛ.

Sii-nyaan 11:16

*Min gole fuəwensii mɛn bɛ́ ǹ kii dankanan nɛ Lawa yɔrɔ-a, ǹ nə́ kaa tánaa ǹ lɛ la, ǹ nə́ Lawa guguru koe,

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.

Sii yɔrɔ-bɔlen 13:20

Ǹ nə́ tɛ buə̃ yɛ, yui *wúlu bɔ ǹ bǎã lɛ nɛ, á n woe lon. Dɛnaa Lawa a lon a dia dí-a wole dɔ́ dii á woo lon, wúlu bɔ ǹ bǎã lɛ a tɛbuə̃ lɛ bii. Manoa laanka a lɔ bɛ́ ǹ nə́ bɛ yɛ, ǹ nə́ bɔ ǹ nə́ kaa ǹ yɔrɔ la tán.