Siin Giala 17:14 - LAWA A BOO SONBORE

¹⁴ Sɛnɛ, giĩ *soroma, mɛn bɛ́ a soromabaa nə n bɔ á n bɔ a ganaa wa, ka doamaa nɛ, ka bɛ loo ka bɔ masɛ a minin bii. A giala, bɛa dɛnaa na á masɛ a lɛ kɔ kɔn la lɛ ziziɛ̃.»

LAWA A BOO SONBORE 2011

¹⁴ Sɛnɛ, giĩ *soroma, mɛn bɛ́ a soromabaa nə n bɔ á n bɔ a ganaa wa, ka doamaa nɛ, ka bɛ loo ka bɔ masɛ a minin bii. A giala, bɛa dɛnaa na á masɛ a lɛ kɔ kɔn la lɛ ziziɛ̃.»

Siin Giala 17:14 ပူးပေါင်းရင်းမြစ်များ

Siin Giala 17:15

Lawa tɔ́n pɛ Abrahamu ni: «N baran n lɔ lɛ bíi Sarayii doo wa, a giala, a tɔ n die goɛ̃ Saaraa sisia.

Siin Giala 34:14

Ǹ miãgiĩn lɛn nə́ pɛ ǹ nɛ kɛnɛn: «N bɛ́ boo mɛn diɛ, wɔsɛn ba boe la, wɔ lɛ kɔ bɛ ganaa, wɔ wɔ miãnɛn saa wɔ kɔ giĩ *soroma la wa. Bɛ̀ wɔ bɛ zɛnaa, wɔa sìi sii n ka bɛ nɛ.

Loen 55:20

Lawa die a ma lɛ ma, a sìi da ǹ ganaa, Lawa mɛn bɛ́ kii lɛa, haalɛ lɛlɛ lɛlɛ. Doa Minin kɛn lɛn ba re n bɔyɛɛ wa, a giala, ǹ ba nyɛ́ɛ biɛ Lawa-n wa.

Bɔ bɛ̀rɛbaa nɛ 12:15

Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li.

Bɔ bɛ̀rɛbaa nɛ 12:19

Lɛawaa sɔbaa lɛ gɔ́ɔ̃ nɛ, yɔ bù baran yɛ kaa kionən ne wa. Min mɛn bɛ́ re buuru yɔ bùdɛnaa soɛ̃, ta tii ni, hinlaa kɛnaa nɛ, bɛ á re n boe, a n bɔ Izirayeli nɛnyaan zaman lɛ li.

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Bɔ bɛ̀rɛbaa nɛ 30:38

Min mɛn bɛ́ re ǹ miã tɔrɔ zɛnaa lɛn zoɛ̃ a din wɔ lɛa, a na a gìĩ kɔ, ka tá re bɛa dɛnaa boe, ka bɔ ǹ dɔɔ̃nɔn bii.»

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 33:8

Ziin la ǹ kooromaa nɛ. Min kɔn ba kiɛ̃ ǹ la wa. Lɛ kɔ kɔn la sàabaa, ǹ nə́ siéren kaa, ǹ ba min kɔn guguru koe wa.

Zeremii 11:10

Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Zeremii 31:32

Ma lɛ kɔ kɔn la mɛn wɔ ǹ digolon ne bɛ̀ ma bɛ́ má ǹ kũ ǹ gɔn ganaa Ezipti gána nɛ má soo ǹ ne, á re goɛ̃ totoro ka bɛ nɛ. Ǹ nə́ bɛa lɛ kɔ kɔn la lɛ ziziɛ̃. A da yǎa ma din nə ǹ Dɛnaa lɛa. Ma din Dɛnaa Lawa a da ǹ boo ne.»

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Lawa a wúlu-bɔlen 18:29

Sɛnɛ, bɛ̀ min mɛn bɛa sii bɔbɔnɛɛ kɛ lɛ mɛn goon zɛnaa, ka ǹ dɛnaa loo, ka bɔ Izirayeli tɔrɔn bii.

Lawa a wúlu-bɔlen 19:8

Wúlu mɛn bɛ́ ǹ nə́ bɔ Dɛnaa Lawaa wɔ lɛa, bɛ̀ min mɛn bɛa siĩ baa siĩ kooro lɛa á sɔ̃, bɛa dɛnaa a sii baraa a dɔlɔ na a din mìi ni. Bɛa dɛnaa kɛ lɛ dɔ, ka loo, ka bɔ Izirayeli tɔrɔn bii.

Lawa a wúlu-bɔlen 23:29

Bɛ̀ min mɛn nə́ n piã sɛn, a ná a n lɛ sɔɔ bɛa lɛawaa kɛ lɛ miã li wa, ka bɛa dɛnaa bɔ ka bɔ kun ka a tɔrɔ minin ni.

Lawa a wúlu-bɔlen 7:25

Bɛ̀ min wúlu bɔ ka tɔɔ mɛn nɛ, á ná a siĩ kɔn tã Dɛnaa Lawa wɔ lɛa, bɛ̀ min mɛn bɛa nyɔɔ wɔ a lɛ-n sɛn, ka bɛa dɛnaa bɔ ka bɔ Izirayeli tɔrɔbaa nɛ.

Lawa a wúlu-bɔlen 7:27

Màn mà woo màn mà, bɛ̀ min mɛn wɔ a lɛ-n, ka bɛa dɛnaa bɔ ka bɔ Izirayeli tɔrɔbaa nɛ.

Minin nimi 9:13

Sɛnɛ, bɛ̀ min mɛn tá yoreene, hinlaa bɛ̀ min mɛn nə wo zii-n wa, yǎa ǹ dɛnaa nə n piã ka kiɛ̃mala ǹ zɔ́n lɛ a zɛnaa nɛ, ǹ bɛa dɛnaa lɛ bɔ ǹ bɔ ǹ dɔɔ̃nɔn bii. A giala, biikoo mɛn nə n bɔ á n koa, a da ka Dɛnaa Lawa gɔ ǹ màn nɛ, bɛa biikoo lɛ li wa. Ǹ dɛnaa tá re n toɛ̃ ka a sii baraa lɛ a mìi gɔ́ɔ̃ ǹ siin ni.

Korɛnti1 11:27

Bɛ lɛ nɛ, min mɛn bɛ́ re Dɛnaa a buuru kɛ soɛ̃, a màn mi paan kɛ nɛ, a gɔ́ɔ̃ ná a *yoreen wa, ǹ dɛnaa n kiri diɛ a din la Dɛnaa gɔ̀nɔn laanka a mà wɔ paǹ li.

Korɛnti1 11:29

A giala, bɛ̀ min mɛn màn kɛ bii, á màn kɛ mi, a ná a ba n taasɛ, mà asɛ n doa-n kɔn ka Dɛnaa din gɔ̀nɔn nɛ wa, bɛa dɛnaa n kiri koɛ a din ni, ká màn kɛ a bii ni, ká a mii ni.