Siin Giala 17:10 - LAWA A BOO SONBORE

¹⁰ Ma bɛ́ màn mɛn laɛ ǹ ganaa, n din laanka n tɔrɔ doamaa nɛ ka n doroo ne, bɛ n ka kɛ nɛ: Kaa giĩ din tumaa doamaa nɛ ǹ nə n kuru.

LAWA A BOO SONBORE 2011

¹⁰ Ma bɛ́ màn mɛn laɛ ǹ ganaa, n din laanka n tɔrɔ doamaa nɛ ka n doroo ne, bɛ n ka kɛ nɛ: Kaa giĩ din tumaa doamaa nɛ ǹ nə n kuru.

Siin Giala 17:10 ပူးပေါင်းရင်းမြစ်များ

Siin Giala 17:11

Ma lɛ kɔ kɔn la mɛn wɔ ka ka nɛ, kaa kurii lɛ n die goɛ̃ bɛa sii nyaa ǹ sii lɛa.

Siin Giala 17:23

Lawa boo lɛ pɛ nɛ ǹ mɛn pinaa, Abrahamu yoo a din pinaa, á ná a nɛgiĩ Isimayeli kũ á kuru. Bɛ̀rɛn mɛnɛn tumaa yɛ a kion, a ǹ mɛnɛn pii ka wɔrɔ nɛ, giĩ mɛn tumaa bɛ́ a kion, á ǹ tumaa kũ, á ǹ kuru.

Siin Giala 17:27

A din a kion lɛ din tumaa, bɛ̀rɛ mɛn tumaa yɛ a kion, a ǹ mɛnɛn pii ka wɔrɔ nɛ, ǹ nə́ tɔrɔ kɔsɔn lɛa, á bɛn tumaa kuru kun a din ni.

Siin Giala 21:4

A nɛgiĩ Izaaki lɛ a yɛ lɛawaa kiwisi, á kuru ka Lawa goã á pɛ, á laa a ganaa lɔn.

Siin Giala 34:15

Bɛ̀ ka á li wɔ lɛ kɔ, yǎa ka dɔn nə n biɛ ka wɔsɛn bɛ́ lɔn, ka kaa giĩn tumaa kuru.

Siin Giala 34:22

Sɛnɛ, yǎa wɔa giĩn tumaa nə n kuri, ka ǹ dɔn wɔn bɛ́ n kuri lɔn, minin lɛn nə tɔn lɛ kɔ, ǹ giã kun ka wɔsɛn nɛ, ǹ nə n baa goon ka wɔ nɛ.

Bɔ bɛ̀rɛbaa nɛ 12:48

- Gùli mɛn bɛ́ giã nɛ ka li, bɛ̀ bɛ́ pɛ, mà asɛ n die zɔ́n lɛ zɛnɛɛ, a na a kion a giĩ tumaa kuru bɔrɔ. Á re boe la kəni, a n mɔrɔ a zɔ́n lɛ zɛnaa, a n die goɛ̃ ka Izirayeli min bɛ́ lɔn. Sɛnɛ, kurii baãnaa kɔ́n baran zɔ́n lɛ zɛnaa wa.

Bɔ bɛ̀rɛbaa nɛ 4:25

Sipora yoo á kɔlɔ lɛ-bɔle saa, a ná a nɛgiĩ lɛ gɔrɔ lɛwɔn kuru ni, á lɔ a dɔ wɔ ganaa, á pɛ-n kɛnɛn: «A n ma zuũ lɛa ma gɔn,»

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zaã a sɛ́wɔ 7:22

Muizu na á nɛgininin kuru ǹ landa koa, mà ka ǹ kuru ǹ yɛ lɛawaa kiwisi. Ta a na á kɔnpɛ ka *susu ǹ pii pinaa nɛ, ka ǹ zɛnɛɛ. (A da yaa dinin Muizu bie á bɛa sii kɛ lɛ giala kɔ wa, ka dinin digolon manɛ.)

Nya ǹ dín 7:8

Lawa din tɔ́n lɛ kɔ kɔn la ka Abrahamu ni: Bɛa sii-nyaa na á goã ka kurii ni. Bɛ lɛ nɛ Izaaki bɛ́ á yɛ, lɛawaa kiwisi bɛ kio, n di Abrahamu kuru. Izaaki dɔ na á zɛnaa miɛ̃ a nɛgiĩ Zakɔba ganaa, Zakɔba dɔ́ zɛnaa a nɛgiĩ fulupaa kɛ ganaa, ǹ mɛnɛn bɛ́ digolon lɛa.

Rɔmu minin 2:28

Gɔ̀nɔn ganaa wɔ a Zuifubaa kɛ bie min biɛ Zuifu taãn lɛa wa, gɔ̀nɔn ki a kurii wolebaa kɛ a màn kɔ́n lɛa wa.

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 3:28

A giala wɔ n taasɛ wáa minbuiin nɛ n peperebaa yii Lawa yɔrɔ-a goleemali barka nɛ, dí-pɛn gòɛ̃ ná a ba a-n wa.

Rɔmu minin 3:30

Lawa n goon toto, a bɔkɔnlɛ we wa. Bɛ̀ Zuifu golee li, a n lɛ koe a ganaa, bɛ̀ tɔrɔ kɔsɔ dɔ golee li, a n lɛ koe a dɔ ganaa.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Efɛɛzi minin 2:11

Ka bie ká yɛ Zuifun lɛa wa. Zuifun man nə́ goã ka bíi soroman, ǹ nə́ n dinin bíi kurii wolen. Bɛa kurii lɛ n sii a kɔnboe lɛa, ǹ nə́ goã zɛnɛɛ ǹ dinin gɔ̀nɔn ganaa. Ka goã lɔn lɛlɛ, ka n yiri koa ka bɛ nɛ.

Timəə dí-pɛn 10:16

A bɛ́ miɛ̃ kəni, ka n dinin kɔ lenlen, ka nyan toa ka n too laa wa.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Zozoe 5:2

Bɛa waáraa lɛ nɛ, Dɛnaa Lawa pɛ Zozoe-n kɛnɛn: «Kɔlɔn sɛlɛ gɔyan lɛa, n wusoo n Izirayeli minin lɛn kuru doo.»

Zozoe 5:4

Bɛ̀ ń yaa Zozoe nə́ ǹ kuru, a mìi n ka kɛ nɛ: Zaman mɛn tumaa goã ǹ nə́ soo Ezipti gána nɛ giĩn lɛa, ǹ mɛnɛn tumaa bɛ́ boe zia-baa la, bɛn nə́ gã don, zii tɔ we lɛ gɔ́ɔ̃ nɛ, ǹ soo lɛ kio Ezipti gána nɛ.