Siin Giala 17:1 - LAWA A BOO SONBORE

¹ Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

LAWA A BOO SONBORE 2011

¹ Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 17:1 ပူးပေါင်းရင်းမြစ်များ

Siin Giala 12:1

Dɛnaa pɛ Abramu ni: «Soo n nə n bɔ n gána nɛ, n nə n kiwi laanka ǹ dikion toa walan. Ma bɛ́ re gána mɛn nyɛɛ n nɛ, n wo walan.

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 16:16

Agaara bɛ́ Isimayeli yii ni ǹ mɛn waáraa, bɛ̀ Abramu lɛ̀ pɔkiwisiwensɔrɔ nɛ.

Siin Giala 18:1

Dɛnaa nə́ n din nyaa Abrahamu ni Manbre dan kɛn li, bɛ̀ a n giã-n tán a zìã kiɛnlɛ-a, wasa lɛ a kakaarɛ kɔ biikoo li.

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Siin Giala 24:40

Á ma lɛ si á pɛ: «Ma bɛ́ Dɛnaa mɛn a zii tɔ we, a din lɛ n die a lon a dia dí-a wole diɛ n nyɛɛnɛ, a n tɔ-wɔ lɛ bǐɛ̃ kɔ. Ma din dɔɔ̃nɔn nɛ wɔ lɔ lɛa ma din dikion, n kɔ maa nɛgiĩ lɛ la.

Siin Giala 26:2

Dɛnaa nə́ n din nyaa-n walan, á pɛ nɛ: – N nyan wo Ezipti wa, sɛnɛ, ma din bɛ́ re gána mɛn nyɛɛ n nɛ, wo giã walan.

Siin Giala 28:3

Lawa Pàãyiidɛnaa die a barka wɔ a nɛ, a die a toa n nɛnyaanan yɛ ǹ mɔnaa, a die a n baa tɔrɔ gigiã a díi lɛa.

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 43:14

Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»

Siin Giala 46:3

Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Siin Giala 48:15

Á barka da Zozɛfu ganaa, á pɛ: Ma di gole Abrahamu laanka ma di Izaaki tɔ wɔ Lawa yɔrɔ-a, Lawa mɛn bɛ́ giɛ ma walan, yǎa á daa á dɔ pelo ganaa,

Siin Giala 48:3

Zakɔba tɔ́n pɛ Zozɛfu ni: – Lawa Pàãyiidɛnaa nə́ n din nyaa ma nɛ Luuzu kiwi, Kanaan gána nɛ, á barka da ma ganaa.

Siin Giala 5:22

Matuuselaa a yɛ kio, Enɔɔki kɔ Lawa a zii lɛ, lɛ̀ biɛsɔɔ (300) gɔ́ɔ̃ nɛ. Á nɛgiĩ kɔsɔn laanka nɛlɔn yɛ.

Siin Giala 5:24

A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

Siin Giala 6:9

Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Kiin1 2:4

Bɛ lɛ n die toɛ dɔn, Dɛnaa Lawa na a boo lɛ pã, boo mɛn lɛ á ke á pɛ ma nɛ kɛnɛn: «Bɛ̀ n nɛgiĩn lɛn nə́ n doa ǹ nə́ ǹ dinin kɔ masɛ la ka ǹ foo din tumaa nɛ, ǹ nə́ ǹ tɔ wɔ ǹ gɔn tele masɛ yɔrɔ-a, n din a min ba re nyaabiɛ duduu Izirayeli a kiibaa lɛ la wa.»

Kiin1 3:6

Salomɔn ná a lɛ si: «Ma di Davida lɛ, n dí-nyali lɛa, ń bǐɛ̃ gole zɛnaa nɛ. A giala, Davida tɔ wɔ kunun n ni ka bɔlɔgoondɛnaabaa nɛ, peperebaa laanka gɔ́ɔ̃ fùbaa nɛ n wɔ paǹ li. Ma nə ń bɛa bǐɛ̃ gole lɛ zɛnaa nɛ, ń nɛgiĩ kɔ la, nɛgiĩ mɛn lɛ á ke a kiibaa lɛ la pelo.

Kiin1 8:25

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn, mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a, mà a din a min ba re nyaabiɛ duduu Izirayeli a kiibaa lɛ la wa.

Kiin2 20:3

«Ee Dɛnaa Lawa, bǐɛ̃ kɔ n nə n yiri gisĩ ka ma nɛ. Má tɔ wɔ n yɔrɔ-a ka bɔlɔgoondɛnaabaa nɛ, ka gɔ́ɔ̃-fubaa nɛ. Ka bɛ dɔ nɛ, sii mɛn bɛ́ siĩni n yii li, má bɛ zɛnaa.» Yii mu gigiã soo Ezekiasi yɔrɔ nɛ.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 11:7

N tá boe la n Lawa a sii zuzulun kɛn gɔsɛ n nə ǹ dɔ̃? N tá boe la n Pàãyiidɛnaa a siin kɛn lɛ-piɛ̃ giala ma?

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Loen 116:9

ń giɛ ma dɔ á tɔ we n din yɔrɔ-a yiikoonaan kanaa kɛ nɛ.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Suusun 10:9

Min pepere n yiri n giã-n bǎã goon ne. Sɛnɛ min kɔkɔrɔ wɔ n ka dɔlɔ nɛ.

Izayii 38:3

Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Misee 6:8

E minbuiinin! Sii mɛn bɛ́ siĩni, a bɛ́ á bɛ pɛ ka nɛ. Dɛnaa Lawa bɛ́ giɛ li mà ka sii mɛn zɛnaa, a bɛ́ á bɛ pɛ ka nɛ: a n mà ka lɛ kɔ sii pepere zɛnaa ganaa, ka toa sii bǐɛ̃ zɛnaa kɔɔ̃n kɔ ka ganaa, ka Lawa a zii tɔ wɔ ka din-gisiĩ ni.

Minin nimi 11:23

Dɛnaa Lawa tɔ́n pɛ Muizu ni: «Masɛ pàã lɛ na á woo maa? Ma boo mɛn da, n tá re yii sisia, bɛ̀ bɛ á re n zɛnɛɛ n nɛ, hinlaa bɛ̀ a re n zɛnɛɛ n nɛ wa?»

Minin nimi 24:16

Min mɛn too bɛ́ Lawa a boo miɛ, min mɛn bɛ́ lon a Lawa gɔ́ɔ̃ miɛ, á n Pàãyiidɛnaa a sii-nyaa yii, á n niɛ̃ kiɛ tán a lɛ la, a yii n niɛ̃, bɛ n boo diɛ.

Matiə 19:26

Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Timəə dí-pɛn 18:13

Kasɛn nə n doa ka n naa kaa Lawa, Dɛnaa Lawa lɛ ganaa taãn-taãnɛ.

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.