Siin Giala 15:9 - LAWA A BOO SONBORE

⁹ Lawa pɛ nɛ: «Ga lɛ̀ sɔɔ dii luu li, ka lɛ̀ sɔɔ bòe dan nɛ, ka lɛ̀ sɔɔ sère gɔ̀lɔ̀ nɛ, n da ǹ kɔ ma la, ka wuruun ni ka zɛrɛkantoan ten ne.»

LAWA A BOO SONBORE 2011

⁹ Lawa pɛ nɛ: «Ga lɛ̀ sɔɔ dii luu li, ka lɛ̀ sɔɔ bòe dan nɛ, ka lɛ̀ sɔɔ sère gɔ̀lɔ̀ nɛ, n da ǹ kɔ ma la, ka wuruun ni ka zɛrɛkantoan ten ne.»

Siin Giala 15:9 ပူးပေါင်းရင်းမြစ်များ

Siin Giala 15:10

Abramu daa ka bɛa mànan lɛn tumaa nɛ. Á ǹ yu kɔn papaa, á ǹ tumaa a lɛkara yɔrɔ dia ǹ miã la. A bàanan lɛn sɛn yu kɔn wa.

Siin Giala 15:8

Abramu pɛ: «Dɛnaa Lawa, man die n biɛ lɔn ma dɔ̃, má á re maa wɔ biɛ?»

Siin Giala 22:13

Abrahamu nə́ n yii saa á ga, bɛ̀ sère gɔ̀lɔ̀ goon bɛ́ daã gòã li, gagasa kũ a bɛnɛn ganaa, a n golee ne. Abrahamu kiɛ̃ á woo bɛ lɛ bɔ, á wúlu bɔ nɛ a nɛgiĩ Izaaki bǎã nɛ, a ná a siĩ tã ka lenlen.

Loen 50:5

á pɛ: Ka maa min sonboren lɛn sɔkɔn, min mɛnɛn lɛn nə lɛ kɔ kɔn la wɔ ka masɛ nɛ, ka *wúlu màn nɛ.

Loe kɔɔ̃n kɔɔ̃n 2:12

Gána lɛ nɛ, dan man buũ lɛa tuutuu. Màn tumaa a loe lɔ biikoo ne. Wuruun lɛ á boe wɔa gána lɛ nɛ.

Izayii 15:5

Man gú diɛ Moabu minin lɛa. A zaman nə baa sii yǎa Sowara, yǎa Eglati-Selesia. Maǹ wuu pii bɛ̀ ǹ tá dii Luhiti kele kɛ la. Oronayimu zii la, maǹ foo ziziɛ̃ ǹ lɛ dɛ we!

Lawa a wúlu-bɔlen 1:10

Bɛ̀ tɔɔ boɛɛn nɛ a n die biɛ wúlu màn tiɛ̃ lɛa, ta sère ne hinlaa bòe ne, a doamaa nɛ a da ka a gɔ̀lɔ̀ nɛ, wɔ̀lɔ̀ ná a ba a ganaa wa.

Lawa a wúlu-bɔlen 1:14

Bɛ̀ min nə die bàan biɛ wúlu màn tiɛ̃ lɛa, n Dɛnaa Lawa gɔ nɛ, ǹ dɛnaa doamaa nɛ a da ka wuruun ni, hinlaa ka zɛrɛkantoan nɛ.

Lawa a wúlu-bɔlen 1:3

Bɛ̀ tɔɔ gole ne, a n die biɛ *wúlu màn tiɛ̃ lɛa, a doamaa nɛ a da ka dii gɔ̀lɔ̀ nɛ, wɔ̀lɔ ná a ba a ganaa wa. A doamaa nɛ a da nɛ kɔn yɛ ka Lawa nɛ ǹ kion lɛ a kiɛnlɛ-a, Dɛnaa Lawa tɔn lɛ kɔ, bɛa dɛnaa golee a yɔrɔ-a.

Lawa a wúlu-bɔlen 12:6

Bɛ̀ a gɔ̀ bɔma-a ǹ lɛawaan lɛn lɛ pã, tà nɛginin hinlaa nɛlɔ na á yɛ, a da lɛ̀ goon sère nɛ kɔ Lawa a wúlu-bɔle la, *wúlu màn tiɛ̃ lɛa, ka zɛrɛkantoan hinlaa wuruun ni, a bɛ baa sii baraa sawaa ǹ wúlu màn lɛa, kɔn yɛ ka Lawa nɛ ǹ kion kɛ a kiɛnlɛ-a.

Lawa a wúlu-bɔlen 12:8

Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

Lawa a wúlu-bɔlen 14:22

A wuruun paa hinlaa zɛ̀rɛkantoa màn paa kũ, ǹ mɛn a wɔrɔ bɛ́ boe la á yii a gɔn. A goon baa sii baraa sawaa ǹ wúlu màn lɛa, a goon baa wúlu màn tiɛ̃ lɛa.

Lawa a wúlu-bɔlen 14:30

Bɛ̀ ǹ dɛnaa lɛ dɔ bàanan lɛn mɛnɛn ganaa, wuruunun manɛ hinlaa zɛrɛkantoanan manɛ,

Lawa a wúlu-bɔlen 3:1

Bɛ̀ min tá die barka da Lawa nɛ ǹ wúlu boe, bɛ̀ tɔɔ golee ne, ta a sa nɛ, hinlaa ǹ dan nɛ, a da nɛ kɔn yɛ ka Dɛnaa Lawa nɛ ǹ kion kɛ yɔrɔ-a. Sɛnɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 3:6

Bɛ̀ min tá die tɔɔ boɛɛn koe Dɛnaa Lawa la, barka da ǹ wúlu màn lɛa, ta a gɔ̀lɔ̀ nɛ hinlaa ǹ dan nɛ, wɔ̀lɔ̀ doamaa bie a goã a ganaa wa.

Lawa a wúlu-bɔlen 9:2

Á pɛ Aarɔn nɛ: Ga diin nɛ banɛɛn laanka sère gɔ̀lɔ̀ goon li, wɔ̀lɔ̀ ná a ba ǹ kɔn ganaa wa. N die n diin nɛ banɛɛn lɛ baa sii baraa sawaa ǹ *wúlu màn lɛa, n sère gɔ̀lɔ̀ lɛ baa wúlu màn tiɛ̃ lɛa, Dɛnaa Lawa yɔrɔ-a.

Lawa a wúlu-bɔlen 9:4

Dii gɔ̀lɔ̀ goon laanka sère gɔ̀lɔ̀ goon dɔ kũ, n nə ǹ baa barka da Lawa nɛ ǹ wúlu màn lɛa, n nə ǹ dɛ kɔn yɛ ǹ kion kɛ yɔrɔ-a. Ka da ka wùsu-diɛ dɔ nɛ nyɔɔ n li, Lawa gɔ ǹ wɔ lɛa. A giala, pelo lɛ nɛ, Dɛnaa Lawa á die n din nyɛɛ ka nɛ.

Luku 2:24

Ka bɛ dɔ nɛ, Zozɛfu laanka Mariya doamaa nɛ ǹ nə ǹ *wúlu mànan bɔ, a kɔnpɛ ka Dɛnaa Lawa a dí-pɛn lɛn nɛ: «Wuruun màn paa, hinlaa zɛrɛkantoan bɔnboɛɛn màn paa.»