Siin Giala 15:17 - LAWA A BOO SONBORE

¹⁷ Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni.

LAWA A BOO SONBORE 2011

¹⁷ Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni.

Siin Giala 15:17 ပူးပေါင်းရင်းမြစ်များ

Siin Giala 15:10

Abramu daa ka bɛa mànan lɛn tumaa nɛ. Á ǹ yu kɔn papaa, á ǹ tumaa a lɛkara yɔrɔ dia ǹ miã la. A bàanan lɛn sɛn yu kɔn wa.

Samayeli2 22:9

A nyin gɔ́ɔ̃ yii n tɛmaa boe, tɛ babaraa n soe a lɛ-n, kun ka tɛ nàn nɛ boe a paǹ yii-a.

Kiin1 18:38

Bɛ kio, Dɛnaa Lawa tɔ́n tɛ dia, á daa wúlu màn lɛ kũ kɔnlɛ ka gɔn lɛ nɛ, kɔlɔn lɛn nɛ ka tán bǎã kooro ne. Mu mɛn dɔ goã nyankɔrɔ lɛ nɛ, tɛ lɛ bɛ dɔ piɛ̃.

KZS1 21:26

Davida Dɛnaa Lawa a *wúlu bɔ ǹ bǎã lɛ dɔ á wúlu màn tiɛ̃ laanka zɔ́ɔ da Lawa nɛ ǹ wúlu mànan kɔ. Á Dɛnaa Lawa nyankɔ, Dɛnaa Lawa ná a lɛ si ka tɛ nɛ á bɔ lon á gisĩ wúlu bɔ ǹ bǎã lɛ la.

Bɔ bɛ̀rɛbaa nɛ 19:18

Sinayii kele lɛ goã tɛmaa lɛa, a giala, Dɛnaa gisĩ la tɛ bii. A tɛmaa lɛ yoo ka n pɛ mà kùsì gole tɛmaa nɛ, kele lɛ tumaa bìn da taãn-taãnɛ.

Bɔ bɛ̀rɛbaa nɛ 20:18

Izirayeli nɛnyaanan zaman lɛ tumaa na á goã la a ginii kɛ laanka bɛn wuu miɛ̃. Ǹ nə́ la a tɛ-pɛ lɛ dɔ yɛ, ka kele lɛ-n tɛmaa lɛa. Nyɛ́ɛ zaman lɛ kũ, ǹ nə́ golee tiãlɛa.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Zeremii 11:4

Lɛlɛ, ma ka digolon waa Ezipti gána nɛ, tɛ gole ke, má soo ǹ ne. Bɛa waáraa lɛ nɛ, ma lɛ kɔ kɔn la wɔ kɔn ka ka nɛ, má pɛ: Ka n too kɔ maa boon li, ka kɔ ǹ lɛ ka ma bɛ́ pii ka-n lɔn pelo. Ka bɛ nɛ, ka á re maa zaman biɛ, ma dɔ á re kaa Lawa biɛ.

Timəə dí-pɛn 4:20

Sɛnɛ, kasɛn, Dɛnaa Lawa na á ka waa á ka bɔ Ezipti gána nɛ, nɔmaa kaka bii, màn mɛn bɛ́ toɛ, ka asɛ din wɔn baa, ka ka á ke a lɛa lɔn pelo.

Sii yɔrɔ-bɔlen 13:20

Ǹ nə́ tɛ buə̃ yɛ, yui *wúlu bɔ ǹ bǎã lɛ nɛ, á n woe lon. Dɛnaa Lawa a lon a dia dí-a wole dɔ́ dii á woo lon, wúlu bɔ ǹ bǎã lɛ a tɛbuə̃ lɛ bii. Manoa laanka a lɔ bɛ́ ǹ nə́ bɛ yɛ, ǹ nə́ bɔ ǹ nə́ kaa ǹ yɔrɔ la tán.

Sii yɔrɔ-bɔlen 6:21

Bàlà mɛn bɛ́ Dɛnaa Lawa a lon a dia dí-a wole lɛ gɔn, á bɛ lɛkoro zɔɔ̃ siĩ lɛ laanka buuru lɛ ganaa. Tɛ soo gɛ̀fu lɛ nɛ, á siĩ lɛ laanka buuru lɛ kũ. Bɛ kio, Dɛnaa Lawa a lon a dia dí-a wole lɛ papaã á n bɔ a yɔrɔ-a.