Siin Giala 15:1 - LAWA A BOO SONBORE

¹ Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

LAWA A BOO SONBORE 2011

¹ Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 15:1 ပူးပေါင်းရင်းမြစ်များ

Siin Giala 15:2

Abramu ná a lɛ si á pɛ: «Dɛnaa Lawa, n màn kɔ masɛ la là n ka wàa nɛ? Masɛ á ke woe giɛ̃ miɛ̃, nɛ ná a ba ma lon wa. N bɛ́ n nɛ kɔ ma la wa, Damaasin Eliezɛrɛ mɛn bɛ́ bɛ̀rɛ lɛa maa kion, bɛ lɛ n die maa kíɛ̃ siɛ.»

Siin Giala 15:4

Dɛnaa tɔ́n pɛ-n kɛnɛn: «Bɛ bie re n kíɛ̃ siɛ wa dɛ. N din gɔ́ɔ̃gɔ́ɔ̃ ǹ nɛ n die n kíɛ̃ siɛ.»

Siin Giala 21:17

Lawa nɛginin lɛ lɛ ma, a dia dí-a wole tɔ́n nə n toa lon, á lɛ dia Agaara la, á pɛ nɛ: «Agaara, wàa nə n ganaa? N baran nyɛ́ɛ baa wa, a giala, Lawa nɛ lɛ lɛ ma bǎã lɛ-n walan.

Siin Giala 22:1

Bɛa siin lɛn kio, Izaaki bɛ́ á gole kɔ, Lawa nə́ n da Abrahamu gɔ́ɔ̃ li. Á lɛ dia la, Abrahamu ná a lɛ si: «Ma á ke!»

Siin Giala 22:20

Bɛa siin lɛn kiɛ̃ kio, ǹ nə́ daa pɛ Abrahamu ni, mà Milkaa dɔ́ nɛgininin yɛ ǹ dɔɔ̃ngiĩ Nahɔɔrɔ nɛ.

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 31:7

Kaa díi ma bebele, á maa saraa bɔyaa gunyin fù. Sɛnɛ, Lawa na a lɛ kɔ mà a mɛnaa ma la wa.

Samayeli2 22:3

Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

Kiin2 1:15

Dɛnaa Lawa a lon a dia dí-a wole tɔ́n boo da ka Yilii ni á pɛ: «Da gisĩ, n dɔ a ganaa n woo, n baran nyɛ́ɛ baa-n wa.» Bɛa biikoo li, Yilii tɔ́n yoo, á gisĩ á dɔ a ganaa á woo kii lɛ li.

Loen 115:10

Lawa a wúlu-bɔlen lɛn, ka n foo doa Dɛnaa Lawa ganaa. A din nə n doe ka lɛ, á n ka tamaɛ.

Loen 119:114

N din nə masɛ a duru ǹ bǎã lɛa, n din nə ma tamaali lɛa. Ma foo n doa nɛ n da ǹ boo kɛ lɛ ganaa.

Loen 142:5

Ga ma gusin, n tá re yii: min kɔn din ba ma la wa. Baa si a duru ǹ bǎã kɔn ba ma la wa. Min kɔn din banban, bɛ nə́ n gɔ́ɔ̃ bii ka maa sii-n wa.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 3:3

Min mɛnɛn bɛ́ pii maa wɔ gɔn la: «Lawa a re a kirisibiɛ wa,» bɛn tá mɔnaa-n parɛ. *Doa

Loen 3:4

Sɛnɛ, nsɛ Dɛnaa Lawa, n din lɛ n maa goóro lɛa ma tamaɛ, n din lɛ n zín we ma nɛ, n din lɛ n toɛ ma á n mìi siɛ lon.

Loen 5:12

Sɛnɛ, min mɛn tumaa bɛ́ kiɛ n yele, bɛn foo á re kɔɔ̃n koe. Ǹ tá re n nyɛnyɛɛ biikoo tumaa li. N din tá re ǹ tamaɛ. N tɔ kɛ bɛ́ kɔɔ̃n min mɛnɛn ganaa, n tá re nyɛnyɛɛ koe bɛn la.

Loen 58:11

Min pepere á re n nyɛnyɛɛ, gɛ̀ dòo boe kɛ a yɛ gɔ́ɔ̃ nɛ. Á re kiɛ̃ lon, bɛ̀ a zɔ́ɔn nə́ mɛnaa tán.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 84:9

Dɛnaa Lawa, Lawa Pàãyiidɛnaa, n too kɔ maa nyankɔ li. Zakɔba a Lawa, n too da ma lon. Doa

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 30:5

Dɛnaa Lawa a boo tumaa na á kɔnbɔ ka foo doa ma-a nɛ, min mɛnɛn bɛ́ ǹ nə́ baa ǹ foo doa ǹ bǎã lɛa, a n goóro lɛa ǹ tamɛɛ.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 40:10

Á ke, kaa Dɛnaa Lawa n die ka pàã gole ne. Pàã tá a lon, a giã minin mìi la. Á ke, a màn mɛn yɛ, a n die ka bɛ nɛ. A n die ka a dí a saraa nɛ.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:14

Nyɛ́ɛ nyan ka kũ wa Zakɔba a zaman, kasɛn kɛn ǹ nə́ ka biɛ ka nyuun bɛ́ lɔn, kasɛn Izirayeli a zaman; ma dinmaa n die kaa gú ganaa, Dɛnaa Lawa a da ǹ boo ne, kaa si sii la wole Izirayeli a Lawa sonbore ne.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Zeremii 39:17

Sɛnɛ, bɛa biikoo lɛ li, ma á re n kanbiɛ, ma din Dɛnaa Lawa a da ǹ boo ne. N bɛ́ nyɛ́ɛ biɛ min mɛnɛn manɛ, ma a re n we ǹ gɔn wa.

Busii pɛ 3:24

Bɛ lɛ nɛ ma á pii: «Dɛnaa Lawa n maa naforo lɛa» bɛ lɛn toɛ ma foo á doa nɛ a ganaa.

Ezekieli 1:1

Masɛ Ezekieli lɛ̀ pɔsɔɔbaa ǹ wɔ li, a mui a siibaa ǹ wɔ a lɛawaa soorobaa ǹ wɔ pinaa, man má goã kun ka goa wolen kɛn nɛ Kebaara tà lɛ-a. Ma bɛ́ walan, lon nə́ n lɛ bũ, má siin yɛ Lawa a din nyaa siin lɛa.

Ezekieli 11:24

Lawa yiri daa ma saa á woo ma nɛ goa wolen lɛn li *Baabilonii gána nɛ. Lawa yiri na a bɛ nyaa ma nɛ sii-nyaa gɔ́ɔ̃ nɛ. Ma yii goã màn mɛn ganaa, bɛ daa á papaã á n bɔ ma lalan.

Ezekieli 3:4

Á wusoo á pɛ ma nɛ: Nsɛ minbuiin a nɛ, wo Izirayeli tɔrɔn lɛn li, n masɛ lɛ gɔ́ɔ̃ ǹ boon pɛ ǹ nɛ.

Minin nimi 12:6

Dɛnaa Lawa nə́ n toa ǹ ganaa: – Ka n too kɔ masɛ a boo ganaa kəni: «Bɛ̀ Lawa a boo gii-dali mɛn tá ka bii, sii-nyaa gòã wuu li ni, masɛ Dɛnaa Lawa n toɛ, bɛ n masɛ doɛ̃. Narɛɛ dɔ gɔ́ɔ̃ nɛ, masɛ n boo diɛ nɛ.

Minin nimi 18:20

Dɛnaa Lawa wusoo á pɛ Aarɔn nɛ: «Masɛ bɛ́ re gána mɛn koe Izirayeli minin la ǹ gii kɔn, màn kɔn ba re n wɔ biɛ bɛ gɔ́ɔ̃-n wa. Màn kɔn ba re doe n ganaa n kuru lɛa, Izirayeli minin lɛn bii wa. Masɛ din lɛ nə n kuru lɛa, n màn lɛa, Izirayeli minin lɛn bii.»

Minin nimi 24:4

Min mɛn too bɛ́ Lawa a boo miɛ, á n Pàãyiidɛnaa a sii-nyaa yii, á niɛ̃ kiɛ tán a lɛ la, a yii n niɛ̃, bɛ n boo diɛ.

Matiə 28:5

Lon a dia dí-a wole lɛ tɔ́n pɛ lɔn lɛn manɛ: – Ka baran nyɛ́ɛ baa wa. Masɛ á doɛ̃ máa minin nə Yezu mɛn dere gɔn ganaa, ka ǹ giɛ bɛ lɛ li.

Matiə 8:26

Yezu tɔ́n pɛ ǹ nɛ: «Wàa na á baa ka tá nyɛ́ɛ biɛ miɛ̃, kaa golee Lawa li a kiɛɛrɛ dɛ!» Bɛa bǎã-n gɔrɔ, Yezu yoo, á paraa piɛ̃ lɛ laanka tà mu lɛ li. Wɔlɔ nyɛɛ ka kiĩn.

Luku 1:13

Sɛnɛ, lon a dia dí-a wole lɛ pɛ nɛ: «N baran nyɛ́ɛ baa wa, a giala, Lawa nə́ n nyankɔ lɛ ma. N lɔ Elizabɛti á die nɛgiĩ yii, n tá re a tɔ koe Zaã.

Luku 1:30

Lon a dia dí-a wole lɛ tɔ́n pɛ nɛ: «Mariya, n baran nyɛ́ɛ baa wa, Lawa na á bǐɛ̃ gole baa n nɛ.

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Korɛnti1 3:22

Pooli ni, Apolɔɔsi ni, ka Piɛrɛ nɛ; kanaa din tumaa nɛ, yiikoonaabaa nɛ ka gɛ̀ nɛ, pelo ǹ ne ka bǐɛ̃ ǹ nɛ, ǹ dinin tumaa n kaa wɔ lɛa.

Timəə dí-pɛn 18:2

Bǎã ba Levii tɔrɔn lɛn gɔn ǹ dɔɔ̃n Izirayeli minin lɛn bii wa. A giala, Dɛnaa Lawa a dí kɛ lɛ nə ǹ wɔ gii lɛa, ka a din goã á pɛ ǹ nɛ lɔn.

Timəə dí-pɛn 31:6

Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Uruti 2:12

N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»

Samayeli1 15:10

Dɛnaa Lawa pɛ Sayulu nɛ:

Samayeli1 9:9

Lɛlɛ, Izirayeli gána nɛ, bɛ̀ ǹ tá re woe nɔ̀n diɛ Lawa la ka sii ni, maǹ nɛn bɛ̀ ǹ pɛ, mà ǹ daa ǹsɛn nə n ta sii-nyaali li. A giala, ǹ bɛ́ min mɛn bii pelo, Lawa a boo gii-dali, maǹ nə́ goã bɛ bii sii-nyaali.