Siin Giala 14:20 - LAWA A BOO SONBORE

²⁰ Asɛ mɛn bɛ́ á n zɔ́ɔn wɔ n gɔn, a tɔ die a bɔ.» Abramu mànan lɛn tumaa a fùbaa ǹ wɔ bɔ, á kɔ la.

LAWA A BOO SONBORE 2011

²⁰ Asɛ mɛn bɛ́ á n zɔ́ɔn wɔ n gɔn, a tɔ die a bɔ.» Abramu mànan lɛn tumaa a fùbaa ǹ wɔ bɔ, á kɔ la.

Siin Giala 14:20 ပူးပေါင်းရင်းမြစ်များ

Siin Giala 28:22

Ma kɔlɔ doa bǎã mɛn nɛ, bɛa bǎã lɛ á re Lawa a kion biɛ. Lawa bɛ́ re màn woo màn koe masɛ la, ma á re a fùbaa ǹ wɔ boe a wɔ lɛa.»

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Luku 18:12

Masɛ nə n lɛ soɛ lɛawaa paa piizii goon gɔ́ɔ̃ nɛ. Ma á màn woo màn yii, ma na a talɛɛ fùbaa ǹ wɔ koe Lawa la.»

Siin Giala 24:27

«Maa barka tá Dɛnaa ganaa, maa dɛnaagiĩ Abrahamu a Lawa ganaa, bɛ mɛn bɛ́ á sonborebaa taãn nyaa maa dɛnaagiĩ ni, a ná a lɛkɔmala ǹ siin tumaa lɛ pã a wɔ paǹ li. N din ni n mɛ masɛ nyɛɛnɛ, n daa ma koa maa dɛnaagiĩ ǹ dɔɔ̃nɔn kion.»

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Rɔmu minin 15:16

A giala, Lawa na á ma bíi, mà ma Yezu Krita lɛ boo da tɔrɔ kɔsɔn bii. Mà ma Lawa a Boo Tii Kɔɔ̃n kɛ pɛ ǹ nɛ, màn mɛn bɛ́ toɛ, ma boo la ma ǹ kɔ Lawa la, ǹ nə́ kɔɔ̃n a ganaa. Man bɛa dí lɛ nyɛɛ ka wúlu-bɔle bɛ́ *wúlu màn koe Lawa la lɔn. Yiri Fu lɛ n toɛ, Lawa boo la a lɛ kɔ ǹ ganaa.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Amɔɔsi 4:4

Amɔɔsi pɛ: Ka da Betɛli ka piã ǹ siin lɛn zɛnaa, ka da Gilgaali ka màn da kaa piã ǹ siin lɛn li. Bɛ̀ lɛ̀ waa lɔn, ka kaa wúlun lɛn bɔbɔ, a lɛawaa sɔɔbaa ǹ wɔ, ka Lawa wɔ gii bɔ.

Loen 144:1

Davida a loe. Maa barka á Dɛnaa Lawa ganaa. A din nə ma tamaɛ, a din nə ma darɛɛ ziabaa ganaa, a din nə pàã koe ma la zia la.

Loen 68:19

Á dii lon, á minin kũ kòso nɛn lɛa. Minin nə́ gɔ ka màn gigiã nɛ, haalɛ a lɛ-tiilin dinin, màn mɛn bɛ́ toɛ, ǹ giã kun ka Dɛnaa Lawa nɛ.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Nehemii 13:12

Zudaa minin tumaa tɔ́n daa ka belee a fùbaa ǹ wɔ nɛ, ka duvɛ̃ dii wɔ nɛ, ka nyɔɔ wɔ nɛ, ń giɛ ǹ tá ǹ kiɛ màn koa ǹ bǎãn nɛ.

Nehemii 10:37

Lawa a wúlu-bɔlen mɛnɛn bɛ́ dí nyɛɛ wɔa Lawa a kion kɛ nɛ, wɔ́ lɛ kɔ wáa wɔ á die woe ka wɔa nɛgiĩ bibinaan laanka wɔa tɔɔn nɛ bibinaan nɛ bɛn li, wɔa Lawa a kion kɛ nɛ, ka a bɛ́ kiɛ̃-n dí-pɛn sɛ́wɔ kɛ-n lɔn. Wɔa tɔɔ dadaran nɛ bibinaan laanka wɔa tɔɔ bisinin wɔn nɛ.

KZS2 31:12

ǹ nə́ daa ka mangɔ mànan kɛn nɛ ka bɔlɔgoondɛnaabaa nɛ, mànan fùbaa ǹ wɔn nɛ kɔnlɛ ka màn kɔsɔn kɛn nɛ Dɛnaa Lawa wɔ lɛa. Levii tɔrɔ Konania n bɛa mànan lɛn tumaa mìi la, ǹ dɔɔ̃n Simeyii nə n ti a ganaa.

Zozoe 10:42

Zozoe na á bɛa kiin lɛn tumaa laanka ǹ gánan kũ zia goon toto gòã wuu li. A giala, Dɛnaa Lawa, Izirayeli minin Lawa lɛ na á goã zia diɛ Izirayeli minin lɛn lɛa.

Timəə dí-pɛn 14:28

Lɛ̀ sɔɔ woo lɛ̀ sɔɔ, ka lɛ̀ sɔɔbaa ǹ wɔ lɛ a mànan fùbaa ǹ wɔ si ka sɔkɔn kaa kiwin ni.

Timəə dí-pɛn 14:23

Kaa Lawa, Dɛnaa Lawa din bǎã mɛn bɔ á n tɔ da la, ka kaa mànan fùbaa ǹ wɔ lɛ bii a yɔrɔ-a walan: *belee ne, duvɛ̃ nɛ, nyɔɔ nɛ, ka kaa tɔɔ dadaran laanka a bisinin kɛn nɛ bibinaan nɛ. Bɛ lɛ n die toɛ ka nyɛ́ɛ baa kaa Lawa, Dɛnaa Lawa yii ni lɛawaa tumaa li.

Timəə dí-pɛn 12:17

Mànan fùbaa ǹ wɔ mɛn doamaa bɛ́ nɛ a n kɔ Lawa la, ka doamaa bie ka bɛ bii ka dinin piɛ wa: *Belee ne, duvɛ̃ nɛ, nyɔɔ nɛ, tɔɔ dadaran laanka a bisinin nɛ bibinaan nɛ, ka bɛ́ re n lɛ koe Lawa la ka mànan mɛnɛn nɛ, foo kɔɔ̃nbaa ǹ wúlu mànan laanka Lawa gɔ ǹ wɔn nɛ.

Minin nimi 28:26

*«Kaa-piɛ zɔ́n pinaa, bɛ̀ ka tá die kaa wuru màn lɛ bibinaa koe Dɛnaa Lawa la, ka die ka n sɔkɔn ka Dɛnaa Lawa lɛ guguru kɔ, ka ka a n gɔn diɛ dí kaka kɔn-a wa.

Siin Giala 9:26

Bɛ kio á pɛ: «Gugurubaa nə n kɔ Dɛnaa, Sɛmu a Lawa la. Kanaan die a n baa Sɛmu a bɛ̀rɛ lɛa!

Siin Giala 14:21

Sodɔmun kii lɛ tɔ́n pɛ Abramu ni: «Minin lɛn sɛn kɔ, n mànan kɛn toa n gɔn.»

Bɔ bɛ̀rɛbaa nɛ 18:10

Á pɛ: «Barka tá Dɛnaa ganaa! Asɛ mɛn bɛ́ á ka bɔ Ezipti minin laanka Faarahɔn gɔn.

Siin Giala 47:24

Sɛnɛ, ka bɛ́ re màn mɛn yii belee kurii waáraa, ka á re talɛ sooro. Ka á re a talɛɛ goon koe Faarahɔn la, ka dɔn nə nɔmɔ a talɛɛ sii kɛ ganaa. Ka á re bɛ lɛ kɔ́n boe a tɔrɔ lɛa, ka da kaa wurun ni, ka ka dinin too ka a gialakun ni, kun ka kaa nɛnyaanan nɛ, ka kaa kion min tumaa nɛ.»

Siin Giala 47:26

Zozɛfu landa bɔ, ǹ nə́ tɔn màn mɛn zɛnɛɛ haalɛ ka pelo yii ni, ǹ bɔ don a tala kɔn sooro ke, bɛa goon nə Faarahɔn wɔ lɛa. Wúlu-bɔlen dininsɔɔ̃nɔn tán na a goã Faarahɔn wɔ lɛa wa.

Samayeli2 18:28

Ayimasi bɛ́ á dɔ, á n lɛ dɛ á pɛ kii ni: «Fòo ka là nyantoro ne!» Bɛ kio, á kaa tán kii giulun guguru kɔ ǹ sii lɛa á pɛ nɛ: «Ma á barka diɛ n Lawa, Dɛnaa Lawa kɛ nɛ. A giala, min mɛnɛn bɛ́ ǹ nə́ yoo maa dɛnaagiĩ kii gialaa, Lawa nə́ ǹ kɔ wɔsɛn la.»