Siin Giala 14:10 - LAWA A BOO SONBORE

¹⁰ Sidimu bǎã lɛ tumaa na á goã nyankɔrɔ lɛa, tii gondɛnaa ná a nɛ. Sodɔmun kii lɛ laanka Gomɔɔrɔn wɔ lɛ bɛ́ baa sii, ǹ nə́ bɔ ǹ nə́ kaa nyankɔrɔ nɛ, ǹ gialakunun nə́ baa si, ǹ nə́ woo n duru kelen la.

LAWA A BOO SONBORE 2011

¹⁰ Sidimu bǎã lɛ tumaa na á goã nyankɔrɔ lɛa, tii gondɛnaa ná a nɛ. Sodɔmun kii lɛ laanka Gomɔɔrɔn wɔ lɛ bɛ́ baa sii, ǹ nə́ bɔ ǹ nə́ kaa nyankɔrɔ nɛ, ǹ gialakunun nə́ baa si, ǹ nə́ woo n duru kelen la.

Siin Giala 14:10 ပူးပေါင်းရင်းမြစ်များ

Siin Giala 11:3

Ǹ nə́ pɛ kɔn nɛ kɛnɛn: «Haya, ka yoo wɔ toopaa bɔ, wɔ tã sɔnbɔraanɛ.» Toopaa lɛ na á ǹ kion dɔ ǹ kɔlɔ baa, tii gondɛnaa dɔ ná a dɔ ǹ tii baa.

Siin Giala 14:11

Gɔ̀lɔ̀n lɛn nə́ Sodɔmu laanka Gomɔɔrɔ minin gɔn màn tumaa si ǹ la, ǹ nə́ woo ne kɔnlɛ ka ǹ màn mɛn tumaa koa ǹ bii ǹ wɔ lɛa.

Siin Giala 14:17

Abramu bɛ́ á gɔ̀lɔ̀ baa Kedɔrlomɛɛrɛ laanka a tá kun wole kiin lɛn ganaa, a bɛ́ n bɔyɛɛ die ǹ mɛn waáraa, Sodɔmun kii lɛ woo n da lɛ, Sawe kiwi a nyankɔrɔ basa kɛ nɛ ǹ nə́ bíi "Kii a Yankɔrɔ Basa".

Siin Giala 14:21

Sodɔmun kii lɛ tɔ́n pɛ Abramu ni: «Minin lɛn sɛn kɔ, n mànan kɛn toa n gɔn.»

Siin Giala 14:3

Ma kiin mɛnɛn pɛ sisia, bɛn tumaa doamaa nɛ ǹ wo kɔn yǎa nyankɔrɔ basa kɛ nɛ Sidimu. Yìsi mu kɔ̀ kɛ lɛ a baa sii wa, bɛ lɛ n walan sisia.

Siin Giala 14:9

Ǹ nə́ yoo ka zia nɛ Elamun kii Kedɔrlomɛɛrɛ laanka Guimun kii Tidiali ganaa, ka Baabiloniin kii Amurafeli laanka Elaazaaran kii Ariɔki ni. Kii màn sii n kɔn ka kii sooro ne.

Siin Giala 19:17

Ǹ bɛ́ Lɔti baɛ̃ soe-n kiwi lɛ nɛ ǹ mɛn waáraa, ǹ nə́ pɛ nɛ kɛnɛn: «Baa si n la koe! N baran ga n kio wa, n baran golee bǎã lɛ a paǹ kɔ́n nɛ wa. Baa si n wo kele la, màn mɛn bɛ́ toɛ, n baran bɔ̀n baa wa.»

Siin Giala 19:30

Sowara a giã na á goã nyɛ́ɛ lɛa Lɔti ganaa. Á soo kiwi lɛ-n kun ka a nɛlɔ min paa lɛ nɛ, á woo kele la. Ǹ nə́ giã kele yala goon ne walan kun.

Loen 83:10

Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.

Izayii 24:18

Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Zeremii 48:44

Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Zozoe 8:24

Izirayeli minin nə́ Ayii minin lɛn tumaa dɛ don. Ayii minin lɛn nə Izirayeli minin kio loo, ǹ nə́ woo ǹ koa bǎã mɛn nɛ ke lɛn, Izirayeli minin lɛn nə́ ǹ tumaa dɛ walan yǎa ǹ nə́ nya. Bɛ kio, Izirayeli minin lɛn tumaa nə́ n bɔyaa ǹ nə́ daa Ayii kiwi, ǹ nə́ kiwi minin gialakunun kɛn dɔn dɛ.