Siin Giala 13:16 - LAWA A BOO SONBORE

¹⁶ Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

LAWA A BOO SONBORE 2011

¹⁶ Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 13:16 ပူးပေါင်းရင်းမြစ်များ

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 16:10

Masɛ á re n tɔrɔ mɔnɛɛ parsiini, min ná a re boe la a nimi wa.

Siin Giala 17:16

Ma á re barka we a nɛ, ma á re toɛ n nɛgiĩ yɛ la dinin. Ma á re barka we a nɛ, a tɔrɔn tá re gána tumun biɛ. Tɔrɔ gigiã a kiin tá re boe a tɔrɔn bii.»

Siin Giala 17:2

Man die lɛ kɔ kɔn la we ka nə n nɛ, ma á re n tɔrɔ mɔnɛɛ a la yii ni.»

Siin Giala 17:20

N ma nyankɔ ka sii mɛn nɛ Isimayeli dɔ wɔ paǹ li, má ma. Á ke, man die barka we a nɛ, ma á re toɛ a nɛnyaanan yɛ, ma á re a tɔrɔn mɔnɛɛ parsiini. Á re nɛ fulupaa yii. Bɛn tá re goledɛnan biɛ, a tɔrɔn tá re gána gole biɛ.

Siin Giala 17:6

Ma á re n tɔrɔ mɔnɛɛ parsiini, ma toa n tɔrɔn nə gánan baa; kiin dinin tá re boe ǹ bii.

Siin Giala 18:18

Abrahamu tɔrɔn tá re mɔnɛɛ, ǹ gána gole baa, pàã nə́ ǹ lon, bɛa sàabiɛ wa. Kanaa a tɔrɔn tumaa wɔ á re bǐɛ̃ koe a wɔ gɔ́ɔ̃ nɛ.

Siin Giala 21:13

Sɛnɛ, ma á re bɛ̀rɛlɔ lɛ a nɛgiĩ lɛ dɔ tɔrɔn mɔnɛɛ ǹ gána baa, a giala, n din a nɛ n ka a dɔ nɛ.»

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

Siin Giala 28:3

Lawa Pàãyiidɛnaa die a barka wɔ a nɛ, a die a toa n nɛnyaanan yɛ ǹ mɔnaa, a die a n baa tɔrɔ gigiã a díi lɛa.

Siin Giala 32:12

Bǐɛ̃ kɔ, n masɛ kanbaa ma gologiĩ Ezawu ganaa, a giala, ma á nyɛ́ɛ biɛ nɛ. Nyɛ́ɛ tá ma ganaa, a tɔn da wɔ dɛ, ma laanka maa lɔn nɛ, ka maa nɛnyaanan nɛ.

Siin Giala 32:13

N din ni ń pɛ ma nɛ mà ń tá re n doe ma lɛ, maa wɔ bǐɛ̃ kɔ. Mà n tá re ma tɔrɔn mɔnɛɛ ka yìsi mu lɛ-a ǹ nyɔɔsɔ̃ bɛ́ lɔn, min ná a boe la á nimii wa, a giala, mà ǹ tá mɔnaa-n parsiini.»

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 46:3

Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Kiin1 3:8

N din a zaman mɛn bɛ́ ń ná a yii gɔgɔɔ̃, n dí-nyali lɛ n bɛn bii. Ǹ tá mɔnaa-n taãn-taãnɛ yǎa min ba boe la a n nimi a n lɛ yɛ wa, ǹ mɔnaabaa lɛ gɔn.

Kiin1 4:20

Zudaa gána minin laanka Izirayeli minin lɛn nə́ goã mɔnaa nɛ parsiini ka kɔ̀ mu lɛ-a ǹ nyɔɔsɔ̃ nɛ. Ǹ nə́ goã màn bii, màn mii ǹ foo yii n kɔɔ̃nɛ.

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

KZS1 21:5

Zoabu daa zaman nimii lɛ a minbuiin lɛ pɛ Davida nɛ. Izirayeli tumaa na á goã giĩ pùru goon ka duu paabiɛ (1 100 000) ǹ tumaa n boe la ǹ gɔya wɛ̃ ǹ wo zia baa. Zudaa dɔ n giĩ duu biɛsiipɔsɔbaa (470 000) ǹ mɛnɛn bɛ́ boe la ǹ gɔya wɛ̃ ǹ wo zia baa.

KZS2 1:9

Kanna kəni Dɛnaa Lawa, n lɛ kɔ maa díi Davida la ka sii mɛn nɛ, bɛ zɛnaa. A giala n din nə n ma koa kii lɛa zaman kɛ mìi la gigiã ka tán a nyɔɔsɔ̃ bɛ́ lɔn.

Zɔbu 5:25

N tá re n tɔrɔn yii mɔnɛɛ, n nɛnyaanan tá re mɔnɛɛ, ka buu bɛ́ lɔn boe tán.

Bɔ bɛ̀rɛbaa nɛ 1:7

Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Zeremii 33:22

Min bɛ́ a boe la a lon a leeren nimi lɔn wa, min bɛ́ a boe la a yìsi mu gole lɛ-a ǹ nyɔɔsɔ̃ dɔ nimi lɔn wa ǹ mɔnaabaa taman yii, ma dɔ n die Davida a sumu lɛ minin mɔnɛɛ miɛ̃ ka Levii a sumu lɛ minin ni dí nyɛɛ ma nɛ.»

Minin nimi 23:10

Die n boe la, a Izirayeli min damata kɛ nimi, a Zakɔba tɔrɔ gigiã kɛ lɛ yɛ? Masɛ n zoɛ̃ li, máa ma dinmaa min peperen gɛ̀ tɔrɔ wɔ, maa lɛ-nyɔmiɛ̃ goã goon ka ǹ wɔ nɛ.

Timəə dí-pɛn 1:10

A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Ebrəə 11:12

Bɛ lɛ na á toa, Abrahamu goon toto mɛn bɛ́ gɛ̀ dɔ a ganaa á nya, tɔrɔ gigiã bɔ a nɛ, gigiã ka lon a leeren bɛ́ lɔn, lɛ ná a ba la wa, ka yìsi mu lɛ-a ǹ nyɔɔsɔ̃ bɛ́ lɔn.

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.

Sii yɔrɔ-bɔlen 6:3

Bɛ̀ Izirayeli minin nə́ màn da ǹ wuru-n lɔn, Madiã minin man die ǹ gialaa, kun ka Amalɛki tɔrɔn nɛ, ka lɛ̀giala minin kɛn nɛ.

Sii yɔrɔ-bɔlen 6:5

Sonbore, maǹ nə́ goã yui ka ǹ mɔnaa kionən ne, ǹ dinin laanka ǹ tɔɔn nɛ, gigiã ka bisinin bɛ́ lɔn, bɛ̀ ǹ da Izirayeli minin lɛn gialaa. Ǹ laanka ǹ nyɔɔmaan kɛn man nə́ goã gigiã, min ba boe la a tá ǹ nimii wa. Maǹ nə́ goã die we gána lɛ nɛ, bɛ̀ ǹ basaã kɔ nɛ.