Siin Giala 13:15 - LAWA A BOO SONBORE

¹⁵ Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

LAWA A BOO SONBORE 2011

¹⁵ Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 13:15 ပူးပေါင်းရင်းမြစ်များ

KZS2 20:7

N dinmaa n wɔa Lawa lɛa. N din nə́ n gána kɛa minin loo bɛ̀ n zaman Izirayeli á ke die, n bɛa gána lɛ kɔ n giaára Abrahamu a kion minin la duduu wɔ lɛa.

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 35:12

Ma gána mɛn kɔ Abrahamu laanka Izaaki la, man die bɛ koe n la. N tɔrɔn mɛnɛn bɛ́ re yii n kio, ma á re koe bɛn dɔn la.»

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Nya ǹ dín 7:5

Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.

Loen 37:29

Min sonboren tá re gána lɛ a dɛnan biɛ. Ǹ tá re goɛ̃ a-n yǎa duduu.

Loen 37:22

Taãn nɛ, a barka da min mɛnɛn ganaa, gána lɛ á die bɛn wɔ biɛ. A barka bɔ min mɛnɛn nɛ, á re bɛn wɛɛ a ǹ bɔ a nɛ.

Matiə 5:5

Min mɛnɛn bɛ́ sabarɛbaa nɛ, Lawa á re barka diɛ bɛn ganaa, a giala Lawa màn mɛn a lɛ kɔ ǹ la, á re bɛ lɛ koe ǹ la.

Minin nimi 34:2

mà a boo da Izirayeli minin lɛn nɛ, a pɛ ǹ nɛ: «Bɛ̀ ka wɔ Kanaan gána lɛ nɛ, bǎã lɛ a kɛ n die kaawɔ biɛ, a n lɛ doa ka gèlèn kɛn nɛ:

Bɔ bɛ̀rɛbaa nɛ 33:1

Dɛnaa boo da Muizu ni, á pɛ: «N bɔ bǎã kɛ nɛ, n din laanka zaman kɛ lɛ, ń soo ǹ ne n nə ǹ bɔ Ezipti gána nɛ. Man liɛ má n lɛ kɔ Abrahamu la, Izaaki ni ka Zakɔba nɛ ka gána mɛn nɛ, má pɛ ǹ nɛ, máa ma á re koe ǹ nɛnyaanan la, ka bɛa zii kũ.

Siin Giala 48:4

Á pɛ ma-n kɛnɛn: «Ma á re n buluboe, ma n nɛnyaanan mɔnaa, ma n baa tɔrɔ gigiã lɛa. Ma á re gána kɛ lɛ koe n tɔrɔn la, a ǹ wɔ baa duuduu.

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

Siin Giala 24:7

Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

Izayii 63:18

Wɔsɛn, n zaman sonbore ke, gána lɛ na á goã wɔa wɔ lɛa biikoo boɛɛn dinsɔɔ̃ li. Wɔa zɔ́ɔn nə́ n bǎã sonbore lɛ ziziɛ̃.

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Siin Giala 18:18

Abrahamu tɔrɔn tá re mɔnɛɛ, ǹ gána gole baa, pàã nə́ ǹ lon, bɛa sàabiɛ wa. Kanaa a tɔrɔn tumaa wɔ á re bǐɛ̃ koe a wɔ gɔ́ɔ̃ nɛ.

Siin Giala 13:17

Yoo n nə n bibiə̃ gána lɛ nɛ, n wo a sasabaa li, n ga a gɔ́ɔ̃ dɔ a golebaa ganaa. A giala, man koe n la.»

Siin Giala 15:7

Á pɛ-n kɛnɛn doo: «Masɛ Dɛnaa din ni má n bíi, má soo n ne, má n bɔ Uuru kiwi *Baabilonii gána nɛ, man die gána kɛ lɛ koe n la, a n wɔ baa.»

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.

KZS1 16:18

A na á pɛ a gɔ́ɔ̃-n kɛnɛn: «Man die Kanaan gána kɛ koe n la, a kaa wɔ baa.