Siin Giala 13:13 - LAWA A BOO SONBORE

¹³ Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

LAWA A BOO SONBORE 2011

¹³ Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Siin Giala 13:13 ပူးပေါင်းရင်းမြစ်များ

Siin Giala 10:9

A din dɔ na á don-baali babaraa baa Dɛnaa yɔrɔ-a. Bɛ lɛ nɛ, ǹ tá a suusu diɛ kɛnɛn: «N nə n baa don-baali babaraa lɛa ka Nemurɔdi bɛ́ lɔn Dɛnaa yɔrɔ-a.»

Siin Giala 15:16

N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»

Siin Giala 18:20

Dɛnaa tɔ́n pɛ Abrahamu ni: «Ǹ bɛ́ zɛ̀rɛ mɛn koɛ Sodɔmu minin laanka Gomɔɔrɔ minin ganaa, á gole parsiini, ǹ sii baraa dɔ mɔnaa.

Siin Giala 19:13

Wɔ n die kiwi lɛ yui sonbore. A giala, minin zɛ̀rɛbaa mɔnaa ǹ ganaa Dɛnaa yɔrɔ-a, bɛ lɛ nɛ, á wɔsɛn dia mà wɔ da yu.»

Siin Giala 38:7

Ɛrɛ a zɛnaa ǹ sii tìĩ bɔ Dɛnaa nyin ni, Dɛnaa nɔmaa a ná a nyin bɔ.

Siin Giala 39:9

N ba gole masɛ-n kion kɛ lɛ din gɔ́ɔ̃-n wa. A ma kurəə sii kɔ́n ganaa wa, bɛ̀ á n bɔ n din kɛ lɛ nɛ, a lɔ lɛa. Ma n boe la, ma bɛa sii bɔnɛɛ kɛ zɛnaa lɔn, ma wɔ Lawa lon?»

Siin Giala 6:11

Sɛnɛ Lawa yɔrɔ-a, kanaa minbuiinin gialakunun kɛn tumaa ziziɛ̃, kanaa gɔ́ɔ̃ pã ka kakaarɛbaa ǹ siin ni.

Kiin2 21:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔn-baa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Matiə 9:10

Yezu bɛ́ màn bii Matiə a kion, wusuru-sili gigiã daa giã tán, kun ka min kɔsɔn dɔn nɛ, ǹ tɔ baraa n minin lɛ-n. Ǹ nə́ màn bii kun ni, a laanka a kialandɛnan nɛ.

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Zaã a sɛ́wɔ 9:24

Fariziɛ̃n nə́ yii tere-a zizi lɛ bíi doo ka a paabaa ǹ wɔ nɛ, ǹ nə́ pɛ nɛ: «Nyɛ́ɛ baa Lawa yii ni, n sonbore pɛ dɛ! Wɔsɛn tá doɛ̃ wáa giĩ kɛ lɛ n sii baraa-zɛnaali lɛa.»

Zaã a sɛ́wɔ 9:31

Min tumaa á doɛ̃ mà Lawa ba sii baraa-zɛnaalin lɛ sii wa. Sɛnɛ, bɛ̀ min mɛn tá nyɛ́ɛ biɛ a yii ni, a ná a foo sii zɛnɛɛ, a n bɛa dɛnaa lɛ sii.

Rɔmu minin 1:27

Bɛa yɔrɔ kɛ lɛ la, giĩn dɔn nə́ lɔn toa walan, ǹ dinin miã giĩn sii n wɛ̃ nɛ ǹ ganaa. Giĩn nə́ sìi-doɛ̃baã siin zɛnaa ǹ miã giĩn ganaa. Bɛ lɛ nɛ, Lawa á re ǹ baraabaa ǹ dí kɛ a dɔlɔ boe ǹ dinin gɔ̀nɔn ganaa a giala yii li.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Samayeli1 15:18

Dɛnaa Lawa bɛ́ n diɛ woe, a na á pɛ n nɛ: «Woo, n zia da bɛa Amalɛki tɔrɔ sii baraa-zɛnaalin kɛn ganaa, yǎa n nə ǹ tumaa dii lenlen ǹ nyɛɛ.»

Samayeli1 2:17

Nɛ tenən lɛn sii baraa gole kɔ parsiini Dɛnaa Lawa yɔrɔ-a, a giala, ǹ nə́ goã barka boe Dɛnaa Lawa a wúlu màn lɛ nɛ.