Siin Giala 13:11 - LAWA A BOO SONBORE

¹¹ Lɔti Zurdɛ̃ bǎã lɛ tumaa saa a din wɔ lɛa á yoo á woo lɛ̀giala-n. Ǹ nə́ sawaa kɔn miɛ̃.

LAWA A BOO SONBORE 2011

¹¹ Lɔti Zurdɛ̃ bǎã lɛ tumaa saa a din wɔ lɛa á yoo á woo lɛ̀giala-n. Ǹ nə́ sawaa kɔn miɛ̃.

Siin Giala 13:11 ပူးပေါင်းရင်းမြစ်များ

Siin Giala 13:10

Lɔti nə́ n yii saa á ga Zurdɛ̃ bǎã tumaa ganaa. Á yɛ mà mu á bɛa bǎã lɛ boe parsiini, á goã ka Dɛnaa a lɛlɛ a dù gɔrɔ kɛ bɛ́ lɔn, ka Ezipti gána bɛ́ lɔn, bɛ̀ Dɛnaa bɛ́ a tɔn Sodɔmu laanka Gomɔɔrɔ kiwi bɔ̀n baa ǹ mɛn waáraa wa.

Siin Giala 13:12

Abramu giã Kanaan gána nɛ, Lɔti sɛ giã bǎã basiɛ̃ lɛ a kiwin ni, á woo a zìãn doa yǎa Sodɔmu.

Siin Giala 13:14

Lɔti bɛ́ á n na, á n bɔ Abramu ganaa ǹ mɛn waáraa, Dɛnaa pɛ Abramu-n bɛ kio kɛnɛn: «N bɛ́ bǎã mɛn nɛ ke lɛn, n toa walan, n nə n yii saa n ga gɔsɛ a lɛ̀gɔn laanka gusin a lɛ̀gɔn la ganaa, ka lɛ̀giala laanka lɛ̀nyɛɛn nɛ.

Siin Giala 13:9

Gána lɛ a bǎã tumaa bie ke n yɔrɔ-a wa ya? Daa wɔ na kɔn. Bɛ̀ ń woo a gɔsɛ a lɛ̀gɔn la, masɛ n woe a gusin a lɛ̀gɔn la. Bɛ̀ n gusin a lɛ̀gɔn la saa, masɛ n woe gɔsɛ a lɛ̀gɔn la.»

Siin Giala 19:17

Ǹ bɛ́ Lɔti baɛ̃ soe-n kiwi lɛ nɛ ǹ mɛn waáraa, ǹ nə́ pɛ nɛ kɛnɛn: «Baa si n la koe! N baran ga n kio wa, n baran golee bǎã lɛ a paǹ kɔ́n nɛ wa. Baa si n wo kele la, màn mɛn bɛ́ toɛ, n baran bɔ̀n baa wa.»

Loen 119:63

Min mɛn tumaa bɛ́ nyɛ́ɛ biɛ n nɛ, ǹ nə́ n minin doroo ǹ boon kɛn tamaɛ, masɛ n kun ka bɛn nɛ.

Loen 16:3

Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

Suusun 27:10

N nyan nə n na n giaáran ganaa kɔnlɛ ka n di á giaáran nɛ wa. Bɛ̀ nɔmaa tá n mìi ni, n nyan wo n dɔɔ̃n li wa. Miãkɛn sonbore á soɛ dɔɔ̃n mɛn bɛ́ dɔmɔla nɛ.

Ezekieli 47:18

Lɛ̀giala gɔn la a gèlè kɛ n yui tán Damaasi laanka Horan biin ni, a kɔ Zurdɛ̃ a nyankɔrɔ basa kɛ lɛ, Galaati gána laanka Izirayeli gána biin ni, a kũ gɔsɛ a lɛ̀gɔn la gèlè ganaa, yǎa yìsi mu kɔsɛ kɔsɛ kɛ lɛ-a. Lɛ̀giala gɔn la wɔ n ka bɛ nɛ.

Ebrəə 10:25

Min tɛnɛn lɛ mui ka wusu lɛsɔkɔn bǎã-n nɛ. Bɛ a siĩn wa. Ka daa wɔ n doa wɔ kɔn foo taã lɛsɔkɔn gɔ́ɔ̃ nɛ, sanparɛ ka yii bɛ́ Dɛnaa a lɛawaa lɛ ganaa dirii.

Piɛrɛ1 2:17

Ka min din tumaa guguru kɔ, ka ka dɔɔ̃n Lawa-nyankɔlen narɛ, ka nyɛ́ɛ baa Lawa nɛ, ka kii gole kɛ guguru kɔ.