Siin Giala 12:7 - LAWA A BOO SONBORE

⁷ Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

LAWA A BOO SONBORE 2011

⁷ Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 12:7 ပူးပေါင်းရင်းမြစ်များ

Siin Giala 12:8

Á yoo walan á woo kelen bǎã nɛ Betɛli a lɛ̀giala gɔn la. Á Betɛli toa lɛ̀nyɛɛn gɔn la, á Ayii toa lɛ̀giala gɔn la, a ná a zìã dɔ bɛn bii ni. Á wusoo á wúlu bɔ ǹ bǎã kɔsɔ dɔ Dɛnaa wɔ lɛa walan doo, a ná a nyankɔ, a n bíi ka a tɔ nɛ.

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 13:17

Yoo n nə n bibiə̃ gána lɛ nɛ, n wo a sasabaa li, n ga a gɔ́ɔ̃ dɔ a golebaa ganaa. A giala, man koe n la.»

Siin Giala 13:18

Abramu yoo ka a zìãn nɛ, á daa giã Manbre a dan gòã li, kunu Ebrɔn ganaa. Á wúlu bɔ ǹ bǎã dɔ walan Dɛnaa wɔ lɛa.

Siin Giala 13:4

A bɛ́ á *wúlu bɔ ǹ bǎã dɔ maa lɛlɛ, á Dɛnaa nyankɔ walan, a n bíi ka a tɔ nɛ.

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 18:1

Dɛnaa nə́ n din nyaa Abrahamu ni Manbre dan kɛn li, bɛ̀ a n giã-n tán a zìã kiɛnlɛ-a, wasa lɛ a kakaarɛ kɔ biikoo li.

Siin Giala 22:9

Lawa bǎã mɛn lɛ nyaa nɛ, ǹ bɛ́ ǹ nə́ dɔ walan, Abrahamu *wúlu bɔ ǹ bǎã dɔ, á gɔn lɛ kaa la. A ná a nɛgiĩ Izaaki lɛ yii, á da gɔn lɛ lalan wúlu bɔ ǹ bǎã lɛ nɛ.

Siin Giala 24:7

Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

Siin Giala 26:25

Izaaki *wúlu bɔ ǹ bǎã dɔ walan, á Lawa nyankɔ, bɛ̀ á bíi «Dɛnaa.» A ná a zìã doa walan, a bɛ̀rɛgiĩn lɛn nə́ tù fɔ̃.

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

Siin Giala 32:30

Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Siin Giala 35:12

Ma gána mɛn kɔ Abrahamu laanka Izaaki la, man die bɛ koe n la. N tɔrɔn mɛnɛn bɛ́ re yii n kio, ma á re koe bɛn dɔn la.»

Siin Giala 35:7

Á wúlu bɔ ǹ bǎã dɔ walan, á bíi "Betɛli a Lawa", a giala, Lawa na á goã á n din nyaa-n walan lɛn, bɛ̀ a bɛ́ baa sii ǹ gologiĩ lɛ nyɛɛnɛ.

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Siin Giala 8:20

Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

Samayeli2 24:25

Davida wúlu bɔ ǹ bǎã dɔ Dɛnaa Lawa wɔ lɛa walan. Á wúlu màn tiɛ̃n laanka barka da ǹ wúlu mànan kɔ Dɛnaa Lawa la. Dɛnaa Lawa tɔ́n dɔlɔ lɛ saa á bɔ gána lɛ mìi ni. Á piɛ̃ busu lɛ nya á bɔ Izirayeli minin lɛn ganaa.

Kiin1 18:32

Yilii wusoo á wúlu bɔ ǹ bǎã dɔ Dɛnaa Lawa nɛ, ka bɛa kɔlɔn lɛn nɛ. Bɛ kio, á nyankɔrɔ fɔ̃ tán wúlu bɔ ǹ bǎã lɛ li, á da bii ni. Mu litiri pɔsɔɔ tá we bɛa nyankɔrɔ lɛ nɛ.

KZS1 16:16

A lɛ-kɔ mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

KZS1 16:18

A na á pɛ a gɔ́ɔ̃-n kɛnɛn: «Man die Kanaan gána kɛ koe n la, a kaa wɔ baa.

KZS2 20:11

Sɛnɛ, pelo ǹ bɛ́ re wɔ sarɛɛ ka yɔrɔ mɛn nɛ, bɛ á ke: Maǹ wɔ lui wɔ boe tán kɛ la ń kɔ wɔ la.

KZS2 20:7

N dinmaa n wɔa Lawa lɛa. N din nə́ n gána kɛa minin loo bɛ̀ n zaman Izirayeli á ke die, n bɛa gána lɛ kɔ n giaára Abrahamu a kion minin la duduu wɔ lɛa.

Ɛsidrasi 3:2

Zozadaaki a nɛgiĩ Zozoe laanka ǹ miã wúlu-bɔlen ne, ka Salatieli a nɛgiĩ Zorobabeli laanka ǹ dɔɔ̃nɔn nɛ, ǹ nə́ yoo kun ǹ nə́ Izirayeli a Lawa a *wúlu bɔ ǹ bǎã lɛ dɔ, ǹ nə́ wúlu mànan tã la, ka a bɛ́ kiɛ̃ nɛ Lawa a min Muizu a dí-pɛn sɛ́wɔ kɛ-n lɔn.

Bɔ bɛ̀rɛbaa nɛ 17:15

Muizu *wúlu bɔ ǹ bǎã dɔ, á tɔ gole kɔ a ganaa: "Dɛnaa n ka maa ziabaa ǹ zanzan bɛ́ lɔn".

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Bɔ bɛ̀rɛbaa nɛ 33:1

Dɛnaa boo da Muizu ni, á pɛ: «N bɔ bǎã kɛ nɛ, n din laanka zaman kɛ lɛ, ń soo ǹ ne n nə ǹ bɔ Ezipti gána nɛ. Man liɛ má n lɛ kɔ Abrahamu la, Izaaki ni ka Zakɔba nɛ ka gána mɛn nɛ, má pɛ ǹ nɛ, máa ma á re koe ǹ nɛnyaanan la, ka bɛa zii kũ.

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Bɔ bɛ̀rɛbaa nɛ 6:4

Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Minin nimi 26:53

«Ka die ka gána lɛ gii tɔrɔn lɛn manɛ, a kɔnpɛ ka tɔrɔ lɛ gogoonmaa a minbuiin lɛ nɛ.

Minin nimi 32:11

«Min mɛnɛn nə soo Ezipti gána lɛ nɛ, ǹ lɛ̀ ń lɛ̀ fuə, ka lɛ̀ fuə ka kio ne, bɛn kɔn yii ba re gána kɛ yii wa, masɛ nə n lɛ kɔ ka ǹ mɛn lɛ nɛ, máa ma á koe Abrahamu la, ka Izaaki laanka Zakɔba nɛ. A giala, ǹ kɔ ma lɛ ka ǹ yɔrɔ-n wa.

Nya ǹ dín 7:5

Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.

Rɔmu minin 9:8

Bɛ giala, mà goã mà goon ka Abrahamu-n bie min biɛ Lawa a nɛnyaan lɛa wa. Sɛnɛ, bɛ̀ min mɛn a yɛ nə n giala wɔ Lawa a lɛ kɔ ǹ sii ganaa, bɛa dɛnaa n Lawa a nɛnyaan lɛa.

Galaasi minin 3:16

Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

Galaasi minin 4:28

Ma dɔɔ̃nɔn lɛn, kasɛn tumaa n ká yɛ nɛnyaanan lɛa, á kɔnpɛ ka Lawa a lɛ-kɔ kɛ nɛ, ka Izaaki wɔ bɛ́ lɔn.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Timəə dí-pɛn 6:10

Kaa Lawa, Dɛnaa Lawa lɛ nə n lɛ kɔ ka digolo Abrahamu laanka Izaaki ka Zakɔba la, mà asɛ á re gána mɛn lɛ koe ka la, á re woe ka-n walan. Bɛ̀ ká dɔ, ka á re kiwi dadara sonboren yii walan, ka bɛ́ ka kiwin mɛnɛn dɔ wa,

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 11:8

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa.

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 22:10

Ǹ bɛ́ ǹ nə́ dɔ Zurdɛ̃ tà lɛ-a bǎãn kɛn nɛ, ǹ nə́ ǹ tɔn soo ǹ nə́ n bɔ Kanaan gána dɔ din ni bɔrɔ wa, ǹ nə́ *wúlu bɔ ǹ bǎã dɔ, wúlu bɔ ǹ bǎã gangabiɛ.

Zozoe 8:30

Bɛ kio kəni, Zozoe tɔ́n *wúlu bɔ ǹ bǎã dɔ Ebaali kele la Dɛnaa Lawa wɔ lɛa, Izirayeli minin Lawa lɛ.

Sii yɔrɔ-bɔlen 6:24

Bɛa bǎã lɛ nɛ, Zediɔ̃ *wúlu bɔ ǹ bǎã dɔ Dɛnaa Lawa wɔ lɛa, á bíi mà "Dɛnaa Lawa n là nyantoro koe". Haalɛ tɔn pelo, bɛa wúlu bɔ ǹ bǎã lɛ á tɔn Ofra, Abiezɛɛrɛ a tanlɛ minin bɛ́ kiwi mɛn lɛ nɛ.

Samayeli1 7:17

Bɛ kio, a na á goã n bɔyɛɛ a wo Ramaa kiwi, a giala, a kion na á goã walan. A na á goã Izirayeli minin sii yɔrɔ boe walan lɛ nɛ, á *wúlu bɔ ǹ bǎã dɔ dɔ a nɛ, Dɛnaa Lawa wɔ lɛa.