Siin Giala 12:6 - LAWA A BOO SONBORE

⁶ Ǹ bɛ́ ǹ nə́ dɔ Kanaan gána nɛ, Abramu gána lɛ bii wɔsɔ kɔn, á woo yǎa Moore dì dan bǎã nɛ, Sisɛmu kiwi. Bɛa biikoo li, Kanaan minin nə́ goã bǎã lɛ nɛ.

LAWA A BOO SONBORE 2011

⁶ Ǹ bɛ́ ǹ nə́ dɔ Kanaan gána nɛ, Abramu gána lɛ bii wɔsɔ kɔn, á woo yǎa Moore dì dan bǎã nɛ, Sisɛmu kiwi. Bɛa biikoo li, Kanaan minin nə́ goã bǎã lɛ nɛ.

Siin Giala 12:6 ပူးပေါင်းရင်းမြစ်များ

Siin Giala 10:15

Kanaan na á Sidɔn yɛ a nɛ bibinaa lɛa, bɛ kio Ɛti.

Siin Giala 13:7

Bɛa biikoo li Kanaan minin laanka Perɛzi minin nə́ goã gána lɛ nɛ. Ǹ kɔn pinaa, zia yoo Abramu a tɔɔn-lɛduə̃lin laanka Lɔti wɔn, bii.

Siin Giala 33:18

Zakɔba bɛ́ á soo Mezopotamii gána nɛ, á daa á dɔ Sisɛmu kiwi, Kanaan gána-n ka bǐɛ̃ nɛ. Á giã á n wɔlɔ kunu kɔ kiwi lɛ ganaa.

Siin Giala 34:2

Bɛ á zɛnɛɛ, bɛ̀ Amɔɔrɔ a nɛgiĩ Sisɛmu n Ivii tɔrɔn kii lɛa. A bɛ́ á Diinaa yɛ, á kũ á ga li.

Siin Giala 34:30

Bɛ gɔ́ɔ̃ nɛ, Zakɔba pɛ Simiɔn laanka Levii ni: «Ka bɔ̀n da masɛ ganaa, ka n ka ma tìĩ bɔ Kanaan gána lɛ laanka Perɛzi gána lɛ a minin nyin ni. Wɔ bɛ́ wɔ ba tɛ wa, ǹ tá re piɛ̃ ma ganaa, ǹ ma dɛ. Ǹ tá re ma laanka maa kion minin bɔ̀n biɛ.»

Siin Giala 35:4

Dìn mɛnɛn bɛ́ ǹ gɔn, tɔrɔ kɔsɔn nə́ ǹ guguru koe lawan lɛa, ǹ nə́ bɛn goa, ǹ nə́ woo ǹ kɔ Zakɔba la, ka ǹ too ganaa ǹ kaaranan nɛ. Da gole mɛn bɛ́ kunu Sisɛmu ganaa, Zakɔba nə́ ǹ bĩ bɛ giulun.

Kiin1 12:1

Roboamu woo Sisɛmu kiwi, a giala walan lɛ nɛ, Izirayeli minin tumaa goã ǹ nə́ daa koa kii lɛa.

Kiin1 12:25

Zeroboamu kungɔn dɔ Sisɛmu kiwi ganaa, Efrayimu kele yii ni, á giã walan. Bɛ kio, á soo walan, á woo kungɔn dɔ Penuweli kiwi ganaa.

Loen 60:6

N din nə n gòon yiɛ, n bɔlɔ-silin ni, mà ǹ baa si, ǹ nə ǹ bɔ kiɛ-bɔlen kiɛn nyɛɛnɛ. *Doa

Ozee 6:9

Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

Zaã a sɛ́wɔ 4:5

Bɛ lɛ nɛ, á woo dɔ Samarii kiwi goon ne, a tɔ n Sikaara, Zakɔba wuru mɛn kɔ a nɛgiĩ Zozɛfu la lɛlɛ, a wɔlɔ a sɔsɔɔ bɛ ganaa wa.

Nya ǹ dín 7:16

Ǹ nə́ ǹ wen waa ǹ nə́ woo ǹ ne Sisɛmu kiwi, ǹ nə́ ǹ kaa yala-n walan, Abrahamu bɛ́ á yala bǎã mɛn pii ka wɔrɔ nɛ Sisɛmun Amɔɔrɔ a nɛnyaanan lon.

Timəə dí-pɛn 11:30

Ka á doɛ̃, bɛa kelen lɛn man Zurdɛ̃ tà kio dia-n woe lɛ̀nyɛɛn la, Kanaan minin gána nɛ, ǹ mɛnɛn bɛ́ Zurdɛ̃ a nyankɔrɔ basa kɛ nɛ, Gilgaali yɔrɔ-a, More a dì dan kɛn li.

Ebrəə 11:9

Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Zozoe 20:7

Izirayeli minin lɛn nə́ Kedɛsi kiwi bɔ ǹ nə́ koa Galilee gána nɛ, Nɛfutalii a kele yii bǎã kɛ nɛ. Ǹ nə́ Sisɛmu bɔ ǹ nə́ koa Efrayimu a kele yii bǎã kɛ nɛ. Kiriyati-Arabaa mɛn bɛ́ ǹ tá bíi Ebrɔn, ǹ nə́ bɛ bɔ ǹ nə́ koa Zudaa tɔrɔn kele yii bǎã kɛ nɛ.

Zozoe 24:32

Izirayeli minin lɛn nə bɔ ka Zozɛfu wen mɛnɛn nɛ Ezipti gána nɛ, ǹ nə́ bɛn dɔn bĩ Sisɛmu. Ǹ nə ǹ bĩ bǎã mɛn nɛ, Zakɔba na á goã á bɛa bǎã lɛ pii Sisɛmu kiwi lɛ a koa wole Hamɔɔrɔ tɔrɔn lon, wɔrɔ we paabiɛ. Bɛ na á Zozɛfu tɔrɔn lɛn kíɛ̃ baa.

Sii yɔrɔ-bɔlen 7:1

Zediɔ̃ lɛ, ǹ nə́ bíi Yerubaali, bɛ́ yoo baayɛlɛ yiisoone, kun ka zaman mɛn tumaa goã kun ni, ǹ nə́ woo golee Arodi tà lɛ-a. Madiã minin sɛn giã ǹ bǎã wɔlɔ na á goã lui ni ǹ ganaa, gɔsɛ a lɛ̀gɔn la diə fúlu kɛ nɛ, Moore tenten kɛ paǹ li.

Sii yɔrɔ-bɔlen 9:1

Yerubaali a nɛgiĩ Abimelɛki woo ǹ diãn li Sisɛmu kiwi, á pɛ ǹ diã kion minin lɛn tumaa nɛ: