Siin Giala 12:3 - LAWA A BOO SONBORE

³ Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

LAWA A BOO SONBORE 2011

³ Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 12:3 ပူးပေါင်းရင်းမြစ်များ

Siin Giala 18:18

Abrahamu tɔrɔn tá re mɔnɛɛ, ǹ gána gole baa, pàã nə́ ǹ lon, bɛa sàabiɛ wa. Kanaa a tɔrɔn tumaa wɔ á re bǐɛ̃ koe a wɔ gɔ́ɔ̃ nɛ.

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Siin Giala 22:18

Kanaa a tɔrɔn dinin tumaa á die lɛn bǐɛ̃ bíi kɔn li ǹ pɛ: «Lawa barka wɔ n nɛ ka Abrahamu tɔrɔn wɔ bɛ́ lɔn.» A giala, ń masɛ bɔlɔ si.

Siin Giala 24:35

Dɛnaa barka wɔ maa dɛnaagiĩ lɛ nɛ, á paãma gole baa. Á sèren kɔ la, ka bòen laanka diin ni, wɔrɔ laanka sana nɛ, bɛ̀rɛlɔn laanka bɛ̀rɛgiĩn ni, ka nyɔɔmaan laanka dundunun ni.

Siin Giala 25:11

Abrahamu a gɛ̀ kio, Lawa barka wɔ a nɛgiĩ Izaaki lɛ nɛ. Izaaki na á goã giã-n Lahayi-Royi Tù lɛ-a.

Siin Giala 26:29

N liɛ, mà n ba re sii baraa zɛnɛɛ wɔsɛn man wa, a giala, wɔsɛn nə sii baraa zɛnaa n dɔ-n wa. Wɔ n wɔ́ bǐɛ̃ dinsɔɔ̃ zɛnaa n nɛ, wɔ toa ń woo ka là nyantoro ne. Dɛnaa á ke á barka wɔ n nɛ sisia.»

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 27:29

Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

Siin Giala 30:27

Laban tɔ́n pɛ nɛ: «Bɛ̀ ma sii tá kɔɔ̃nɛ n ganaa, n nə n too kɔ ma lon. Maa mànan nə́ nyaa ma nɛ, mà n din a lɛa nɛ, Dɛnaa barka wɔ ma nɛ.

Siin Giala 30:30

Ma bɛ́ ma tɔn da ǹ mɛn waáraa wa, màn taãn bɛ́ a goã n lon wa. Sɛnɛ, maa daa kɛ lɛ gɔ́ɔ̃ nɛ, Dɛnaa barka wɔ n nɛ, n gɔn màn mɔnaa parsiini. Masɛ n die ma din a kion dí nyɛɛ biĩ kəni?»

Siin Giala 39:5

A bɛ́ á Zozɛfu saa á da a kion, á koa a mànan tumaa mìi la lɔn, Dɛnaa barka da Eziptin giĩ lɛ a kion ganaa, Zozɛfu taman yii. Bɛa barka damaa lɛ a zín dɔ a gɔn mànan tumaa ganaa, a kion gɔ́ɔ̃ wɔn nɛ, ka a wuru gɔ́ɔ̃ wɔn nɛ.

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Bɔ bɛ̀rɛbaa nɛ 23:22

Bɛ̀ ka ma lɛ si, ka maa boo kɛa sii tumaa zɛnaa, man die kaa zɔ́ɔn zɔ́ɔ biɛ, ma ziabaa ǹ ganaa kaa lɛa.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Luku 24:27

Bɛ kio á boo saa doo, Lawa a boo á màn mɛn tumaa diɛ a wɔ gɔn la, á bɛ giala pɛ ǹ nɛ. A ná a giala kɔ Muizu a sɛ́wɔn ganaa, á daa Lawa a boo gii-dalin gialakunun kɛn wɔn yaa.

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Galaasi minin 3:16

Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Sii-nyaan 7:9

Bɛ kio, má zaman gole yɛ, min kɔ́n ná a boe la a tá ǹ nimii wa. Ǹ nə́ golee ǹ gòãn la, kii dankan kɛ yɔrɔ-a ka Sère Nɛ kɛ nɛ, mɔnaa fufun ni ǹ ganaa ka gɔ̀lɔ̀baa ǹ da luun nə́ ǹ gɔn. Maǹ zaman gigiã lɛa, ǹ nə́ boe gána tumaa nɛ, ǹ nə́ tɔrɔ tumaa lɛa, ǹ nə́ bɔlɔ totoro tumaa pii.