Siin Giala 12:2 - LAWA A BOO SONBORE

² Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

LAWA A BOO SONBORE 2011

² Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 12:2 ပူးပေါင်းရင်းမြစ်များ

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 17:20

N ma nyankɔ ka sii mɛn nɛ Isimayeli dɔ wɔ paǹ li, má ma. Á ke, man die barka we a nɛ, ma á re toɛ a nɛnyaanan yɛ, ma á re a tɔrɔn mɔnɛɛ parsiini. Á re nɛ fulupaa yii. Bɛn tá re goledɛnan biɛ, a tɔrɔn tá re gána gole biɛ.

Siin Giala 18:18

Abrahamu tɔrɔn tá re mɔnɛɛ, ǹ gána gole baa, pàã nə́ ǹ lon, bɛa sàabiɛ wa. Kanaa a tɔrɔn tumaa wɔ á re bǐɛ̃ koe a wɔ gɔ́ɔ̃ nɛ.

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Siin Giala 19:29

Lawa bɛ́ bǎã lɛ a kiwin lɛn bɔ̀n biɛ ǹ mɛn waáraa, á n yiri koa Abrahamu li, á Lɔti bɔ á bɔ koe lɛ bii. Lɔti goã giã-n bǎã mɛn nɛ, á bɛa kiwin lɛn tã.

Siin Giala 24:1

Abrahamu zizi kɔ parsiini. Dɛnaa barka wɔ a-n sii tumaa gɔ́ɔ̃ nɛ.

Siin Giala 24:35

Dɛnaa barka wɔ maa dɛnaagiĩ lɛ nɛ, á paãma gole baa. Á sèren kɔ la, ka bòen laanka diin ni, wɔrɔ laanka sana nɛ, bɛ̀rɛlɔn laanka bɛ̀rɛgiĩn ni, ka nyɔɔmaan laanka dundunun ni.

Siin Giala 25:11

Abrahamu a gɛ̀ kio, Lawa barka wɔ a nɛgiĩ Izaaki lɛ nɛ. Izaaki na á goã giã-n Lahayi-Royi Tù lɛ-a.

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 27:29

Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Siin Giala 28:14

N tɔrɔn tá re mɔnɛɛ ka tán tii bɛ́ lɔn. N gána á die gole koe, a wo lɛ̀giala laanka lɛ̀nyɛɛn li, a wo gɔsɛ a lɛ̀gɔn laanka gusin a lɛ̀gɔn la. Kanaa a tɔrɔn tumaa wɔ á re bǐɛ̃ koe, n din wɔ laanka n tɔrɔn wɔ gɔ́ɔ̃ nɛ.

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 46:3

Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Samayeli2 7:9

N wo bǎã mɛn tumaa nɛ, masɛ goã kunun n ni má n zɔ́ɔn tumaa dɛ má ǹ bɔ n nyɛɛnɛ. Má tɔ gole kɔ n la ka kanaa a min dadaran kɛn wɔ bɛ́ lɔn.

Kiin1 1:47

A goã bɛ li wa, kii lɛ a dí-nyalin nə́ daa fòo sonbore da wɔa dɛnaagiĩ kii Davida nɛ, bɛ̀ ǹ tá pii: «N Lawa lɛ die a toa Salomɔn tɔ bɔ doo a la n wɔ nɛ, a die a Salomɔn a kiibaa lɛ bǐɛ̃ kɔ a la n wɔ nɛ.» Bɛ kio, kii lɛ nə́ kuməə tán a piì la,

Zɔbu 35:8

N baraabaa kɛ lɛ n basaã koe n din miãn dininsɔɔ̃nɔn manɛ, n peperebaa kɛ lɛ a là n doe n din miã minbuiinin ganaa.

Loen 107:38

Lawa n barka diɛ ǹ ganaa, màn nə miɛ̃ ǹ li, ǹ nə́ mɔnɛɛ, Lawa a toɛ màn nə n bɔ ǹ tɔɔn lɛ wa.

Bɔ bɛ̀rɛbaa nɛ 1:7

Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

Bɔ bɛ̀rɛbaa nɛ 32:10

Sisia kəni, a toa ma daa. Maa foo-yoo gɔ́ɔ̃ nɛ, man die ǹ dii ma ǹ nya. Bɛ kio, ma á re zɛnɛɛ, zaman gole bɔ Muizu din ni.

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Minin nimi 14:12

Masɛ n die yui ǹ gialaa ka piɛ̃ busu ni, ma ǹ dɛ ma ǹ nya lenlen. Bɛ kio, ma á die zɛnɛɛ, zaman bɔ Muizu din ni, ǹ pàã laanka ǹ mɔnaabaa n liɛ nɛ ǹ wɔ nɛ.»

Minin nimi 22:12

Lawa pɛ Balaamu ni: «N baran toa n wo kun ka bɛa minin kɛn lɛn nɛ wa. N baran toa n lɛn baraa bii zaman kɛ lɛ li wa, a giala masɛ barka da zaman lɛ ganaa.»

Minin nimi 23:20

Masɛ n má lɛ kɔ, má barka da zaman kɛ lɛ-a, a giala, Lawa din na á barka da ǹ ganaa. Ma bie re wusii man bɔlɔ baa wa.

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Galaasi minin 3:7

Ka á kɔnboe ka a giala ma, ka dɔ̃, mà goleemali wolen man Abrahamu a nɛnyaan taãnan lɛa.

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.