Siin Giala 10:5 - LAWA A BOO SONBORE

⁵ Ǹ dinin lɛn tɔrɔn man kɛn nɛ ǹ nə́ n nana kɔn, ǹ nə́ giã kɔ̀ mu lɛ-a ǹ nɛ. Ǹ nə́ tɔrɔn baa, didie n giã nɛ a din a gána nɛ, a din a kiwi, a din a bɔlɔ pii.

LAWA A BOO SONBORE 2011

⁵ Ǹ dinin lɛn tɔrɔn man kɛn nɛ ǹ nə́ n nana kɔn, ǹ nə́ giã kɔ̀ mu lɛ-a ǹ nɛ. Ǹ nə́ tɔrɔn baa, didie n giã nɛ a din a gána nɛ, a din a kiwi, a din a bɔlɔ pii.

Siin Giala 10:5 ပူးပေါင်းရင်းမြစ်များ

Siin Giala 10:20

Kaamu a nɛnyaanan lɛn man ka bɛn nɛ, ǹ nə́ n nana kɔn ǹ tɔrɔ lɛ yii li, a kɔnpɛ ka ǹ pɛ ǹ bɔlɔ nɛ, ǹ nə́ n sɔkɔn gánan lɛa, didie giã a kiwi.

Siin Giala 10:25

Ebɛɛrɛ na á nɛgiĩ paa yɛ: A goledɛnaa tɔ mà Pelɛɛgi (bɛ giala mà "Nakɔn"), a giala mà kanaa minin man nə́ n nana kɔn a wɔa wasa nɛ. A boɛɛndɛnaa lɛ tɔ mà Yoktan.

Siin Giala 10:32

Nowee a nɛnyaanan lɛn sɔmɔ lɛ minin man ka bɛn nɛ, ǹ nə́ n tɔ kɔn lɛ kion lɛ li, ǹ nə́ tɔrɔn baa. Tɔrɔn man nə́ bɔ ǹ dinin lɛn nɛ, ǹ nə́ n sasawaa tán la bǎã tumaa nɛ, bɔ̀n da ǹ mu gole lɛ a kiɛ̃ kio.

Siin Giala 10:4

Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni.

Siin Giala 10:6

Kaamu a nɛnyaanan man ka Kuusu ni, ka Misirayimu ni, ka Puutu laanka Kanaan nɛ.

Siin Giala 9:19

Nowee a nɛgiĩ sɔɔ lɛ n ka bɛn nɛ. Minbuiinin wusoo a mɔnaa tán la giala na á n kɔ ǹsɛn lɛn ganaa.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Izayii 40:15

Á ke, gánan man ka mu a dɔɔ bɛ́ lɔn doɛ sóo ne. Maǹ ka nyɔɔsɔ̃ nàn goon bɛ́ lɔn kilo la. Mu gánan mɛnɛn da bii, bɛn man puusə ka gusuũ bɛ́ lɔn.

Izayii 41:5

Gánan mɛnɛn bɛ́ mu nə́ ǹ da bii, sii mɛn nə n zɛnaa, ǹ nə́ yɛ. Nyɛ́ɛ nə́ ǹ kũ Kanaa lɛ dan gánan nə́ bìn da, ǹ nə́ daa, ǹ gɔ̀nɔn nə́ bìn diɛ.

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 42:4

A foo a re ziziɛ̃ wa. A gù a re giɛ̃ wa, yǎa peperebaa yii tán tumaa la. Gánan mɛnɛn bɛ́ mu nə́ ǹ da bii, bɛn man giɛ a daraa li.»

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Izayii 51:5

Peperebaa mɛn bɛ́ ma á die ne, á diri. Kirisibaa biikoo dɔ. Man die kiri we tɔrɔn ganaa ka pàã gole ne. Tɔrɔn mɛnɛn bɛ́ mu nə́ ǹ gánan da bii, bɛn tá re n foo doɛ ma ganaa. Ǹ tá re n foo doɛ ma pàã ganaa.

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Zeremii 2:10

Ka wo bǎã sɔsɔɔ kɛ nɛ Grɛki, ka ga a ganaa, ka wo Kebaaraa Larabun kɛn li, ka nɔ̀n da. Ka á re yii, mà sii kɛ miã bin nə n zɛnaa wa.

Zeremii 25:22

Tiiri minin kiin tumaa nɛ, Sidɔn wɔ nɛ, gánan kɛn tumaa Yìsi mu gole kio, ka bɛn wɔn nɛ.

Ezekieli 26:15

«Masɛ Dɛnaa Lawa n kɛ pii Tiiri kiwi kɛ nɛ: Bɛ̀ ǹ tá n minin kɛn dii ǹ mɛn waáraa, tà lɛ-a minin kɛn ǹ wɔlɔ n sɔsɔɔ, bɛn gɔ̀nɔn tá re bìn diɛ kiwi lɛ a mɛnaa wuu laanka a bɔlɔkan ginii taman yii.

Ezekieli 26:18

Sisia kəni, tɔrɔn mɛnɛn bɛ́ yìsi mu lɛ-a, bɛn gɔ̀nɔn nə́ ke bìn diɛ n mɛnaa lɛ taman yii, nyɛ́ɛ yìsi mu lɛ-a minin kɛn kũ n papaã lɛ taman yii.

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Timəə dí-pɛn 32:8

Lon a Lawa bɛ́ minbuiinin niniɛ kɔn, a bɛ́ bǎã tatalɛ koe tɔrɔn la, a n gèlè koɛ tɔrɔn bii, á n yiri koa Izirayeli minin dɔn li.