Siin Giala 10:22 - LAWA A BOO SONBORE

²² Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni.

LAWA A BOO SONBORE 2011

²² Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni.

Siin Giala 10:22 ပူးပေါင်းရင်းမြစ်များ

Siin Giala 10:21

Zafɛti ǹ gologiĩ Sɛmu dɔ́ nɛnyaanan yɛ. Ebɛɛrɛ laanka a tɔrɔn tumaa na á bɔ a din lɛ nɛ.

Siin Giala 11:10

Sɛmu tɔrɔn sɛ́wɔ á ke: Sɛmu a yɛ lɛ̀ paabiɛ nɛ, á Arpaksaadi yɛ, bɔ̀n da ǹ mu gole lɛ a kiɛ̃ kio lɛ̀ paa.

Siin Giala 9:26

Bɛ kio á pɛ: «Gugurubaa nə n kɔ Dɛnaa, Sɛmu a Lawa la. Kanaan die a n baa Sɛmu a bɛ̀rɛ lɛa!

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Zɔbu 1:17

Bɛ dɔ ba a wɔ diɛ á nyɛɛ wa, bɛ̀ goon dɔ bɛ́ á dɔ mà *Kaldee minin nə́ n tala kɔn kuru sɔɔ, ǹ nə́ daa kaa nyɔɔmaan lɛn bii, ǹ nə́ dí-nyalin lɛn dɛ, ǹ nə́ nyɔɔmaan lɛn loo, ǹ nə́ kiɛ̃ ǹ nɛ. Mà asɛ dinsɔɔ̃ na á baa si á la, á daa a boo da nɛ.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 21:2

Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Izayii 22:6

San laanka kiɛn man Elamu gána a zia kurun gɔn. Ziabaa ǹ wotoron laanka ǹ da baa-a wolen manə ǹ tan, ka sùidɛnan nɛ. Kiiri sɔraasin manə ǹ goóron yɔrɔ boe.

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Zeremii 25:25

Zimri kiin tumaa nɛ, Elamu laanka Mɛdi gána minin kiin ni.

Ezekieli 32:24

Elamun kii kɛ dɔ n walan, kun ka a sɔraasin tumaa nɛ. A yala lɛ na a sɔraasin lɛn wɔ bii, ǹ nə ǹ mɛnɛn tumaa dɛ zia la. Soroman lɛn nə́ wɔ tán giulun, ǹsɛn mɛnɛn lɛn nə goã nyɛ́ɛ kiɛ minin ganaa, yiikoonaan kanaa kɛ nɛ. Ǹ dɔn gã n ke ka min gialakunun wɔn bɛ́ lɔn, bɛ n sìi lɛa ǹ mìi ni, ǹ nə́ woe ne.

Minin nimi 23:7

Balaamu tɔ́n bɔ boon kɛn nɛ kɛnɛn á ǹ pɛ: Balaaki na á minin dia die ma kuĩ Siirii gána nɛ, Moabun kii na á min dia die lɛ diɛ ma la, lɛ̀giala a kelen kɛn bǎã nɛ, á pɛ ma nɛ: Da lɛn baraa bii Zakɔba tɔrɔn kɛn li, maa lɛa. Da dɔlɔ da Izirayeli minin kɛn mìi ni.

Minin nimi 24:22

A laanka ka bɛ yii ni, tɛ n die kaa giã ǹ bǎãn lɛn mamaɛ, Asiirii minin nə ka goa, ǹ wo ka-n bɛ̀rɛ baa ǹ bǎã nɛ.

Nya ǹ dín 2:9

Wɔsɛn mɛnɛn bɛ́ boe Parti gána nɛ, ka Mɛdi laanka Elamu gána nɛ, ka Mezopotamii gána nɛ, Zudee gána-n ka Kapadɔɔsi gána nɛ, Pɔn gána-n ka Azii wɔ nɛ,