Siin Giala 10:11 - LAWA A BOO SONBORE

¹¹ Bɛ kio á soo á n bɔ walan, á woo Asiirii gána nɛ. A kiwin mɛnɛn koa walan, bɛn man ka Ninivu ni, Rehobɔtiiri ni, kiwi gole Kelaa nɛ,

LAWA A BOO SONBORE 2011

¹¹ Bɛ kio á soo á n bɔ walan, á woo Asiirii gána nɛ. A kiwin mɛnɛn koa walan, bɛn man ka Ninivu ni, Rehobɔtiiri ni, kiwi gole Kelaa nɛ,

Siin Giala 10:11 ပူးပေါင်းရင်းမြစ်များ

Siin Giala 10:12

ka Rɛsɛnɛ nɛ, asɛ n Ninivu laanka Kelaa bii ni.

Kiin2 19:36

Asiirii gána a kii Senankeribu lɛ yoo á n bɔ a bǎã nɛ, á n bɔyaa á woo Ninivu kiwi, á goã walan.

Ɛsidrasi 4:2

ǹ nə́ n zɔ̃ ǹ nə́ dɔ Zorobabeli laanka a kɛdɛnan li, ǹ nə́ pɛ ǹ nɛ kɛnɛn: «Wɔsɛn man giɛ li wɔ kion lɛ dɔ kun ka nɛ. Sonbore, wɔsɛn man giɛ Lawa li, ka dinin Lawa lɛ, ka ka dɔn bɛ́ giɛ li lɔn. A kũ Asiirii gána a kii Asaradɔn a biikoo ganaa, kɛ lɛ á daa ka wɔsɛn nɛ kànaa, wɔsɛn man wúlu-mànan koe ka dinin Lawa lɛ la.»

Loen 83:8

Gevaala minin ni, Amɔn minin ni ka Amalɛki minin ni. Filisiti gána nɛ ka Tiiri kiwi minin ni.

Izayii 37:37

Bɛ lɛ na á toa Asiiriin kii Senankeribu na a zìãn tumaa fore, á n bɔyaa á woo Ninivu, á giã walan.

Ezekieli 27:23

Karan minin kɛn nə́ goã pii koe kunun n ni, Kanee wɔn nɛ, Edɛn wɔn nɛ, Sabaa a pii-kɔlen ne, ka Asuuru kiwi laanka Kilimaadi kiwi wɔn nɛ.

Ezekieli 32:22

Asiiriin kii kɛ n walan, kun ka a sɔraasin ni. Ǹ ná a sɔraasin mɛnɛn dɛ zia la, a yala-n bɛn wɔn bii.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Zonaasi 1:2

«Yoo, n wo Ninivu kiwi gole kɛ nɛ n paraa ǹ li. A giala, ǹ baraabaa lɛ dɔ yǎa masɛ li.»

Misee 5:6

Zakɔba tɔrɔn mɛnɛn yii goã koo, bɛn tá re giɛ̃ tɔrɔ gigiã kɔsɔn bii. Ǹ tá re ǹ biɛ ka pele bɛ́ lɔn boe Dɛnaa Lawa li, ka la mu bɛ́ lɔn buu ganaa. Bɛn ba giɛ minbuiin nɛ a màn kɔn li wa, ǹ ba n foo doɛ minbuiinin ganaa ka sii kɔn nɛ wa.

Nahumu 1:1

Boo mɛn nə n da Ninivu wɔ paǹ li, Elkɔɔsi min Nahumu a sii-yɛn manɛ.

Nahumu 2:8

Sàabaa ba la wa, ǹ nə́ Ninivu gɔn bɔ a giala lɛ, ǹ nə́ woo ne bɛ̀rɛbaa ǹ bǎã nɛ. Lɔn mɛnɛn bɛ́ dínyɛɛ nɛ, bɛn man gini, ǹ nə́ n tìãbii dii foo-ziziɛ̃ taman yii.

Nahumu 3:7

Màn mɛn bɛ́ toɛ, bɛ̀ min mɛn nə́ n yɛ a baa si, a nə́ n lɛ dii: «Ninivu ziziɛ̃! Die n die makara boe a ganaa?» Die n die yii a gu wɔ la?

Sofonii 2:13

Dɛnaa Lawa n die yui gɔsɛ a lɛ̀gɔn la gialaa. Á re Asiirii bɔ̀n biɛ lenlen, a Ninivu ziziɛ̃ a baa bǎã gere lɛa ka diə gole bɛ́ lɔn.

Minin nimi 24:22

A laanka ka bɛ yii ni, tɛ n die kaa giã ǹ bǎãn lɛn mamaɛ, Asiirii minin nə ka goa, ǹ wo ka-n bɛ̀rɛ baa ǹ bǎã nɛ.

Minin nimi 24:24

Mu la ǹ goon nə́ ke boe Siipri gána li, maǹ die boe Asiirii gána minin yii ni, ǹ bɔ Ebɛɛrɛ tɔrɔn dɔn dinin yii ni. Sɛnɛ ǹ dinin dɔn tá re bɔ̀n biɛ.