Siin Giala 1:26 - LAWA A BOO SONBORE

²⁶ Bɛ kio kəni, Lawa tɔ́n pɛ: «Ka daa, wɔ minbuiin nɛ zɛnaa, wɔ dinin kɔnboe lɛa, ka wɔ dinin bɛ́ lɔn. A giã kɔ̀ mu li ǹ zɔ̀n mìi la, ka bàanan nɛ, ka piɛ mànan laanka don mànan nɛ, a dadaran laanka a bɔnboɛɛnɛn nɛ.»

LAWA A BOO SONBORE 2011

²⁶ Bɛ kio kəni, Lawa tɔ́n pɛ: «Ka daa, wɔ minbuiin nɛ zɛnaa, wɔ dinin kɔnboe lɛa, ka wɔ dinin bɛ́ lɔn. A giã kɔ̀ mu li ǹ zɔ̀n mìi la, ka bàanan nɛ, ka piɛ mànan laanka don mànan nɛ, a dadaran laanka a bɔnboɛɛnɛn nɛ.»

Siin Giala 1:26 ပူးပေါင်းရင်းမြစ်များ

Siin Giala 11:7

Haya! Ka daa wɔ gisĩ, wɔ ǹ bɔlɔ lɔlɔkɔn, màn mɛn bɛ́ toɛ, ǹ baran kɔn a boo giala ma doo wa.»

Siin Giala 2:19

Dɛnaa Lawa don màn tɔrɔ tumaa laanka bàanan tumaa zɛnaa ka tán tii ni, á ǹ kũ á daa ǹ nɛ giĩ lɛ li, a bɛ́ re ǹ tɔ bíi lɔn, asɛ ga bɛ ganaa. A bɛ́ re tɔ mɛn koe bɛa màn yiikoonaan lɛn ganaa, mà ǹ die ǹ nə ǹ bíi ka bɛa tɔ lɛ nɛ.

Siin Giala 3:22

Bɛ kio, Dɛnaa Lawa tɔ́n pɛ kɛnɛn: «Minbuiin nɛ á ke, á n baa ka wɔsɛn bɛ́ lɔn, sii bǐɛ̃ laanka sii baraa doɛ̃ wɔ paǹ li. Sisia, yǎa wɔsɛn nə kurii yiikoonaabaa ǹ da kɛa nɛ bii ganaa. Bɛ̀ bɛ bie wa, bɛ̀ á bɛa nɛ na, á bii, a n goɛ̃ a yii n koo miɛ̃, yǎa duduu.»

Siin Giala 5:1

Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.

Siin Giala 9:6

Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

Zɔbu 35:10

Sɛnɛ, min kɔn ba giɛ Lawa li wa, asɛ mɛn bɛ́ á ǹ zɛnaa, á n foo kɔɔ̃n-baa ǹ loe we ǹ lɛ-n tèlò-n.

Zɔbu 39:11

A pàã a golebaa kɛ taman yii, n tá re n foo doɛ a ganaa, n nə n dí toa a gɔn mà a nya?

Zɔbu 5:23

A giala kɔlɔn kɛn ba re n wuru kɔsiɛ sàabiɛ wa, n laanka don mànan dɔn ba re kɔn nɔmiɛ̃ wa.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Boo-laakalaali 7:29

Ma sii goon mɛn giala ma, bɛ á ke: Lawa na á minbuiin nɛ zɛnaa pepere, sɛnɛ, ǹ dinin man nə́ sii tumaa lɛ laa.

Loe kɔɔ̃n kɔɔ̃n 1:11

Wɔ n die too kaaranan zɛnɛɛ ka sana nɛ, wɔrɔ konkoron nə́ ǹ ganaa, wɔ ǹ kɔ n la.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 6:8

Má tɔn Dɛnaa lɛ ma nɔ̀n diɛ kɛnɛn: «Man die die diɛ? Die n die maa boo gii-dali biɛ?» Má a lɛ si: «Má á ke, masɛ dia.»

Izayii 64:8

Dɛnaa Lawa, n nyan toa n foo yoo a la yii-n wa. N nyan toa n yiri gisĩ wɔa sãn nɛ biikoo tumaa li wa. Baalaa wɔ, n ga wɔ ganaa, wɔ tumaa nə n zaman lɛa.

Zeremii 27:6

Kanna kəni, man die kaa gánan kɛn tumaa kiɛ maa dí-nyali *Baabiloniin kii Nebukadenezɔɔrɔ a pàã giulun. Gòon-mànan dinin tá re a dí nya ǹ mànan biɛ.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 5:17

Sɛnɛ, Yezu tɔ́n pɛ ǹ nɛ: «Haalɛ tɔn pelo, masɛ Di Lawa gɔn nə dí ganaa, masɛ dɔ gɔn nə dí ganaa.»

Nya ǹ dín 17:20

A giala n bɛ́ wɔsɛn too piɛ̃ ka boo tiin mɛnɛn nɛ, wɔsɛn man giɛ li n bɛn giala pɛ wɔsɛn manɛ.»

Nya ǹ dín 17:26

A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa.

Korɛnti1 11:7

Giĩ sɛ ba kɔnboe a màn kuməə a mìi ganaa wa, a giala, a n Lawa a kɔnboe lɛa, á n Lawa a gugurubaa nyɛɛ. Sɛnɛ, lɔ n giĩ a gugurubaa lɛa.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Efɛɛzi minin 4:24

Lawa foo sii dii mɛn zɛnaa a din a kɔnboe lɛa, ka kɔ bɛ lɛ. Ka á re min peperen biɛ, ka min sonboren baa ka sonbore barka nɛ.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Kolɔɔsi minin 3:10

ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.

Zaaki 3:7

Minbuiin nɛ a foɛ̃ màn tɔrɔ kɔ́n a doroo li wa: don mànan nɛ, bàanan nɛ, màn nɔ̀ giɛraa tán-a wolen laanka zɔ̀nɔn nɛ, minbuiin nɛ boo la á ǹ tumaa doroo a din ni.

Zaaki 3:9

A din lɛ-n wɔ tá wɔa Díi Lawa tɔ boe ne. A din lɛ dɔ nɛ, wɔ tá lɛn pipiã bíi minbuiinin li ni, Lawa nə ǹ mɛnɛn lɛn zɛnaa a din a kɔnboen lɛa.

Zaã1 5:7

Siére sɔɔ na a tan: