Siin Giala 1:22 - LAWA A BOO SONBORE

²² Lawa barka da ǹ ganaa, á pɛ kɛnɛn: «Mu mànan nə nɛn bɔ, ǹ mɔnaa, ǹ kɔ̀ mu pã, bàanan dɔn nə mɔnaa tán la.»

LAWA A BOO SONBORE 2011

²² Lawa barka da ǹ ganaa, á pɛ kɛnɛn: «Mu mànan nə nɛn bɔ, ǹ mɔnaa, ǹ kɔ̀ mu pã, bàanan dɔn nə mɔnaa tán la.»

Siin Giala 1:22 ပူးပေါင်းရင်းမြစ်များ

Siin Giala 1:21

Lawa kɔ̀ mu giulun màn dadaran da, màn yiikoonaa tɔrɔ mɛn tumaa bɛ́ tɔ we mu giulun. Á bàan tɔrɔ tumaa dɔ da. Lawa yɛ màn siĩn lɛa.

Siin Giala 1:23

Wasamiɛ̃n yɛ, baayɛlɛ dɔ́ yɛ. A lɛawaa soorobaa ǹ wɔ n ka bɛ nɛ.

Siin Giala 1:28

Lawa barka da ǹ ganaa, á pɛ ǹ nɛ kɛnɛn: «Ka nɛnyaanan yɛ, ǹ mɔnaa, ǹ tán pã, ǹ giã a mìi la. Ǹ goã kɔ̀ mu li ǹ zɔ̀n mìi la, ka bàanan laanka màn yiikoonaa mɛn tumaa bɛ́ tɔ we tán la.»

Siin Giala 30:27

Laban tɔ́n pɛ nɛ: «Bɛ̀ ma sii tá kɔɔ̃nɛ n ganaa, n nə n too kɔ ma lon. Maa mànan nə́ nyaa ma nɛ, mà n din a lɛa nɛ, Dɛnaa barka wɔ ma nɛ.

Siin Giala 30:30

Ma bɛ́ ma tɔn da ǹ mɛn waáraa wa, màn taãn bɛ́ a goã n lon wa. Sɛnɛ, maa daa kɛ lɛ gɔ́ɔ̃ nɛ, Dɛnaa barka wɔ n nɛ, n gɔn màn mɔnaa parsiini. Masɛ n die ma din a kion dí nyɛɛ biĩ kəni?»

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 8:17

Màn yiikoonaa mɛn tumaa bɛ́ kunun n ni, a dadaran nɛ ka a bɔnboɛɛnɛn nɛ, ka bàanan nɛ, ǹ waa, ǹ soo kunun n ni, ǹ nə n da wɔlɔ la, ǹ nɛn yɛ, ǹ mɔnaa tán la.»

Siin Giala 9:1

Lawa barka wɔ Nowee laanka a nɛnyaanan nɛ, á pɛ ǹ nɛ kɛnɛn: «Ka nɛnyaanan yɛ, ka mɔnaa, ka tán pã.

Zɔbu 40:15

Ga mu li ǹ bərə gole kɛ ganaa, má zɛnaa ka n dɔ bɛ́ lɔn. A n buu soɛ̃ ka dii bɛ́ lɔn.

Zɔbu 42:12

Dɛnaa Lawa wusoo á barka da Zɔbu ganaa bɛ kio, á la a lɛlɛ ǹ nɛ. A sèren man duu fulu sii (14 000), nyɔɔmaa duu sɔrɔ (6 000), buu kɔsɔ ǹ dii duu paa (2 000), ka dundun dan duu goon (1 000).

Loen 107:31

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 107:38

Lawa n barka diɛ ǹ ganaa, màn nə miɛ̃ ǹ li, ǹ nə́ mɔnɛɛ, Lawa a toɛ màn nə n bɔ ǹ tɔɔn lɛ wa.

Loen 128:3

N lɔ n die goɛ̃ ka too da nɛ-kɔle bɛ́ lɔn n kion. N nɛnyaanan tá re n màn bii ǹ bǎã lɛnpɛnɛ ka kuù da tenən bɛ́ a lɛnpɛnɛ lɔn.

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Lawa a wúlu-bɔlen 26:9

Ma á re n yɔrɔ bǐɛ̃ diɛ ka la. Ma á re toɛ ka nɛnyaanan yɛ ǹ bulu bɔ. Ma lɛ kɔ kɔn la mɛn wɔ ka ka nɛ, ma a die bɛ toɛ̃ wa.