Siin Giala 1:16 - LAWA A BOO SONBORE

¹⁶ Lawa folon-bɔle dadara màn paa zɛnaa: ǹ mɛn bɛ́ gole, wasa nɛ, á bɛ koa lɛawaa mìi la; ǹ mɛn bɛ́ boɛɛnɛ, mui ni, á bɛ koa tèlò mìi la. Á leeren dɔn zɛnaa.

LAWA A BOO SONBORE 2011

¹⁶ Lawa folon-bɔle dadara màn paa zɛnaa: ǹ mɛn bɛ́ gole, wasa nɛ, á bɛ koa lɛawaa mìi la; ǹ mɛn bɛ́ boɛɛnɛ, mui ni, á bɛ koa tèlò mìi la. Á leeren dɔn zɛnaa.

Siin Giala 1:16 ပူးပေါင်းရင်းမြစ်များ

Siin Giala 1:15

Ka bɛ dɔ nɛ, ǹ boo la, ǹ nə n toa lon gɔ̀nɔn ganaa, ǹ wɔlɔ fúlu kaa tán la.» Á n zɛnaa miɛ̃.

Zɔbu 31:26

Ta má wasa yɛ á bɔ, ta mui na á yoo á folon kiɛ,

Zɔbu 38:7

A pinaa, baayɛlɛ a leeren tumaa na á n lɛ kaa kun, ǹ nə́ loe lɔ. Lon mànan tumaa nyɛnyɛɛ ǹ lɛ-dɛ wɔ.

Loen 148:3

Wasa laanka mui, ka loe lɔ ka a tɔ bɔ. Kasɛn leeren tɛ-pɛlen lɛn tumaa, ka loe lɔ ka a tɔ bɔ.

Loen 148:5

Ǹ tumaa loe lɔ ǹ Lawa tɔ bɔ, a giala, Lawa na á ǹ zɛnaa, ka a boo dinsɔɔ̃ nɛ.

Loen 19:6

A n soe baayɛlɛ, ka lɔ tii ǹ zuũ bɛ́ soe a waa ǹ kion lɔn, a foo n kɔɔ̃nɛ ka gɔ̀lɔ̀ kɔn nɛ, á n yɔrɔ bɔ á n die baa sii, a kɔn daa ǹ baa sii.

Loen 74:16

Lɛawaa nə n din wɔ lɛa, tèlò dɔ nə n din wɔ lɛa. N din nə́ ń mui laanka wasa koa ǹ bǎã nɛ.

Loen 8:3

Min mɛnɛn bɛ́ kiɛɛrɛ, kiɛɛrɛ ka nɛnyaanan bɛ́ lɔn, bɛn dinin man loe loe lɛa, ǹ tá sìi diɛ n zɔ́ɔn ganaa, ń giɛ min mɛnɛn bɛ́ yɔ boe n ganaa bɛn baran boo da ǹ bǎã yɛ doo wa.

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Zeremii 31:35

Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Abakuku 3:11

Wasa laanka mui n golee-n bǎã goon ne n kiɛn kɛn zuĩ a tɛ fúlu nyɛɛnɛ ka n sɛmiɛ̃ kɛa tɛ fúlu ni.

Matiə 24:29

Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Matiə 27:45

Wasa bɛ́ á dɔ baã bii, wɔlɔ tii gána lɛ paǹ din tumaa nɛ yǎa biikoo sɔɔ, wasa lɛ kanɛɛ a biikoo li.

Korɛnti1 15:41

Wasa a siĩnbaa na a gɔrɔn, mui dɔ wɔ na a gɔrɔn, leeren dɔn wɔ nə ǹ gɔrɔn. Haalɛ leeren dɔn dinin siĩnbaa n totoro.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.