Siin Giala 1:1 - LAWA A BOO SONBORE

¹ Lɛlɛ-lɛlɛ Lawa na á lon laanka kanaa da.

LAWA A BOO SONBORE 2011

¹ Lɛlɛ-lɛlɛ Lawa na á lon laanka kanaa da.

Siin Giala 1:1 ပူးပေါင်းရင်းမြစ်များ

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

KZS1 16:26

Tɔrɔ kɔsɔn bɛ́ lawan mɛnɛn tumaa guguru koe, bɛn man màn kooron lɛa. Sɛnɛ, wɔsɛn Dɛnaa Lawa lɛ na á lon zɛnaa.

KZS2 2:11

Uramu pɛ doo: «Ma á zɔɔ diɛ Dɛnaa Lawa, Izirayeli a Lawa nɛ, asɛ mɛn lon laanka tán zɛnaa. Á nɛgiĩ kɔ Davida la, piɛ̃ nɛ ka sii-doɛ̃ nɛ, doɛ̃ nɛ ka yiri kɔɔ̃nbaa nɛ, a n boe la á Lawa a kion doe Dɛnaa Lawa wɔ lɛa ka kii kion ne, a dinmaa wɔ lɛa.

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Zɔbu 26:13

Bɛ̀ á piɛ̃ bɔ, lon nə goɛ̃ ka foaã, mu li ǹ màn babaraa ke n mɔmɔnɛ, a din gɔn nə bɛ niɛ̃ kɔn.

Zɔbu 38:4

Ma bɛ́ tán zɛnɛɛ ǹ mɛn waáraa, bɛ̀ ma n maa? Yiri bɛ́ n lon, a pɛ ma-n kəni.

Zɔbu 9:8

A na á lon kũ á nyɔmaa, a dinsɔɔ̃. Yìsi mu gole ke, á tɔ wɔ bɛ la.

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 104:24

Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

Loen 104:30

Bɛ̀ ń nə́ n fɔfoaã kɔ, kɔsɔn man yii doo, n din nə tán biɛ dii lɛa.

Loen 115:15

Dɛnaa Lawa die a barka da ka ganaa, asɛ mɛn bɛ́ á lon laanka tán zɛnaa.

Loen 121:2

Dɛnaa Lawa n maa dɔmalɛ wole lɛa, asɛ mɛn bɛ́ á lon laanka tán zɛnaa.

Loen 124:8

Wɔsɛn dɔmalɛ wole n ka Dɛnaa Lawa din ni. A din na á lon laanka tán zɛnaa.

Loen 134:3

Dɛnaa Lawa mɛn bɛ́ á lon laanka tán zɛnaa, a dɔ die a n toa *Siɔn kele la, a barka da ka ganaa.

Loen 136:5

A din yiri lɛ na á lon da, a kɔn-narɛɛ a nyɛɛ duduu wa.

Loen 146:6

Dɛnaa Lawa na á lon laanka tán zɛnaa, kɔ̀ mu ni, ka mànan mɛnɛn tumaa bɛ́ li. A n bɔlɔgoondɛnaa lɛa biikoo tumaa li.

Loen 33:6

Dɛnaa Lawa na á lon zɛnaa ka a din a boo ne, a na á lon màn tumaa zɛnaa, ka a din lɛ gɔ́ɔ̃ ǹ piɛ̃ nɛ.

Loen 33:9

A giala, asɛ bɛ́ á boo da, a sii na á n zɛnaa, a màn mɛn pɛ, a sii na á yɛ.

Loen 8:3

Min mɛnɛn bɛ́ kiɛɛrɛ, kiɛɛrɛ ka nɛnyaanan bɛ́ lɔn, bɛn dinin man loe loe lɛa, ǹ tá sìi diɛ n zɔ́ɔn ganaa, ń giɛ min mɛnɛn bɛ́ yɔ boe n ganaa bɛn baran boo da ǹ bǎã yɛ doo wa.

Loen 8:4

Bɛ̀ má ga lon ganaa, n din gɔn dí kɛ lɛ, n mui laanka leeren mɛnɛn kaa lon,

Loen 90:2

N laan bɛ̀ n kelen da, n laan bɛ̀ n kanaa laanka a gɔ́ɔ̃gɔ́ɔ̃ ǹ mànan da, n din nə Lawa lɛa haalɛ lɛlɛ, n nə n Lawa lɛa yǎa duduu.

Loen 96:5

Tɔrɔ kɔsɔn bɛ́ mànan mɛnɛn guguru koe, bɛn man màn kooron lɛa. Sɛnɛ, wɔsɛn Dɛnaa Lawa lɛ na á lon zɛnaa.

Bɔ bɛ̀rɛbaa nɛ 20:11

A giala, lɛawaa sɔrɔ gɔ́ɔ̃ nɛ, Dɛnaa lon laanka tán zɛnaa, ka yìsi mu ni, ka ǹ gɔ́ɔ̃gɔ́ɔ̃ ǹ mànan tumaa nɛ. Sɛnɛ, a na á n susu lɛawaa sɔbaabaa ǹ wɔ pinaa. Bɛ lɛ taman yii ni, Dɛnaa barka wɔ bɛa susu ǹ pii kɛ lɛ nɛ, á baa a din wɔ lɛa.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Suusun 16:4

Mìi n Dɛnaa Lawa a sii zɛnaa tumaa la ka te. A na á min baraan dɔn zɛnaa koe pinaa taman yii.

Suusun 3:19

Dɛnaa Lawa na á lon zɛnaa ka a Sii-doɛ̃ nɛ, á lon koa ka a yiridɛnaabaa nɛ.

Boo-laakalaali 12:1

Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

Izayii 37:16

«Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

Izayii 40:21

Kaa tɔn bɛ doɛ̃ wa? Ka tɔn ma wa? Ǹ bɛa boon kɛn pɛ ka-n haalɛ bibi wa? Ka kanaa a giala daa ǹ gɔn giala ma wa?

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 40:28

N ba bɛ doɛ̃ wa? N bin ma wa? Lawa mɛn bɛ́ a tan haalɛ bibi yǎa duduu, Dɛnaa Lawa, a din na á tán tumaa zɛnaa. Pàã a nyaabiɛ a ganaa duduu wa. A nɔmɛɛ wa. Dan ba a sii-doɛ̃ la wa.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:18

Dɛnaa Lawa n kɛ pii asɛ mɛn nə lon zɛnaa, Lawa mɛn bɛ́ á tán zɛnaa. A na á zɛnaa, a ná a kaka kɔ. A bie á zɛnaa màn gɔ́ɔ̃ kooro-a lɛa wa. A na á zɛnaa giã ǹ bǎã lɛa. A n pii: «Ma din ni Dɛnaa Lawa lɛa. Kɔsɔ banban.»

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Izayii 51:16

Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Zeremii 10:12

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Zeremii 32:17

«E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 51:15

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Marki 13:19

A giala bɛa pinaa, nɔmaa lɛ á die gole koe parsiini, a kũ Lawa a kanaa zɛnaa biikoo ganaa a da pelo ǹ yaa, min tɔn nə ǹ miã yɛ ka a yii-n wa, min ba re ǹ miã kɔsɔ yii ka a yii-n doo duduu wa.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 17:24

Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.

Nya ǹ dín 4:24

Ǹ miãn lɛn nə́ n too kɔ ǹ lon, bɛ kio, ǹ tumaa nə́ n lɛ kaa kun, ǹ nə́ Lawa nyankɔ: – Mìinaa, n din nə́ n lon zɛnaa, ka tán nɛ, ka yìsi mu laanka a gɔ́ɔ̃gɔ́ɔ̃ ǹ màn tumaa nɛ.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Efɛɛzi minin 3:9

Lawa na á bǐɛ̃ zɛnaa ma-n dɔn, mà ma n dɔ minin tumaa lɛ, ǹ Lawa a sii-durii kɛ a zɛnaa ǹ gɔn yɛ foaãnɛ. Lawa n màn tumaa zɛnaali lɛa. A din na á bɛa sii kɛ lɛ duru haalɛ lɛlɛ.

Ebrəə 1:10

«Dɛnaa, n din lɛ nə́ n kanaa da lɛlɛ-lɛlɛ. Lon dɔ nə́ n din gɔn a màn zɛnaa lɛa.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Ebrəə 11:3

Golee Lawa li n toɛ, wɔ á doɛ̃ wáa Lawa na á kanaa da ka a boo ne. Bɛ lɛ nɛ, wɔ yii bɛ́ kanaa mɛn ganaa, bɛ bie á n zɛnaa ka màn yɛ ka yii-n wole-n wa.

Ebrəə 3:4

Sonbore ne, kion gogoonmaa a dɔle na a tan, sɛnɛ, Lawa n màn din tumaa zɛnaali lɛa.

Piɛrɛ2 3:5

Bɛ̀ ǹ tá bɛ pii, maǹ nə n dinin yiri boe woone, mà Lawa na á lon laanka kanaa da lɛlɛ ka a boo barka nɛ. A na á kanaa bɔ mu bii, á tamaa mu bii.

Zaã1 1:1

Wɔ n sɛ́wɔ kɛ diɛ ka la Boo kɛ a lɛa, Boo mɛn bɛ́ yiikoonaabaa koe. Á goã a tan, bɛ̀ màn kɔ́n tɔn nə n giala kɔ bɔrɔ wa. Wɔ́ Boo lɛ ma, wɔ́ yɛ ka wɔ yii ni, wɔ́ ga a ganaa, wɔ n gɔn da a ganaa.

Sii-nyaan 10:6

á n liɛ ka Lawa nɛ, Lawa mɛn bɛ́ a yii n koo baraabaraa yǎa duduu, lon mànan ka tán mànan laanka yìsi mu li ǹ mànan-zɛnaali lɛa, á pɛ: «Biikoo kɔsɔ ba n koe doo wa.

Sii-nyaan 14:7

Á goã pii ka a lɛn gole-n kɛnɛn: «Ka nyɛ́ɛ baa Lawa nɛ, ka a guguru kɔ! A giala, a kiri wɔ minbuiinin ganaa biikoo dɔ. Lawa mɛn lon zɛnaa, ka tán nɛ, ka yìsi mu gole ne, ka mu yalan nɛ, ka bɛ guguru kɔ.»

Sii-nyaan 21:6

Á tɔ́n pɛ doo kəni: «Màn tumaa nə́ n zɛnaa. Masɛ din nə bibinaa lɛa, masɛ din nə giala-nyɔmɔɔ dɔ lɛa, giala-kɔ nɛ ká a nya ǹ bǎã nɛ. Bɛ̀ mu boro tá min mɛn ganaa, mu mɛn bɛ́ yiikoonaabaa ǹ mu yala-n, masɛ á re bɛ koe la a mi kooro.

Sii-nyaan 22:13

Masɛ din nə bibinaa lɛa, ma din nə giala-nyɔmɔɔ dɔ lɛa, giala-kɔ nɛ, ka a nya ǹ bǎã nɛ.»

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni:

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»