Samayeli2 21:7 - LAWA A BOO SONBORE

⁷ Sɛnɛ, kii Mefibosɛti toa walan. Sayulu a nɛ Zonaatan a nɛgiĩ ni. Davida liɛ mɛn wɔ ka Dɛnaa Lawa tɔ nɛ, mà giaáraabaa n die goɛ̃ asɛ laanka Sayulu a nɛgiĩ Zonaatan bii, bɛ lɛ a lɛa nɛ, á Mefibosɛti toa walan.

LAWA A BOO SONBORE 2011

⁷ Sɛnɛ, kii Mefibosɛti toa walan. Sayulu a nɛ Zonaatan a nɛgiĩ ni. Davida liɛ mɛn wɔ ka Dɛnaa Lawa tɔ nɛ, mà giaáraabaa n die goɛ̃ asɛ laanka Sayulu a nɛgiĩ Zonaatan bii, bɛ lɛ a lɛa nɛ, á Mefibosɛti toa walan.

Samayeli2 21:7 ပူးပေါင်းရင်းမြစ်များ

Samayeli2 16:4

Kii lɛ tɔ́n pɛ Siibaa nɛ: «Màn mɛn tumaa goã Mefibosɛti wɔ lɛa lɛlɛ, n din wɔ n ka bɛ-n kanna.» Siibaa tɔ́n pɛ: «Bɛa kaa tán nə́ ke. Masɛ a dɛnaagiĩ kii ganaa, bǐɛ̃ kɔ masɛ-a kɛnɛn miɛ̃.»

Samayeli2 19:25

Sayulu a nɛgiĩ Mefibosɛti dɔ́ goã á daa n da kii lɛ. A saa kii a woo ganaa, a da kaa a wusoo a daa kɛ lɛ ka là nyantoro ne, Mefibosɛti ga a gòãn lɛn laanka a lɛ ka kɛ walan wa, a bin na a mɔnaan dɔn pii wa.

Samayeli2 4:4

Sayulu a nɛgiĩ Zonaatan dɔ a nɛgiĩ goon goã, a gòãn paanan nə́ ziziɛ̃. A lɛ̀ sooro ne, bɛ̀ Sayulu laanka Zonaatan a gɛ̀ boo lɛ bɛ́ n toɛ Zizereyɛli doe ǹ li. Lɔ mɛn goã toe, bɛ na á saa mà a n baa sii ni. Nanaa a la yii-n gɔn, nɛ lɛ nə́ n si la á mɛnaa, á gɔ̀naa baa. Nɛ lɛ tɔ na á goã Mefibosɛti.

Samayeli2 9:1

Ǹ kɔn pinaa, Davida nɔ̀n da: «Min tá tɔn yii Sayulu a kion a yii n koo má n boe la ma bǐɛ̃ zɛnaa nɛ, Zonaatan taman yii?»

Samayeli2 9:10

N din ni, n nɛgiĩn ni ka n bɛ̀rɛgiĩn ni, ka á re tán kɔsɛ, bɛ̀ màn mɛn yɛ a nɛ ka da bɛ kɔ kaa dɛnaagiĩ a nɛgiĩ lɛ la, a boo la a n din too ne. Ka bɛ tumaa nɛ, n dɛnaagiĩ a nɛgiĩ Mefibosɛti á die màn bii kun ka masɛ nɛ biikoo tumaa li.» Bɛ á zɛnɛɛ bɛ̀ nɛgiĩ fulusooro n Siibaa lon, ka bɛ̀rɛgiĩ fuə ne.

Samayeli2 9:6

Sayulu a nɛ Zonaatan a nɛgiĩ Mefibosɛti woo á dɔ Davida li. Á na á kaa tán a giulun, á n mìi zuməə tán. Davida ná a tɔ bíi: «Mefibosɛti!» Á Davida lɛ si: «Ma á ke.»

Samayeli2 9:7

Davida tɔ́n pɛ nɛ: «N baran nyɛ́ɛ goon baa wa. Man giɛ li ma bǐɛ̃ zɛnaa n nɛ, n di Zonaatan lɛ taman yii. Bǎã mɛn tumaa bɛ́ n digolo Sayulu wɔ lɛa, man die wusii ma bɛ tumaa kɔ n la. N dinmaa kɛ n die màn bii kun ka masɛ nɛ biikoo tumaa li.»

Boo-laakalaali 8:2

Masɛ máa bɛ̀ kii boo mɛn da, n bɛ si lɛ-kɔ kɛ taman yii, ń wɔ Lawa yɔrɔ-a.

Samayeli1 18:3

Zonaatan nə́ n lɛ kɔ Davida la, a giala, a na á goã narɛ ka a dinmaa bɛ́ lɔn.

Samayeli1 20:12

Zonaatan pɛ Davida nɛ: «Masɛ n Dɛnaa Lawa biɛ siére lɛa, Izirayeli a Lawa lɛ. Biɛ̃ kɛnɛn yirəə hinlaa bɛa lɛawaa, man die n diɛ ma di lɛ gɔ́ɔ̃ li, bɛ̀ a giã ǹ gɔn tá siĩni n wɔ paǹ li, ma á die a boo diɛ n nɛ.

Samayeli1 20:15

ta Dɛnaa Lawa n Davida a zɔ́ɔn bɔnbiɛ gogoon, ǹ boe tán kɛ la, n baran n bǐɛ̃ lɛ goa maa kion minin ganaa wa.»

Samayeli1 20:17

A giaárabaa lɛ gɔ́ɔ̃ nɛ ka Davida nɛ, Zonaatan wusoo doo, á n lɛ kɔ Davida la, a giala, a na á goã Davida narɛ ka a din bɛ́ lɔn.

Samayeli1 20:42

Zonaatan pɛ Davida nɛ: «Wo ka là nyantoro ne. Wɔsɛn dinin min paa lɛ-kɔ mɛn wɔ kɔn la ka Dɛnaa Lawa tɔ nɛ, Dɛnaa Lawa die a goã siére lɛa miɛ̃ duduu masɛ laanka n din biin ni, n nɛnyaanan laanka maa nɛnyaanan biin ni!»

Samayeli1 20:8

Bǐɛ̃ kɔ n dí-nyali lɛ-a, a giala, n nə n lɛ kɔ ma la ka Dɛnaa Lawa tɔ nɛ. Sɛnɛ, sii woo sii má zɛnaa, bɛ̀ ma zɛ̀rɛ n ka ǹ mɛn nɛ, n dinmaa lɛ ma dɛ, a giala, wàa na á baa, n tá re woe ka ma nɛ yǎa n di li?

Samayeli1 23:18

Ǹ dinin paanan lɛ-kɔ wɔ Dɛnaa Lawa yɔrɔ-a. Davida goã daã lɛ nɛ, Zonaatan nə́ n bɔyaa á woo piɛ.

Samayeli1 24:22

Kanna kəni, n liɛ masɛ nɛ ka Dɛnaa Lawa tɔ nɛ, mà n ba re masɛ a nɛnyaanan dii ma kio wa, mà n ba re ma tɔ papaɛ̃ n bɔ masɛ a díi a kion minin bii wa.»