Samayeli2 20:19 - LAWA A BOO SONBORE

¹⁹ Là nyantoro bɛ́ kiwi mɛn nɛ, foo bɛ́ doa-n kiwi mɛn ganaa Izirayeli gána nɛ, wɔsɛn dinin kiwi lɛ nɛ. Sɛnɛ, n dɔ n giɛ li mà n bɛa kiwi lɛ yu, bɛ mɛn bɛ́ Izirayeli gána a kiwi dadaran lɛn goon lɛa. Wàa na á baa n tá li n Dɛnaa Lawa gɔn màn ziziɛ̃?

LAWA A BOO SONBORE 2011

¹⁹ Là nyantoro bɛ́ kiwi mɛn nɛ, foo bɛ́ doa-n kiwi mɛn ganaa Izirayeli gána nɛ, wɔsɛn dinin kiwi lɛ nɛ. Sɛnɛ, n dɔ n giɛ li mà n bɛa kiwi lɛ yu, bɛ mɛn bɛ́ Izirayeli gána a kiwi dadaran lɛn goon lɛa. Wàa na á baa n tá li n Dɛnaa Lawa gɔn màn ziziɛ̃?

Samayeli2 20:19 ပူးပေါင်းရင်းမြစ်များ

Siin Giala 18:23

Abrahamu nə́ n zɔ̃ á dɔ á pɛ: «Dɛnaa, n din parsii-n, mà n nə ǹ die zɛ̀rɛbaãnaa bɔ̀n biɛ kun ka zɛ̀rɛdɛnaa-n sonbore?

Samayeli2 14:16

Min mɛn goã mà a tá maa nɛ laanka ma din dii, a tá wɔ boe Lawa a zaman kɛ bii, n din kii nə ń lɛ kɔ, mà n tá re wɔsɛn sii bɛ la.»

Samayeli2 17:16

Kanna kəni, ka minin dia fufuu, ǹ wo a boo da kii Davida nɛ, ǹ pɛ nɛ: «N nyan toa n lɛ̀ waa diə fúlu kɛ gɔ́ɔ̃-n don wa. Yǎa n woe nyɛɛnɛ. Bɛ bie wa, ǹ tá re n din laanka n minin kɛn tumaa lɛ naɛ bǎã goon.»

Samayeli2 20:18

Lɔ lɛ tɔ́n màn da a boo li á pɛ: – Ta á n baa lɔn, lɛlɛ boo kɛ n nə pii: «Ka wo nɔ̀n da Abeli-Bɛti-Maakaa minin la, sii lɛ á re yɔrɔ boe», bɛa sàabiɛ wa.

Samayeli2 20:20

Zoabu ná a lɛ si á pɛ nɛ: «Kiwi kɛa yui boo ne, ka a basaã kɔ ma-n nɛ, bɛa taasiɛ ba ma gɔ́ɔ̃-n duduu wa!

Samayeli2 21:3

Davida tɔ́n nɔ̀n da Gabawɔ̃ minin lɛn la: «Ma doamaa-n ma wàa zɛnaa ka nɛ? Basaã mɛn nə n kɔ ka nɛ, ma doamaa nɛ ma wàa mɛn zɛnaa ma bɛ nya nɛ, màn mɛn bɛ́ toɛ, ka barka da Dɛnaa Lawa a zaman lɛ ganaa?»

Kiin1 8:53

A giala, Dɛnaa Lawa, n din ni ń nə́ ǹ yii gɔgɔɔ̃ kanaa tɔrɔn tumaa bii ń nə́ ǹ baa n kíɛ̃ lɛa ka n goã ń nə́ n dí-nyali Muizu da a pɛ ganaa lɔn, bɛ̀ a bɛ́ á wɔsɛn digolon lɛn waa á soo ǹ ne Ezipti gána nɛ.

Loen 106:5

N toa man din a yii gɔgoɛ̃ wolen yii-nyɛɛ kɛ yɛ, man nyɛnyɛɛ kun ka n zaman kɛ nɛ, ma maa wɔ gii yɛ n din a minin nyaǹ bɔ kɛ nɛ.

Loen 124:3

Ǹ foo lɛ bɛ́ á yoo wɔ li á la yii ni, bɛ̀ maǹ die wɔ soɛ̃ wɔ yii n koo.

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Loen 78:71

á bɔ sèren kio á daa nɛ. Á baa a din a minin kɛn lɛduə̃li lɛa, á baa Izirayeli-lɛduə̃li lɛa.

Zeremii 51:34

Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Busii pɛ 2:16

Á ke, n zɔ́ɔn tumaa n boo diɛ n ganaa. Maǹ nə n yiin wɛɛ n li, ǹ nə́ yaa we n ganaa bɛ̀ ǹ tá pii: «Wɔ gɔn dɔ a ganaa. Wɔ bɛ́ n yii diɛ lɛawaa mɛn la, á ke. A din nə ka kɛ nɛ wɔ yii ná a ganaa.»

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Minin nimi 16:32

Tán lɛ nə́ n lɛ bũ, á ǹ mui kɔnlɛ ka ǹ kion minin ni, ka Koree a minin tumaa laanka ǹ gɔn mànan nɛ.

Minin nimi 26:10

Tán nə́ tɔ́n nə n lɛ bũ, á n lɛ tɔrɔ ǹ ganaa, ka Koree dɔ nɛ. Koree a kiodɛnan lɛn bɛ́ ǹ nə́ gã, tɛ bɛ́ á min biɛpaa ka posooro (250) lɛ kũ ǹ yii n koo, bɛ nə́ n baa sii a kɔnboe lɛa, zaman gialakun lɛ gɔn.

Korɛnti1 15:54

Màn bɔɔ̃ wole á re bɔɔ̃baã wole biɛ. Màn mɛn dɔ bɛ́ giɛ̃, bɛ dɔ á re giɛ̃ wa. Bɛ̀ bɛ nə́ n zɛnaa, Lawa a sɛ́wɔ kɛ a boo lɛ á re piɛ̃ kəni: «Gɛ̀ papaã, gɔ̀lɔ̀baa lɛ pã.»

Korɛnti2 5:4

Hiĩ, ta wɔ́ belebɔ wɔa kion kɛ-n lɔn, wɔ ǹ ginii we, wɔ ǹ nɔmaa la. A bie ka wɔ n zoɛ̃ li, wɔ n na wɔ n bɔ kɔn ka wɔ gɔ̀nɔn kɛ-n wa, sɛnɛ, wɔ yiri ná a ganaa, wáa wɔ wusoo wɔ Lawa a piɛ gɔ̀nɔn kɛ yɛ, ń giɛ, ǹ mɛn bɛ́ á gã, bɛ wusoo a yiikoonaabaa yɛ.

Timəə dí-pɛn 20:10

Bɛ̀ ka á re woe zia biɛ kiwi mɛn ganaa, ka pɛ ǹ nɛ mà bɛ̀ ǹ tá giɛ là nyantoro li, mà ǹ nə n dinin kɔ kiĩni.

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Timote1 2:2

kiin laanka min mɛn tumaa bɛ́ pàã lɛ la. Man giɛ li máa wɔ bɛ zɛnaa, màn mɛn bɛ́ toɛ, wɔ goã là nyantoro la, wɔ yiri n bǎã goon ne, wɔ n nyɛ́ɛ biɛ Lawa nɛ, wɔ n tɔ wɔ ǹ gɔn sonbore la.

Sii yɔrɔ-bɔlen 5:7

Minin nə́ baa si ǹ nə́ ǹ kiwin toa, Izirayeli gána nɛ, ǹ nə́ kiwin toa. Yǎa ma din Deboraa a yoo ke, yǎa ma din a yoo ke, ka Izirayeli a náa bɛ́ lɔn.

Samayeli1 10:1

Samayeli nyɔɔ màn saa, á nyɔɔ kaa Sayulu mìi ni. Bɛ kio, á n sɔɔ Sayulu ni, á pɛ nɛ: – Dɛnaa Lawa na á n bɔ, á n koa kii lɛa n din a zaman Izirayeli minin lɛn mìi la.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.