Samayeli2 20:15 - LAWA A BOO SONBORE

¹⁵ Zoabu laanka a minin lɛn tumaa daa Sebaa lɛnpɛnɛ Abeli-Bɛti-Maakaa kiwi. Ǹ nə́ tii kaa kɔn la yǎa a mìi la yoo á dɔ kiwi lɛ a kungɔn li. Zaman mɛn tumaa goã kun ka Zoabu ni, bɛn man nə́ goã kiwi lɛ a kungɔn lɛ giala gɔsiɛ, màn mɛn bɛ́ toɛ, a bɔ a kaa.

LAWA A BOO SONBORE 2011

¹⁵ Zoabu laanka a minin lɛn tumaa daa Sebaa lɛnpɛnɛ Abeli-Bɛti-Maakaa kiwi. Ǹ nə́ tii kaa kɔn la yǎa a mìi la yoo á dɔ kiwi lɛ a kungɔn li. Zaman mɛn tumaa goã kun ka Zoabu ni, bɛn man nə́ goã kiwi lɛ a kungɔn lɛ giala gɔsiɛ, màn mɛn bɛ́ toɛ, a bɔ a kaa.

Samayeli2 20:15 ပူးပေါင်းရင်းမြစ်များ

Samayeli2 20:14

Zoabu Izirayeli minin lɛn bǎã tumaa kaa kɔn la, á woo yǎa Abeli-Bɛti-Maakaa kiwi. Bɛa bǎãn lɛn minin dɔn nə́ n sɔkɔn, ǹ nə́ kɔ lɛ.

Kiin1 15:20

Bɛn-Adaadi lɛ lɛ kɔ kii Azaa a boo lɛ ganaa. Á ná a sɔraasin nyɛɛnaadɛnan dia woe Izirayeli gána a kiwin gialaa. Ǹ nə́ Iyɔn kiwi kũ, Dan kiwi ni, Abeli-Bɛti-Maakaa kiwi ni, Kinerɛti bǎã tumaa nɛ, ka Nɛfutalii gána kuturu ni.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 19:32

Bɛ lɛ nɛ, Dɛnaa Lawa n kɛ pii, Asiirii a kii lɛ wɔ paǹ li: A ba re we kiwi kɛ-n wa. A ba re kiɛ zuĩ a-n wa. A ba re zia diɛ a-a ka goóro-n wa. A ba re tii diɛ kɔn la a lɛ a wa.

Boo-laakalaali 9:14

Kiwi boɛɛn goon na á goã, a zaman ba tɛ wa. Kii gole goon na á daa kɔ lɛ á kũ, á bǎãn tã a ganaa.

Izayii 37:33

Dɛnaa Lawa bɛ́ boo mɛn diɛ Asiiriin kii wɔ paǹ li, bɛ á ke: A re we kiwi kɛ-n wa, a re kiɛ goon din zuĩ a-n wa. A re yɔ boe a ganaa wa. A re goóron koɛ a din siã a yoo a gialaa wa. A re tii diɛ kɔn la a ganaa wa.

Zeremii 32:24

«Á ke, Baabilonii minin sa gɔn lɛ diri kiwi lɛ la, ǹ nə́ zoɛ̃ li maǹ kũ. Bòo laanka zia taman yii, ka piɛ̃ busu ni, ǹ tá re boe ǹ la. N boo mɛn pɛ, bɛ n yɔrɔ yii, ka n yii bɛ́ a ganaa lɔn.

Zeremii 33:4

Masɛ Dɛnaa Lawa, Izirayeli a Lawa n kɛ pii Zeruzalɛmu a kionən laanka Zudaa a kii kionən wɔ paǹ li. Ǹ wuriimaa nɛ. Là ba a ganaa ka zia baa *Baabilonii minin sɔraasin ganaa wa. Bɛ̀ ka bɛ zɛnaa, kiwi lɛ n die piɛ̃ ka geren ne, maa foo yoo gole kɛ taman yii. Zeruzalɛmu minin sii baraa la yii ni, bɛ lɛ nɛ má n dɔ̀ɔ̃ wɔ ǹ nɛ.

Zeremii 6:6

Dɛnaa Lawa Pàãyiidɛnaa a da ǹ boo á ke: «Ka dan kuru, ka ziabaa ǹ kungɔn dɔ Zeruzalɛmu ganaa.» Kiwi mɛn doamaa bɛ-n ka dɔlɔ nɛ, asɛ mɛn a sii tumaa bɛ́ ka kakaarɛbaa nɛ.

Ezekieli 4:2

N nyaa, ka maǹ nə́ kũ. N nyankɔrɔ bɔ, n na a tii dɔ kaa kɔn la n kiwi nyín lɛ lɛnpɛnɛ nɛ, zia-baalin bǎãn nyín ni, ka ziabaa ǹ màn dadaran nyínin ni, n kiwi nyín lɛ lɛnpɛnɛ nɛ.

Luku 19:43

A giala lɛawaan tá re die, n zɔ́ɔn tá re n lɛnpɛnɛ, ǹ nə n yɔrɔ bɔ taãn-taãnɛ, ǹ nə n lɛ gɛwaa n paǹ din tumaa ganaa.