Samayeli2 19:27 - LAWA A BOO SONBORE

²⁷ A ná a lɛ si: «Maa dɛnaagiĩ kii, maa dí-nyali na á ma yiri sã. Bɛ̀ bɛ lɛ bie wa, man má goã, máa man die maa dundun dan kuĩ ma kɛkɛrɛ da a dɔ̀ɔ̃ nɛ, ma dii la, ma wo kunun n ni. A giala, ma gòã lɛ a toɛ ma á tɔ we wa.

LAWA A BOO SONBORE 2011

²⁷ A ná a lɛ si: «Maa dɛnaagiĩ kii, maa dí-nyali na á ma yiri sã. Bɛ̀ bɛ lɛ bie wa, man má goã, máa man die maa dundun dan kuĩ ma kɛkɛrɛ da a dɔ̀ɔ̃ nɛ, ma dii la, ma wo kunun n ni. A giala, ma gòã lɛ a toɛ ma á tɔ we wa.

Samayeli2 19:27 ပူးပေါင်းရင်းမြစ်များ

Samayeli2 14:17

Bɛ lɛ n ke má tɔ́n pɛ ma din gɔ́ɔ̃ nɛ: «Lawa die a toa maa dɛnaagiĩ kii a boo lɛ yii-nyɛɛ kɔ ma la. A giala, maa dɛnaagiĩ n goon ka Lawa a lon a dia dí-a wole bɛ́ lɔn.» A tá sii bǐɛ̃ laanka a baraa a bɔkɔnlɛ doɛ̃. Dɛnaa Lawa mɛn bɛ́ a Lawa lɛa, Bɛ die a n dɔ lɛ.

Samayeli2 14:20

N dí-nyali Zoabu n giɛ li, a sii lɛ bɔyaa ka yɔrɔ kɔsɔ nɛ, bɛ lɛ na á toa á kɛ zɛnaa. Sɛnɛ, maa dɛnaagiĩ bɛ́ sii doɛ̃ ka lon a dia dí-a wole bɛ́ lɔn, sii mɛn tumaa bɛ́ n zɛnɛɛ tán la, n tá bɛ tumaa doɛ̃.»

Samayeli2 16:3

Kii tɔ́n nɔ̀n da la: «N dɛnaagiĩ Sayulu a nɔ̀ɔn Mefibosɛti lɛ á maa?» Siibaa kii lɛ si: «Á ke, a na á giã Zeruzalɛmu. A giala, a n taasɛ mà pelo, mà Izirayeli minin lɛn tá re asɛ digole Sayulu a kiibaa lɛ koe asɛ la.»

Samayeli2 16:4

Kii lɛ tɔ́n pɛ Siibaa nɛ: «Màn mɛn tumaa goã Mefibosɛti wɔ lɛa lɛlɛ, n din wɔ n ka bɛ-n kanna.» Siibaa tɔ́n pɛ: «Bɛa kaa tán nə́ ke. Masɛ a dɛnaagiĩ kii ganaa, bǐɛ̃ kɔ masɛ-a kɛnɛn miɛ̃.»

Samayeli2 19:17

Geraa mɛn bɛ́ Bɛnzamɛn tɔrɔ lɛa, boe Bawurimu kiwi, bɛa nɛgiĩ Simeyii kɛ nə́ n nanaa, á n dɔ kun ka Zudaa minin lɛn nɛ, á woo n da kii Davida lɛ.

Samayeli2 9:13

Mefibosɛti na á goã simii a gòãn paanan la, bɛ lɛ na á toa á goã giã-n Zeruzalɛmu, màn mɛn bɛ́ toɛ, a boo la a màn bii kun ka kii ni biikoo tumaa li.

Samayeli2 9:3

Kii lɛ tɔ́n nɔ̀n da: «Min na a ba Sayulu a kion lɛ-n doo, masɛ bǐɛ̃ zɛnaa nɛ, a kaa Lawa foo la wa?» Siibaa tɔ́n pɛ kii ni: «Zonaatan a nɛgiĩ goon tá tɔn a tan, ǹ mɛn lɛ bɛ́ a gòãn paanan nə́ ziziɛ̃.»

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 15:3

A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Bɔ bɛ̀rɛbaa nɛ 20:16

- N baran soɛ da min la wa.

Zeremii 9:4

Didie nə ǹ miã siɛ̃, Min kɔn ba sonbore pii wa. Ǹ tumaa lɛ muĩ soɛ nɛ. Ǹ nya ǹ dí n ka sii baraa nɛ.

Samayeli1 29:9

Akiisi Davida lɛ si, á pɛ nɛ: «Ma á doɛ̃ sonbore máa n tá kɔɔ̃n masɛ ganaa ka n pɛ mà Lawa a lon a dia dí-a wole ne, sɛnɛ, Filisiti minin kiin lɛn man nə́ pɛ mà n ba woe zia biɛ kun ka ǹsɛn nɛ wa.