Samayeli2 16:1 - LAWA A BOO SONBORE

¹ Davida bɛ́ á kele mìi lɛ na boɛɛn nɛ, Mefibosɛti a kion dí-nyali Siibaa daa n da lɛ ka dundun màn paa nɛ, guĩ gigiã nə́ ǹ dɔ̀ɔ̃ nɛ: Buuru mìi biɛpaa (200) nɛ, rezɛ̃ laa san paabiɛ nɛ, gɔ́rɔ tɔrɔ kɔn a nɛ paabiɛ nɛ, ka duvɛ̃ bɔnaa goon ne.

LAWA A BOO SONBORE 2011

¹ Davida bɛ́ á kele mìi lɛ na boɛɛn nɛ, Mefibosɛti a kion dí-nyali Siibaa daa n da lɛ ka dundun màn paa nɛ, guĩ gigiã nə́ ǹ dɔ̀ɔ̃ nɛ: Buuru mìi biɛpaa (200) nɛ, rezɛ̃ laa san paabiɛ nɛ, gɔ́rɔ tɔrɔ kɔn a nɛ paabiɛ nɛ, ka duvɛ̃ bɔnaa goon ne.

Samayeli2 16:1 ပူးပေါင်းရင်းမြစ်များ

Samayeli2 15:30

Davida na á *olivie dan kele kɛa zii saa, á goã dii woe. A na á goã dii, bɛ̀ á n wuu pii. Foo ziziɛ̃ taman yii, màn na á goã koe ne a mìi lɛ, á n tɔ we ka a gòã kooro ne. Zaman mɛn tumaa goã kun ni, bɛn dɔn man nə́ màn kɔ ǹ mìi lɛ, ǹ nə́ goã dii kele lɛ la. Maǹ dii bɛ̀ ǹ tá wuu pii.

Samayeli2 15:32

Davida dɔ kele lɛ mìi ni, ǹ bɛ́ kiɛ tán Lawa yɔrɔ-a bǎã mɛn nɛ, bɛ̀ ǹ na a guguru kɔ. A bɛ́ doe walan, bɛ̀ Arkaan giĩ Usayii á ke die a li, a mɔnaa n tɔtoɛ̃nɛ, a mìi tumaa n tii lɛa.

Samayeli2 19:17

Geraa mɛn bɛ́ Bɛnzamɛn tɔrɔ lɛa, boe Bawurimu kiwi, bɛa nɛgiĩ Simeyii kɛ nə́ n nanaa, á n dɔ kun ka Zudaa minin lɛn nɛ, á woo n da kii Davida lɛ.

Samayeli2 19:32

Barzilayii mɛn bɛ́ Galaati min lɛa, bɛ dɔ bɔ Rogelimu kiwi, á Zurdɛ̃ tà kuru kun ka kii ni, á da zii yǎa tà kio, á tɔ́n wusoo walan.

KZS1 12:40

N nə́ lɛawaa sɔɔ zɛnaa Ebrɔn lɛ nɛ kun ka Davida nɛ, bɛ̀ ǹ tá màn bii ǹ nə́ màn mii. Ǹ dɔɔ̃nɔn mɛnɛn bɛ́ walan bɛn man nə́ goã ǹ nə́ bɛa màn-biin lɛn zɛnaa ǹ nɛ.

Suusun 18:16

Min a bǐɛ̃baa n toɛ a sii yɔrɔ yɛ, a wo yǎa min dadaran li.

Zeremii 40:10

Masɛ n giã-n Mispaa man ka bǎã siɛ Baabilonii minin yɔrɔ-a, kɛn die wɔ li. Sɛnɛ kasɛn, ka rezɛ̃ nɛ na, da nɛ nɛ, ka nyɔɔ nɛ. Ka kaa kaa-piɛ mànan tamaa, ka giã sɔnbɔraanɛ kaa kiwin kɛn nɛ ka ǹ si.»

Zeremii 40:12

Ka bɛ-n kəni, Zudaa minin nə goã pɛsiɛ̃-n bǎã woo bǎã nɛ, ǹ tumaa nə́ n bɔyaa ǹ nə́ daa Zudaa gána nɛ, Gedalia li Mispaa. Ǹ nə́ rezɛ̃ nɛ gigiã yɛ walan ka da nɛ nɛ.

Amɔɔsi 8:1

Dɛnaa Lawa wusoo á mán mɛn nyaa ma-n doo, da nɛ mərə ne, kaka piɛ̃.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Samayeli1 10:3

Sayulun bɛ́ bǎã mɛn nɛ, bɛ̀ ń woo nyɛɛnɛ sɔsɔɔ á la bɛ nɛ, n nə n doe Tabɔɔrɔ a da sasa kɛ li. Giĩ min sɔɔ tá re die n yiɛ walan, kiɛ̃ woe Lawa guguru koe Betɛli. Bòe banɛɛ sɔɔ tá goon gɔn, buuru mìi sɔɔ tá goon gɔn, yɔ bɔnaa tá goon gɔn.

Samayeli1 16:20

Zesee tɔ́n dundun kũ, á buuru laanka yɔ bɔnaa goon kaa dundun lɛ la, ka bòe ten goon ne, a ná a nɛgiĩ Davida dia, á woo ǹ kɔ Sayulu la.

Samayeli1 25:18

Abigayili nə́ n nanaa á buuru mìi biɛ paa goa, yɔ bɔnaa paa nɛ, sère sooro siĩ ni, *belee nàn paparɛɛ pán yii sooro ne, Zuifun rezɛ̃ laa san paabiɛ (100) nɛ, ka Zuifun takɔlɔ mìi biɛpaa nɛ.